ആരാകും 'സെക്രട്ടേറിയറ്റി'ന്റെ എം.എല്.എ.
തിരുവനന്തപുരം: ഭരണസിരാകേന്ദ്രമായ സെക്രട്ടേറിയറ്റ് ഉള്പ്പെടെ സ്ഥിതിചെയ്യുന്ന തിരുവനന്തപുരം സെന്ട്രല് മണ്ഡലത്തില് ഇക്കുറി പോരാട്ടം പ്രവചനാതീതം. യു.ഡി.എഫ്. സ്ഥാനാര്ഥിയായി സി.എം.പി. നേതാവ് സി.പി. ജോണ്, വെള്ളിത്തിരയില് അഭിനയപാരമ്പര്യം കരുത്തോടെ നിലനിര്ത്തുന്ന എല്.ഡി.എഫ്. സ്വതന്ത്രന് സുധീര് കരമന, ബി.ജെ.പിയുടെ എ ക്ലാസ് മണ്ഡലത്തില് എന്.ഡി.എ. സ്ഥാനാര്ഥിയായി കരമന ജയന് എന്നിവര് തമ്മിലാണ് തീപാറുന്ന പോരാട്ടം.
രാഘവന്റെ രാഷ്ട്രീയ പിന്ഗാമി
എസ്.എഫ്.ഐയുടെ പഴയ സമരനായകനെന്ന നിലയിലും രാഷ്ട്രീയകേരളത്തിനു സുപരിചിതനാണ് സി.പി. ജോണ്. 23-ാം വയസില് എസ്.എഫ്.ഐ. സംസ്ഥാന പ്രസിഡന്റായും പിന്നീട് സെക്രട്ടറിയായും പ്രവര്ത്തിച്ച അദ്ദേഹം,
വിദ്യാര്ഥികളുടെ ബസ് യാത്രാനിരക്ക് കുറയ്ക്കുന്നതിനടക്കം നിരവധി സമരങ്ങള്ക്കു നേതൃത്വം നല്കി. എസ്.എന്. കോളജിനു മുന്നിലെ നിരാഹാരസമരവും പുല്പ്പള്ളിയിലെ ഐതിഹാസിക മാര്ച്ചും എടുത്തുപറയേണ്ടവയാണ്. പിന്നീട് എം.വി. രാഘവനൊപ്പം സി.പി.എം. വിട്ട് സി.എം.പിയുടെ അമരക്കാരനായി. ആസൂത്രണ ബോര്ഡ് അംഗമായി പ്രവര്ത്തിച്ചിട്ടുള്ള ജോണ് കേരളത്തിന്റെ സമ്പദ്ഘടനയെക്കുറിച്ച് കൃത്യമായ കാഴ്ചപ്പാടുള്ള അപൂര്വം നേതാക്കളില് ഒരാളാണ്. യു.ഡി.എഫ്. ഭരണത്തിലെത്തിയാല് മന്ത്രിയാകാന് സാധ്യതയുള്ളവരില് പ്രധാനിയെന്ന പ്രതിഛായയും ജോണിന് കരുത്താണ്.
അഭിനയപ്രതിഭയില്
അച്ഛന്റെ നേരവകാശി
എല്.ഡി.എഫ്. സ്വതന്ത്രനായി നടന് സുധീര് കരമനയെ രംഗത്തിറക്കിയതു മണ്ഡലത്തിനാകെ താരപരിവേഷം പകര്ന്നിട്ടുണ്ട്. അന്തരിച്ച നടന് കരമന ജനാര്ദ്ദനന് നായരുടെ മകനോട് ആളുകള്ക്കുള്ള ഇഷ്ടം വോട്ടായി മാറുമെന്നും ഇടതുമുന്നണി പ്രതീക്ഷിക്കുന്നു.
തേരാളി ഇക്കുറി പോരാളി
ശ്രീപത്മനാഭസ്വാമി ക്ഷേത്രം അഡ്മിനിസ്ട്രേറ്ററെന്ന നിലയില് ജനശ്രദ്ധയാകര്ഷിച്ച കരമന ജയനിലൂടെ മണ്ഡലം പിടിച്ചെടുക്കാമെന്ന് എന്.ഡി.എയും കരുതുന്നു. നഗരപ്രദേശങ്ങളിലെ ബി.ജെ.പിയുടെ കരുത്തും തിരുവനന്തപുരം കോര്പറേഷന് ബി.ജെ.പി. ഭരിക്കുന്നതും അനുകൂലമാകുമെന്നതാണ് പ്രതീക്ഷ. തിരുവനന്തപുരം കോര്പറേഷനിലെ വിജയത്തിനു ചുക്കാന് പിടിച്ച ബി.ജെ.പി. ജില്ലാ പ്രസിഡന്റ് കൂടിയാണ് ജയന്.
സമവാക്യങ്ങള്
പ്രവചനാതീതം
നിര്ണായക സാമുദായികസമവാക്യങ്ങളുംതീര-നഗരപ്രദേശങ്ങളും ഒരുപോലെ ചേരുന്ന മണ്ഡലമാണ് തിരുവനന്തപുരം സെന്ട്രല്. വികസനത്തിനൊപ്പം രാഷ്ട്രീയാദര്ശങ്ങളും വ്യക്തിപ്രഭാവവും ഏറ്റുമുട്ടുന്ന ഇവിടെ അതുകൊണ്ടുതന്നെ പോരാട്ടം കടുക്കും. 'സെക്രട്ടേറിയറ്റിന്റെ എം.എല്.എ'യെ നിശ്ചയിക്കുന്നതില് അടിയൊഴുക്കുകളും നിര്ണായകമായേക്കാം. നിലവിലെ എം.എല്.എ. ഇടതുമുന്നണിയിലെ ആന്റണി രാജുവാണ്.
LATEST NEWS
TRENDING NOW
-
നാട്ടികയില് മത്സരം സിപിഐക്കെതിരെ: ബിജെപി സ്ഥാനാർത്ഥി സി സി മുകുന്ദന്
-
ഡെലിവറി വാഹനത്തിൽ നിന്ന് 27 എൽപിജി ഗ്യാസ് സിലിണ്ടറുകൾ മോഷണം പോയി; 22 എണ്ണവും കാലിക്കുറ്റികൾ
-
മാപ്പ് എഴുതി നൽകി; വീണ്ടും 'കൈ' പിടിച്ച് തൃശ്ശൂർ കോർപ്പറേഷൻ കൗൺസിലർ ലാലി ജെയിംസ്
-
പുഷ്പവൃഷ്ടിയും പുലികളിയും;തൃശൂരില് നരേന്ദ്രമോദിയുടെ റോഡ് ഷോ ; സുരേഷ്ഗോപിയും പത്മജയും, ആവേശത്തോടെ എന്ഡിഎ ക്യാമ്പ്
-
എന്ഡിഎയ്ക്ക് 15 മുതല് 30 സീറ്റുകള് വരെ ലഭിക്കും ; പൂഞ്ഞാറില് മുസ്ളീം വോട്ടുകള് കിട്ടുമെന്ന് പിസി ജോര്ജ്ജ്
-
നേമത്ത് കുറിതൊട്ട് ശിവന്കുട്ടി ; പരിഹാസവുമായി സോഷ്യല് മീഡിയ; പരാജയഭീതിയെന്ന് വിമര്ശനം
-
സംഘര്ഷവും പിരിമുറുക്കവും നിറഞ്ഞ പൂഞ്ഞാര്; എ. ജയശങ്കര് എഴുതുന്നു
-
ലോകമെമ്പാടും എണ്ണവില കൂടിക്കോട്ടെ ഇന്ത്യയെ ബാധിക്കില്ല ; പ്രതിരോധമായി ഇവിടൊരു മോദിസര്ക്കാരുണ്ടെന്ന് സുരേഷ്ഗോപി
-
നിയമസഭ തിരഞ്ഞെടുപ്പില് ബിജെപിയ്ക്ക് തന്ത്രങ്ങളുണ്ട് ; വോട്ടെണ്ണല് കഴിയുമ്പോള് അത് വ്യക്തമാകുമെന്ന് രാജീവ് ചന്ദ്രശേഖര്
-
വില്പ്പനയില് വീണ്ടും മുന്നേറി ഇന്ത്യക്കാരുടെ സ്വന്തം ബൈക്കായ ഹീറോ സ്പ്ലെന്ഡര്
-
മോഹന്ലാലിന്റെ വ്യക്തിത്വ അവകാശസംരക്ഷണം: വിദ്വേഷ ലിങ്കുകള് നീക്കം ചെയ്യാന് നിര്ദേശിച്ച് ഡല്ഹി ഹൈക്കോടതി
-
ശബരിമല സ്വര്ണക്കൊളള: മന്ത്രി എന്ന നിലയില് ധാര്മിക ഉത്തരവാദിത്തമില്ലെന്ന് പറയാനാകില്ല: കടകംപള്ളി സുരേന്ദ്രന്
