സി.പി.എമ്മിനെതിരായ ഡീല് ആരോപണം ഇന്ത്യസഖ്യ നയത്തിന് എതിരെന്ന് എം.എ. ബേബി
പത്തനംതിട്ട: ഉന്നതരായ കോണ്ഗ്രസ് നേതാക്കള് കേരളത്തിലെത്തി സി.പി.എമ്മിനെതിരേ ഡീല് ആരോപണം ഉന്നയിക്കുന്നതു പച്ചക്കള്ളമെന്നു സി.പി.എം. അഖിലേന്ത്യ ജനറല് സെക്രട്ടറി എം.എ. ബേബി. പത്തനംതിട്ട പ്രസ് ക്ലബിന്റെ ജനമനസ് സംവാദം പരിപാടിയില് പങ്കെടുക്കുകയായിരുന്നു അദ്ദേഹം.
ബി.ജെ.പി - സി.പി.എം. ഡീല് എന്ന പേരില് കോണ്ഗ്രസ് പ്രസിഡന്റ് മല്ലികാര്ജുന് ഖാര്ഗെ ആരോപണം ഉന്നയിച്ചത് ഇന്ത്യാ സഖ്യത്തിന്റെ പൊതുകാഴ്ചപ്പാടിനെതിരാണ്. രാജ്യത്ത് ഇന്ത്യ ബ്ലോക്ക് ശക്തിപ്പെടണമെന്നാണ് സി.പി.എം. ആഗ്രഹിക്കുന്നത്. നനഞ്ഞ പടക്കമാണു രാഹുല് ഗാന്ധി വീണ്ടും പൊട്ടിക്കുന്നത്. ഇന്ത്യ സഖ്യത്തില് പെട്ട ഒരു മുഖ്യമന്ത്രിയെയാണു വ്യാജ ആരോപണത്തിന്റെ പേരില് അറസ്റ്റ് ചെയ്യണമെന്ന് നിരന്തരം ആവശ്യപ്പെടുന്നത്. ത്രിപുര, അരുണാചല് പ്രദേശ് തുടങ്ങിയ സംസ്ഥാനങ്ങളില് ബി.ജെ.പിക്കു വളരാന് സാഹചര്യമൊരുക്കിയത് കോണ്ഗ്രസാണെന്നു കാണാം. ഡല്ഹിയില് ആപ്പിനു ഭരണം നഷ്ടമാകുന്നതിലും കോണ്ഗ്രസ് സമീപനം കാരണമായിട്ടുണ്ട്. കേരളത്തിലെ സമീപകാല ചരിത്രത്തിലും ബിജെപി, കോണ്ഗ്രസ് ബന്ധം എടുത്തുകാട്ടാന് ധാരാളമുണ്ട്. 2016ല് നേമത്ത് ബി.ജെ.പിക്ക് അക്കൗണ്ട് തുറക്കാന് സഹായം ചെയ്തത് കോണ്ഗ്രസുകാരാണ്. 2021ല് സി.പി.എം. ഇതു പൂട്ടിച്ചു. കഴിഞ്ഞ തദ്ദേശ തെരഞ്ഞെടുപ്പില് കൊല്ലം, തിരുവനന്തപുരം കോര്പറേഷനുകളില് സി.പി.എമ്മിനെ അധികാരത്തില് നിന്നകറ്റാന് ബി.ജെ.പിയും കോണ്ഗ്രസും പരസ്പരം സഹായിച്ചു-ബേബി പറഞ്ഞു.
മുഖ്യമന്ത്രി കഴിഞ്ഞ ദിവസങ്ങളില് നടത്തിയ ചില പദപ്രയോഗങ്ങള് സംബന്ധിച്ച ചോദ്യത്തിന് ഓരോരുത്തര്ക്കും അവരുടേതായ ശൈലിയുണ്ടെന്നായിരുന്നു ബേബിയുടെ മറുപടി. പൊതുയോഗത്തില് ചോദ്യംചോദിക്കാന് ശ്രമിച്ചയാള്തന്നെ സാഹചര്യം വ്യക്തമാക്കിയിട്ടുണ്ട്. കേരളത്തില് പിണറായി വിജയനെ ടാര്ഗറ്റ് ചെയ്തുകൊണ്ടുള്ള ചില നീക്കങ്ങളുണ്ട്. പ്രളയകാലത്തും കോവിഡിലും കേരളത്തെ സംരക്ഷിച്ചുനിര്ത്തിയ മുഖ്യമന്ത്രിയാണ് അദ്ദേഹമെന്നും ബേബി പറഞ്ഞു.
വി. ശിവന്കുട്ടി പെരുമാറ്റച്ചട്ടം ലംഘിച്ചെന്ന് ബി.ജെ.പി. പരാതി
തിരുവനന്തപുരം: നേമത്തെ എല്.ഡി.എഫ്. സ്ഥാനാര്ത്ഥി വി. ശിവന്കുട്ടി മാതൃകാ പെരുമാറ്റച്ചട്ടം ലംഘിച്ചെന്ന് ആരോപിച്ചു ബി.ജെ.പി. പരാതി നല്കി.
മന്ത്രി പദവി ദുരുപയോഗം ചെയ്ത് വോട്ട് അഭ്യര്ത്ഥിച്ചെന്നാണ് പ്രധാന ആക്ഷേപം. സംസ്ഥാന സര്ക്കാരിന്റെ ഔദ്യോഗിക ചിഹ്നം പതിപ്പിച്ച മന്ത്രിയുടെ ലെറ്റര്പാഡില് ജനങ്ങളുടെ പിന്തുണ തേടി വീടുകളില് കത്തുകള് വിതരണം ചെയ്തതാണ് വിവാദത്തിന്
വഴിവച്ചത്. തെരഞ്ഞെടുപ്പ് പ്രഖ്യാപിച്ച സാഹചര്യത്തില് ഔദ്യോഗിക സംവിധാനങ്ങള് പ്രചാരണത്തിന് ഉപയോഗിക്കുന്നതു ചട്ടലംഘനമാണെന്നു ബി.ജെ.പി. ചൂണ്ടിക്കാട്ടി. ബി.ജെ.പി. നേമം മണ്ഡലം ലീഗല് ഇന് ചാര്ജാണ് മണ്ഡലം വരണാധികാരിക്കു പരാതി നല്കിയത്. കത്തുകള് പിടിച്ചെടുക്കണമെന്നും സ്ഥാനാര്ത്ഥിക്കെതിരേ കര്ശന നടപടി സ്വീകരിക്കണമെന്നും പരാതിയില് ആവശ്യപ്പെട്ടിട്ടുണ്ട്.
YOU MAY BE INTERESTED
LATEST NEWS
- ബംഗാളില് 250 മണ്ഡലങ്ങളില് ആര്എസ്എസ് നടത്തിയത് 1.75 ലക്ഷം യോഗങ്ങള്
- തമിഴ്നാട്ടില് പോരാട്ടം ടി.വി.കെയും ഡി.എം.കെയും തമ്മില്; വിജയ് പെരമ്പൂരിലും തിരുച്ചിറപ്പള്ളിയിലും മത്സരിക്കും
- എസ്ഡിപിഐ - എല്ഡിഎഫ് ഡീല് ആരോപണം ; ചോദ്യങ്ങളില് മുഖ്യമന്ത്രിക്ക് അസഹിഷ്ണുത, എങ്ങും തൊടാതെ മറുപടി
- 'ടിഷ്യു പേപ്പറില് നീട്ടിയാലും ഒപ്പിടുന്ന ഭരണാധികാരി' ; രാഹുലിനെ വിമര്ശിച്ചതിന് മുഖ്യമന്ത്രിക്ക് രമേശിന്റെ മറുപടി
- ജയിച്ചാല് ബൂത്ത് ഭാരവാഹികള്ക്ക് വിദേശയാത്ര വാഗ്ദാനം ; സി.പി.ബാവ ഹാജിക്ക് എതിരെ കേസ്
TRENDING NOW
-
സംഘര്ഷവും പിരിമുറുക്കവും നിറഞ്ഞ പൂഞ്ഞാര്; എ. ജയശങ്കര് എഴുതുന്നു
-
ലോകമെമ്പാടും എണ്ണവില കൂടിക്കോട്ടെ ഇന്ത്യയെ ബാധിക്കില്ല ; പ്രതിരോധമായി ഇവിടൊരു മോദിസര്ക്കാരുണ്ടെന്ന് സുരേഷ്ഗോപി
-
നിയമസഭ തിരഞ്ഞെടുപ്പില് ബിജെപിയ്ക്ക് തന്ത്രങ്ങളുണ്ട് ; വോട്ടെണ്ണല് കഴിയുമ്പോള് അത് വ്യക്തമാകുമെന്ന് രാജീവ് ചന്ദ്രശേഖര്
-
വില്പ്പനയില് വീണ്ടും മുന്നേറി ഇന്ത്യക്കാരുടെ സ്വന്തം ബൈക്കായ ഹീറോ സ്പ്ലെന്ഡര്
-
മോഹന്ലാലിന്റെ വ്യക്തിത്വ അവകാശസംരക്ഷണം: വിദ്വേഷ ലിങ്കുകള് നീക്കം ചെയ്യാന് നിര്ദേശിച്ച് ഡല്ഹി ഹൈക്കോടതി
-
ശബരിമല സ്വര്ണക്കൊളള: മന്ത്രി എന്ന നിലയില് ധാര്മിക ഉത്തരവാദിത്തമില്ലെന്ന് പറയാനാകില്ല: കടകംപള്ളി സുരേന്ദ്രന്
-
ശ്രീലേഖയും ശോഭാ സുരേന്ദ്രനും ജയിക്കണമെന്ന് സി. രാധാകൃഷ്ണന്
-
ബംഗാളില് ബി.ജെ.പിയുടെ മുസ്ലിം കാര്ഡ്
-
ശബരിമല കൊടിമര പ്രതിഷ്ഠയില് ക്രമക്കേടില്ലെന്ന ഹൈക്കോടതി വിധിയില് യു.ഡി.എഫിന് ആശ്വാസം
-
രാജീവ് ചന്ദ്രശേഖറിന്റെ പത്രികാ സ്വീകരണം; ഉണ്ടയില്ലാ വെടിയായി വിവാദം, മാനനഷ്ടത്തില് കോണ്ഗ്രസ്
-
പ്രശ്നപരിഹാരം കണ്ടിട്ടു പോയാല് മതി; കുട്ടനാട് എം.എല്.എ. ഉള്പ്പടെയുള്ള സ്ഥാനാര്ഥികളെ കര്ഷകര് തടഞ്ഞുവച്ചു
-
തൃശൂരിലെ ത്രികോണപ്പൂരം
