നിശ്ചയിച്ചുറപ്പിച്ച വിവാഹം മുടങ്ങി, പിന്നാലെ എഐയെ വിവാഹം കഴിച്ച് യുവതി, സംഭവം ജപ്പാനില്
തന്റെ പ്രതിശ്രുത വരനുമായുള്ള വിവാഹം മുടങ്ങിയതോടെ എഐയെ ജീവിതപങ്കാളിയായി തെരഞ്ഞെടുത്ത് ഒരു യുവതി. ജപ്പാനിലാണ് വിചിത്ര സംഭവം നടന്നത്. യൂറിന നൊഗുച്ചി എന്ന ജാപ്പനീസ് യുവതിയാണ് ലൂണ് ക്ലോസ് വെര്ഡ്യൂര് എന്ന എ ഐ ജനറേറ്റഡ് കഥാപാത്രത്തെ പങ്കാളിയായി സ്വീകരിച്ചത്.
നിശ്ചയിച്ച വിവാഹം മുടങ്ങി. ഇനി ഒരു മനുഷ്യനെ വിവാഹം കഴിക്കാന് താല്പര്യപ്പെടുന്നില്ല. ഒരു എഐ പങ്കാളിയുമായി ജീവിതം മുന്നോട്ടു കൊണ്ടു പോകാന് ആഗ്രഹിക്കുന്നുവെന്നാണ് തന്റെ വിവാഹത്തെക്കുറിച്ച് യൂറിന നൊഗുച്ചി നല്കുന്ന വിശദീകരണം. തന്റെ മുന്കാല പ്രണയ ബന്ധങ്ങളില് ഒന്നും ഉണ്ടാകാതിരുന്ന സ്ഥിരതയും കൂട്ടുമാണ് ഈ എഐ ബന്ധം തനിക്ക് സമ്മാനിക്കുന്നതെന്നാണ് യുവതി അവകാശപ്പെടുന്നത്. ഈ ബന്ധം അര്ത്ഥവത്തായതും പിന്തുണ നല്കുന്നതുമാണെന്ന് വിശേഷിപ്പിച്ച അവര്, തന്റെ അകപങ്കാളി മുന്വിധികള് ഇല്ലാതെ കാര്യങ്ങള് കേള്ക്കുന്നുവെന്നും തന്റെ വൈകാരിക ആവശ്യങ്ങള്ക്കനുസരിച്ച് സ്വയം മാറുന്നുവെന്നും വിശദീകരിച്ചു. ഇത് തനിക്ക് സുരക്ഷിതത്വം നല്കുന്നുവെന്നും യുവതി കൂട്ടിച്ചേര്ത്തു.
അതേസമയം വിവാഹത്തിന് പരമ്പരാഗതമായ വസ്ത്രം ധരിച്ചാണ് യൂറിന നൊഗുച്ചി ഒരുങ്ങിയത്. അവര് സ്വന്തം കയ്യില് വിവാഹമോതിരം അണിഞ്ഞു. വരന് നല്കപ്പെടുന്ന പ്രതിജ്ഞകള് വെര്ച്വല് വിവാഹ സേവനങ്ങളില് വിദഗ്ധനായ ഒരാള് ഉച്ചത്തില് വായിച്ചു. പിന്നീട് വിവാഹ ഹാളില് വച്ച് ചടങ്ങുകള് എല്ലാം ഒന്നൊന്നായി നടന്നു. എന്നാല്, ജപ്പാനില് ഇത്തരം ബന്ധങ്ങള്ക്ക് നിയമ പരിരക്ഷയില്ല. അതേസമയം യൂറിന നൊഗുച്ചിയുടെ തീരുമാനം സോഷ്യല് മീഡിയയില് വലിയ സംവാദങ്ങള്ക്ക് തുടക്കമിട്ടു. ഏകാന്തത, മാറിക്കൊണ്ടിരിക്കുന്ന ബന്ധങ്ങളുടെ നിര്വചനങ്ങള്, വ്യക്തിജീവിതത്തില് ആര്ട്ടിഫിഷ്യല് ഇന്റലിജന്സിന്റെ വര്ദ്ധിച്ചുവരുന്ന സ്വാധീനം എന്നിവയെക്കുറിച്ച് ഈ സംഭവം ചര്ച്ചകള് ഉയര്ത്തുന്നു. യുവതിയുടെ തീരുമാനത്തെ തികച്ചും ഒരു വ്യക്തിപരമായ തെരഞ്ഞെടുപ്പായി കാണണമെന്ന് പലരും അഭിപ്രായപ്പെട്ടു.
Music played in a wedding hall in western Japan as Yurina Noguchi, wearing a white gown and tiara, dabbed away her tears, taking in the words of her husband-to-be: an AI-generated persona gazing out from a smartphone screen https://t.co/K5YgJcCTDX pic.twitter.com/hUKdozvkus— Reuters (@Reuters) December 17, 2025
YOU MAY BE INTERESTED
LATEST NEWS
- നിങ്ങൾ ഈ ഹോബി ഉള്ളവരാണോ? എങ്കിൽ ഓർമ്മശക്തിയും ശ്രദ്ധയും വർധിപ്പിക്കുമെന്ന് പുതിയ പഠനം
- വിദേശത്തുപോകാന് പണിയെടുത്തുണ്ടാക്കിയ സമ്പാദ്യം: വിമാനത്താവളത്തിലെത്തിയ യുവാവിനെ കാത്തിരുന്നത് ഞെട്ടിക്കുന്ന വാര്ത്ത
- വിദ്യാര്ത്ഥിനികളെകൊണ്ട് ശരീരം മസാജ് ചെയ്യിച്ച് അധ്യാപിക: ഞെട്ടിക്കുന്ന ദൃശ്യങ്ങള് പുറത്ത്
- പ്രായമോ സമയയോ വര്ഷമോ ഇല്ല: ആമസോണ് കാടുകളിലെ ഗോത്ര വിഭാഗം ജീവിക്കുന്നതിങ്ങനെ
- വന്ധ്യത ശസ്ത്രക്രിയയ്ക്ക് ശേഷം ആണ്കുഞ്ഞിന് ജന്മം നല്കി: സര്ക്കാരില് നിന്ന് നഷ്ടപരിഹാരം ആവശ്യപ്പെട്ട് യുവതി
