വിദ്യാര്ത്ഥിനികളെകൊണ്ട് ശരീരം മസാജ് ചെയ്യിച്ച് അധ്യാപിക: ഞെട്ടിക്കുന്ന ദൃശ്യങ്ങള് പുറത്ത്
ഉത്തര്പ്രദേശിലെ ചിത്രകൂട് ജില്ലയില് നിന്നും പുറത്തുവരുന്ന ഒരു വിഡിയോയാണ് ഇപ്പോള് സമൂഹമാധ്യമങ്ങളില് വലിയ ചര്ച്ചകള്ക്ക് തിരികൊളുത്തിയിരിക്കുന്നത്. ചിത്രകൂടിലെ ഒരു പ്രൈമറി സ്കൂള് ക്ലാസ് മുറിയില് നിന്നുള്ളതാണ് വിഡിയോ. ക്ലാസ്മുറിയില് വച്ച് പെണ്കുട്ടികളെ കൊണ്ട് അധ്യാപിക സ്വന്തം ശരീരം മസാജ് ചെയ്യിക്കുന്ന വിഡിയോയാണ് സമൂഹമാധ്യമങ്ങളില് പ്രചരിക്കുന്നത്.
മധു റായ് എന്ന അധ്യാപികയാണ് വിഡിയോയിലുള്ളത്. ആധ്യാപിക ക്ലാസ് മുറിയിലെ നിലത്ത് കമിഴ്ന്ന് കിടക്കുകയും ഒരു പെണ്കുട്ടിയെ കൊണ്ട് തന്റെ ശരീരം ചവിട്ടി തിരുമ്മിക്കുന്നതുമാണ് വിഡിയോ. യൂണിഫോമിട്ട കുട്ടികള് ഇവര്ക്കും ചുറ്റിലും ബെഞ്ചില് ഇരിക്കുന്നതും വിഡിയോയില് കാണാം. മൊബൈല് ഫോണ് നോക്കിക്കൊണ്ടാണ് അധ്യാപിക നിലത്ത് കിടക്കുന്നത്. സ്കൂളിലെ പ്രധാനാധ്യാപികയാണ് മധുറായ്.
സംഭവത്തെ തുടര്ന്ന് മധു റായിയെ സസ്പെന്റ് ചെയ്തു. 23 സെക്കന്റ് ദൈര്ഘ്യമുള്ള വിഡിയോയില് അഞ്ചാംക്ലാസ് വിദ്യാര്ഥിനികളാണുള്ളത്. സംഭവത്തെ തുടര്ന്ന് ഡിഇഒ സ്കൂളില് പരിശോധന നടത്തി. തുടര്ന്നാണ് അധ്യാപികയെ സസ്പെന്റ് ചെയ്തത്. എന്നാല് മധുറായ് മെഡിക്കല് ലീവിലാണെന്നാണ് സ്കൂള് അധികാരികളുടെ വിശദീകരണം. പ്രധാന അധ്യാപിക ക്ലാസ്മുറിയില് വച്ച് സ്ഥിരം മസാജ് ചെയ്യിക്കാറുണ്ടെന്ന് കുട്ടികള് അന്വേഷണ ഉദ്യോഗസ്ഥരെ അറിയിച്ചു. തുടര്ന്നാണ് നടപടി.
''യുപിയിലെ! ചിത്രകൂട് സര്ക്കാര് െ്രെപമറി സ്കൂളിലെ വനിതാ പ്രിന്സിപ്പാള് നിലത്ത് കമിഴ്ന്നു കിടന്ന് പെണ്കുട്ടികളെ കൊണ്ട് ചവിട്ടി തിരുമ്മിക്കുന്നു. എങ്ങനെയാണ് പ്രിന്സിപ്പലിനു കുട്ടികളുടെ ഭാവി ഇങ്ങനെ ചൂഷണം ചെയ്യാന് സാധിക്കുന്നത്?'' എന്ന കുറിപ്പോടെയാണ് വിഡിയോ സമൂഹമാധ്യമങ്ങളിലെത്തിയത്. സമൂഹമാധ്യമത്തിലെത്തി നിമിഷങ്ങള്ക്കകം തന്നെ വിഡിയോയ്ക്ക് താഴെ നിരവധി കമന്റുകളും എത്തി. 'ആരാണ് ഈ വിഡിയോ എടുത്തത്?' എന്നായിരുന്നു വിഡിയോയ്ക്കു താഴെ ചിലരുടെ ചോദ്യം. എഐ സാങ്കേതിക വിദ്യയിലൂടെ നിര്മിച്ചതാണ് ഈ വിഡിയോ എന്നാണ് മധുറായിയുടെ വിശദീകരണം.
"Principal wants foot massage in school." 🚨Madhu Rai, woman principal, lies on floor ina govt primary school in UP's Chitrakoot while girl students give her a foot massage.How can the future of children be shaped if principal herself exploits them like this? pic.twitter.com/dxLOjS5QR1— Suraj Kumar Bauddh (@SurajKrBauddh) March 6, 2026
LATEST NEWS
- ഇന്ത്യയില് മരുന്നുകള്ക്ക് ഇത്ര വിലക്കുറവോ? കണ്ണുതള്ളി ഓസ്ട്രേലിയന് വ്ളോഗര്, വീഡിയോ
- ചിറകില്ലെങ്കില് എന്താ! അസലായി പറക്കും ഈ പാമ്പുകള്, കേരളത്തിലെ വനമേഖലയിലും കാണാനാകും
- ഇറാന്റെ നെടുംതൂണായ കുഞ്ഞന് ദ്വീപ്: തൊട്ടാല് ലോകം തന്നെ മാറ്റിമറിക്കപ്പെടും
- പങ്കാളിയെ ആകര്ഷിക്കാന് ഭംഗിയുള്ള കല്ലുകള് സമ്മാനമായി നല്കണം: പെന്ഗ്വിനുകള്ക്ക് സഹായത്തിനെത്തി കുരുന്നുകള്
- വീട്ടുകാര് വിവാഹം തിര്ത്തു: പോലീസ് സ്റ്റേഷന് മുന്നില് ഡീസല് ഒഴിച്ച് കമിതാക്കളുടെ ആത്മഹത്യാശ്രമം
