ഇങ്ങനെയുണ്ടോ ഒരു കുസൃതി! സോഷ്യല്‍ മീഡിയയില്‍ വൈറലായി നായ്ക്കുട്ടിയുടെ വീഡിയോ

നായകളുമായി ബന്ധപ്പെട്ട വീഡിയോകള്‍ക്ക് സോഷ്യല്‍ മീഡിയയില്‍ ആരാധകരേറെയാണ്. ഇത്തരത്തിലൊരു ഒരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത്. ഒരു നായ പുല്‍മേടിന് മുകളില്‍ നിന്ന് ഉരുണ്ട് താഴേക്ക് വീഴുന്നതാണ് അത്. ആദ്യം കാണുമ്പോള്‍ വിഷമം വരുമെങ്കിലും പിന്നാലെ വീഡിയോയില്‍ ഒരു ട്വിസ്റ്റ് ഉണ്ട്.

താഴെ വീണെന്ന് കരുതുന്ന നായ വീണ്ടും മുകളിലേക്ക് പോയി താഴേക്ക് ഉരുണ്ട് വീഴുന്നു. ഈ വീഡിയോ സോഷ്യല്‍ മീഡിയയില്‍ പെട്ടെന്ന് തന്നെ വൈറലായി. നിരവധിപേരാണ് ലൈക്കും കമന്റുമായി എത്തുന്നത്. നാറാണത്ത് ഭ്രാന്തന്റെ കഥ നിങ്ങള്‍ കേട്ടിട്ടില്ലേ? കല്ല് ഉരുട്ടി മുകളിലെത്തിച്ച് താഴേക്ക് ഉരുണ്ടിവിടുന്നത്. അതുപോലെയുണ്ടെന്നാണ് പലരുടെയും കമന്റ്. 'പൂച്ച സാറിന്റെ ഫ്രണ്ട് ആണെന്ന് തോന്നുന്നു, അല്ലെങ്കില്‍ ഇത്ര വരില്ല', 'മനുഷ്യനെ പേടിപ്പിക്കാനായിട്ട്', 'ആദ്യം ശരിക്കും വീണതാ പിന്നീട് അതൊരു ഹരമാക്കി മാറ്റി' ഇങ്ങനെ പോകുന്നു കമന്റുകള്‍.