ഇന്ത്യയിലെ തെരുവുകള്‍ വൃത്തിയാക്കി സ്വീഡിഷ് പൗരന്‍; യുവാവിന്റെ പ്രവൃത്തിയ്ക്ക് കൈയടിച്ച് സോഷ്യല്‍മീഡിയ

ഇന്ത്യയിലെ തെരുവ് വൃത്തിയാക്കുന്ന ഒരു സ്വീഡിഷ് യുവാവിന്റെ വീഡിയോ സമൂഹമാധ്യമങ്ങളില്‍ ശ്രദ്ധ നേടുകയാണ്. 4cleanindia എന്ന ഇന്‍സ്റ്റഗ്രാം പേജിലാണ് വീഡിയോ പോസ്റ്റ് ചെയ്തിരിക്കുന്നത്.

' ഒരു ദിവസം ഒരു തെരുവ്' എന്ന പേരിലാണ് യുവാവിന്റെ ചലഞ്ച്. ആഴ്ചയില്‍ ഓരോ ദിവസവും മാലിന്യം നിറഞ്ഞ ഒരു തെരുവ് തിരഞ്ഞെടുത്ത് അത് വൃത്തിയാക്കുന്നു. മാലിന്യങ്ങള്‍ മാറ്റുന്നതിനു മുമ്പുളള റോഡിന്റെ ദൃശ്യങ്ങളും വൃത്തിയാക്കിയതിനു ശേഷമുളള ദൃശ്യങ്ങളും അദ്ദേഹം വീഡിയോയില്‍ ഉള്‍പ്പെടുത്തിയിട്ടുണ്ട്.

View this post on Instagram

A post shared by 4cleanindia (@4cleanindia)

യുവാവിന്റെ ഈ പ്രവൃത്തി സോഷ്യല്‍ മീഡിയ ഉപയോക്താക്കളെ ആകര്‍ഷിക്കുകയും പ്രചോദിപ്പിക്കുകയും ചെയ്തിട്ടുണ്ട്. യുവാവിന്റെ പല വീഡിയോകളിലും രാജ്യത്തോടുളള അദ്ദേഹത്തിന്റെ ആദരവ് പ്രകടമാണ്.