അതൊരു അവിശ്വസനീയമായ നിമിഷമായിരുന്നു: പ്രധാനമന്ത്രി നരേന്ദ്ര മോദിയെ നേരില്കണ്ട ആവേശം പങ്കുവച്ച് യുവതി
ഇസ്രയേലില് വെച്ച് പ്രധാനമന്ത്രി നരേന്ദ്ര മോദിയെ കണ്ടതിന്റെ ആവേശം പങ്കുവെക്കുകയാണ് ഇന്ത്യക്കാരിയായ ഒരു യുവതി. റിവിറ്റല് മോസസ് എന്ന യുവതിയാണ് ഇക്കാര്യം സാമൂഹികമാധ്യമങ്ങളില് പങ്കുവെച്ചത്. മോദിയെ കണ്ടത് വൈകാരികമായ നിമിഷമായിരുന്നുവെന്ന് ഇവര് വീഡിയോയില് പറഞ്ഞു. നിമിഷ നേരങ്ങള്ക്കുള്ളിലാണ് വീഡിയോ വൈറലായിമാറിയത്.
'ഞാന് ഇന്ത്യന് പ്രധാനമന്ത്രി നരേന്ദ്രമോദിയെ നേരില് കണ്ടു. ഈ മനുഷ്യനാണ് 150 കോടി ജനങ്ങളുള്ള രാജ്യത്തെ നയിക്കുന്നത്. ഈ മനുഷ്യനാണ് ലോകത്തെ ഏറ്റവും വലിയ ജനാധിപത്യരാജ്യത്തെ നയിക്കുന്നത്. അദ്ദേഹത്തെ വ്യക്തിപരമായി കാണാനും എന്റെ ചില ചിന്തകള് അദ്ദേഹവുമായി പങ്കുവെക്കാനുമുള്ള അവസരം എനിക്ക് ലഭിച്ചു. അതൊരു അവിശ്വസിനീയമായ നിമിഷമായിരുന്നു.' റിവിറ്റല് മോസസ് വീഡിയോയില് പറഞ്ഞു.
'ഇസ്രയേലി പാര്ലമെന്റിലെ അദ്ദേഹത്തിന്റെ പ്രസംഗം. അത് ഗംഭീരമായിരുന്നു. ഇന്ത്യന് പതാകയുടെ നിറങ്ങളാല് തിളങ്ങിയ ഇസ്രയേലി പാര്ലമെന്റില് അദ്ദേഹത്തെ കണ്ടത് വൈകാരികമായ നിമിഷമായിരുന്നു. ഇതൊരു തുടക്കം മാത്രമാണ്. ഞാന് അക്ഷമയോടെ കാത്തിരിക്കുകയാണ്. അടുത്ത പത്ത് വര്ഷങ്ങള് ഇന്ത്യയും ഇസ്രയേലും തമ്മിലുള്ള ബന്ധത്തിന്റേതാണ്. നമ്മള് തുടങ്ങിയിട്ടേയുള്ളൂ.' യുവതി പറഞ്ഞുനിര്ത്തി. ഇതിനകം ഒന്നരലക്ഷത്തോളം പേരാണ് വീഡിയോ കണ്ടത്. നിരവധി പേര് കമന്റുകളുമിട്ടു.
YOU MAY BE INTERESTED
LATEST NEWS
- ഇന്ധന പ്രതിസന്ധി: ഇണ്ടക്ഷന് കുക്കര് വാങ്ങാന് വന് ജനക്കൂട്ടം, ഒരു ദിവസം വിറ്റുപോയത് 93 എണ്ണം
- എന്തൊരു വിധി! ഒരു സിലിണ്ടര് എത്തിച്ചാല് 50 പ്ലേറ്റ് മോമോസ് സൗജന്യം: വൈറലായി റസ്റ്ററന്റിന്റെ ഓഫര്
- റീല്സ് ചിത്രീകരണത്തിനിടെ ശരീരത്തില് തട്ടി: വഴിയാത്രക്കാരനെ ഓടിച്ചിട്ട് തല്ലി ഇന്ഫ്ളുവന്സര്
- ഇന്ത്യയില് മരുന്നുകള്ക്ക് ഇത്ര വിലക്കുറവോ? കണ്ണുതള്ളി ഓസ്ട്രേലിയന് വ്ളോഗര്, വീഡിയോ
- ചിറകില്ലെങ്കില് എന്താ! അസലായി പറക്കും ഈ പാമ്പുകള്, കേരളത്തിലെ വനമേഖലയിലും കാണാനാകും
