മോദി ബുധനാഴ്ച കേരളത്തില്: എന്.ഡി.എ വിപുലീകരിക്കണം, ചെറുപാര്ട്ടികളെ ലക്ഷ്യമിട്ട് ബി.ജെ.പി
തിരുവനന്തപുരം: കേരളം മറ്റൊരു നിയമസഭാ തെരഞ്ഞെടുപ്പിലേക്ക് നീങ്ങുമ്പോള് മുന്നണി വിപുലീകരിക്കാന് ബിജെപി നീക്കം. ട്വന്റി ട്വന്റിയുടെ വരവോടെ മധ്യകേരളത്തില് ബിജെപി വലിയ പ്രതീക്ഷയാണ് വച്ചുപുലര്ത്തുന്നത്. കൂടുതല് ചെറുകക്ഷികളെ ഒപ്പം കൊണ്ടുവരാനുള്ള നീക്കവും സജീവമാണ്. ഇതിനൊപ്പം മറ്റു പാര്ട്ടികളില് നിന്നുള്ള പ്രമുഖരെ അടര്ത്തിയെടുക്കാനും കരുനീക്കം നടക്കുന്നു.
ബുധനാഴ്ച നരേന്ദ്രമോദിയുടെ വരവോടെ കേരളത്തിലെ തെരഞ്ഞെടുപ്പ് പ്രചരണം തുടങ്ങാനിരിക്കുന്ന ബിജെപി പ്രധാനമന്ത്രിയുടെ വരവിന് മുമ്പായി തന്നെ കൂടുതല് ചെറുകക്ഷികളെ എന്ഡിഎയില് കൊണ്ടുവരാനും മധ്യകേരളത്തില് എന്.ഡി.എയുടെ കരുത്ത് കാട്ടാനുമാണ് ഉദ്ദേശിക്കുന്നത്. സാമുദായിക നേതാക്കളുമായി മോദി കൂടിക്കാഴ്ച്ച നടത്തുന്നത് ആലോചനയിലുണ്ടെങ്കിലും തീരുമാനമായിട്ടില്ല.
റാലി ഉള്പ്പെടെ കൊച്ചിയില് മൂന്ന് ഔദ്യോഗിക പരിപാടികളില് മോദി പങ്കെടുക്കും. നവീകരിച്ച റെയില്വേ സ്റ്റേഷനുകള് ഉള്പ്പെടെ റെയില്വേയുടെ അടക്കം വിവിധ കേന്ദ്രസര്ക്കാര് പദ്ധതികളുടെ ഉദ്ഘാടനവും നിര്വഹിക്കും. റെയില്വേ പദ്ധതികളുടെ പ്രഖ്യാപനവും മറൈന് ഡ്രൈവില് അഖില കേരള ധീവരസഭയുടെ സുവര്ണ ജൂബിലി സമ്മേളനത്തിന്റെ ഉദ്ഘാടനവും പ്രധാനമന്ത്രി നിര്വ്വഹിക്കും.
എന്ഡിഎ പൊതുസമ്മേളനത്തെ അഭിസംബോധന ചെയ്യുകയും ബിജെപി പ്രകടന പത്രിക പുറത്തിറക്കുകയും ചെയ്യും. സാമുദായിക നേതാക്കളുമായി മോദി കൂടിക്കാഴ്ച്ച നടത്തുന്നത് ആലോചനയിലുണ്ടെങ്കിലും തീരുമാനമായിട്ടില്ല. നിയമസഭാ തിരഞ്ഞെടുപ്പിലെ ബിജെപി പ്രചാരണത്തിന്റെ കേളികൊട്ടാകുന്ന പര്യടനം വന് ഹിറ്റാക്കാനുള്ള ശ്രമത്തിലാണ് പാര്ട്ടി നേതൃത്വം.
YOU MAY BE INTERESTED
LATEST NEWS
- കെ. സുധാകരന്റെ സ്ഥാനാർത്ഥിത്വത്തിൽ അന്തിമ തീരുമാനം എടുക്കേണ്ടത് ഹൈക്കമാന്ഡ്: രമേശ് ചെന്നിത്തല
- 70 കൊല്ലം മാറി ഭരിച്ച ഇടത്-വലത് മുന്നണികള്ക്ക് ജനങ്ങളുടെ പ്രശ്നം പരിഹരിക്കാന് കഴിഞ്ഞിട്ടില്ല; എല്ലാവരുടെയും ഒപ്പം എല്ലാവര്ക്കും വികസനമെന്നതാണ് ലക്ഷ്യം: രാജീവ് ചന്ദ്രശേഖര്
- കേന്ദ്ര നിദ്ദേശം ഫലം കണ്ടു: തിരുവനന്തപുരം വിമാനത്താവളം അന്താരാഷ്ട്ര നിലവാരത്തിലേക്ക്
- ഇന്ധനപ്രതിസന്ധിക്കിടയില് ആശ്വാസവാര്ത്ത : ഹോര്മുസ് കടന്ന് ഇന്ത്യന് കപ്പലുകളെത്തുന്നു
- രാജ്യസ്നേഹമില്ലാത്ത കോണ്ഗ്രസ്സുകാരെ ഇറാന് കപ്പല് മുങ്ങിയതിനെക്കുറിച്ച് മോദിയുടെ മേല് കയറണ്ട.. ഇന്ത്യ എല്ലാ സഹായവും ചെയ്തിരുന്നുവെന്ന് ഇറാന്
