കുവൈത്ത്‌ കെ.എം.സി.സി'അഹലൻ റമദാൻ' സംഘടിപ്പിച്ചു

കുവൈത്ത് സിറ്റി: കുവൈത്ത് കെ എം സി സി സംസ്ഥാന മതകാര്യ വിംഗിന്റെ നേതൃത്വത്തിൽ 'അഹലൻ റമദാൻ' വ്രത മുന്നൊരുക്ക സംഗമം സംഘടിപ്പിച്ചു. ഫർവ്വാനിയയിലെ കെ.എം.സി.സി സംസ്ഥാന കമ്മിറ്റി ഓഫീസിൽ നടന്ന പരിപാടി സംസ്ഥാന പ്രസിഡണ്ട്‌ സയ്യിദ്‌ നാസർ അൽ മഷ്ഹൂർ തങ്ങൾ ഉദ്ഘാടനം ചെയ്തു. വൈസ്‌ പ്രസിഡണ്ട്‌ ഇഖ്ബാൽ മാവിലാടം അദ്ധ്യക്ഷത വഹിച്ചു. അബ്ദുറഹീം അൽ ഹസനി മുഖ്യപ്രഭാഷണം നടത്തി. കെ എം സി സി ഉപദേശക സമിതി ചെയർമാൻ ടി ടി സലീം, ആക്ടിംഗ്‌ ജനറൽ സെക്രട്ടറി സലാം ചെട്ടിപ്പടി, ട്രഷറർ ഹാരിസ്‌ വള്ളിയോത്ത്‌, ഭാരവാഹികളായ ഫാറൂഖ്‌ ഹമദാനി, സലാം പട്ടാമ്പി, മുജീബ്‌ മൂടാൽ, മഞ്ചേശ്വരം മണ്ഡലം യൂത്ത്‌ ലീഗ്‌ സീനിയർ വൈസ്‌ പ്രസിഡണ്ട്‌ മജീദ്‌ തച്ചമ്പള, ഗാലിബ്‌ അൽ മഷ്ഹൂർ തങ്ങൾ, ആബിദ്‌ അൽ ഖാസിമി, അഷറഫ്‌ ദാരിമി പ്രസംഗിച്ചു. ഷുക്കൂർ നാണി ഖിറാഅത്ത്‌ നടത്തി. മതകാര്യ വിംഗ്‌ ജനറൽ കൺവീനർ സാബിത്ത്‌ ചെമ്പിലോട്‌ സ്വാഗതവും കൺവീനർ യഹ്യാഖാൻ നന്ദിയും രേഖപ്പെടുത്തി.