15000ത്തിന്റെ സാരി 1900ന്; ആര്യയുടെ കാഞ്ചീവരത്തിന്റെ പേരില്‍ തട്ടിപ്പ്, നിരവധിപ്പേര്‍ക്ക് പണം നഷ്ടപ്പെട്ടു; പിന്നില്‍ ഉത്തരേന്ത്യന്‍ സംഘം

photo-www.instagram.com/arya.badai

കൊച്ചി: നടി ആര്യയുടെ ഉടമസ്ഥതയിലുളള ബുട്ടീക്കിന്റെ ഇന്‍സ്റ്റഗ്രാം പേജിന്റെ വ്യാജപതിപ്പുകള്‍ നിര്‍മിച്ച് തട്ടിപ്പ്. 15000 രൂപയുടെ ദാരി 1900 രൂപയ്ക്ക് നല്‍കാമെന്ന് വാഗദാനം ചെയ്താണ് തട്ടിപ്പ്. ആര്യ പോലീസില്‍ പരാതി നല്‍കി. ബിഹാറില്‍ നിന്നുളള സംഘമാണ് തട്ടിപ്പിനു പിന്നിലെന്നാണ് പോലീസ് പറയുന്നത്.

ഒട്ടേറെപ്പേര്‍ തട്ടിപ്പിന് ഇയായിട്ടുണ്ട്. പണം നഷ്ടപ്പെട്ടയാള്‍ പറഞ്ഞപ്പോഴാണ് ആര്യ വിവരം അറിഞ്ഞത്. പോലീസില്‍ പരാതി നല്‍കിയതായി ആര്യ പറഞ്ഞു. തട്ടിപ്പിന് ഇരയായതായി നിരവധിപേരാണ് തന്നെ ദിവസേനെ വിളിച്ച് പറയുന്നതെന്നും അവര്‍ പറഞ്ഞു. കാഞ്ചീവരം എന്ന പേരിലുളള റീട്ടെയില്‍ ഷോപ്പിന്റെ ഇന്‍സ്റ്റഗ്രാം പേജിന്റെ വ്യാജപേജുകള്‍ നിര്‍മിച്ചാണ് തട്ടിപ്പ്.

പേജിലെ വീഡിയോകളും ചിത്രങ്ങളും എഡിറ്റ് ചെയ്താണര് വ്യാജപേജുകള്‍ നിര്‍മിക്കുന്നത്. ബന്ധപ്പെടാനായി ഫോണ്‍ നമ്പറുണ്ടാകും. വസ്ത്രം വാങ്ങാനായി പേജിലെഫോണ്‍ നമ്പറില്‍ ബന്ധപ്പെടുമ്പോള്‍ പണം അടയ്‌ക്കേണ്ട ക്യുആര്‍ കോഡ് അയച്ചു കൊടുക്കും. പണം കിട്ടിയതിന് പിന്നാലെ നമ്പര്‍ ബ്ലോക്ക് ചെയ്യും. പണം നല്‍കി ദിവസങ്ങള്‍ കഴിഞ്ഞിട്ടും വസ്ത്രം ലഭിക്കാതെ വരുമ്പോഴാണ് തട്ടിപ്പാണെന്ന് മനസ്സിലാകുന്നത്.

പതിനഞ്ചോളം പേജുകള്‍ റിപ്പോര്‍ട്ട് ചെയ്തു പൂട്ടിച്ചു. എന്നാല്‍ പത്തോളം പേജുകള്‍ തട്ടിപ്പുകാര്‍ വീണ്ടും തുടങ്ങി. ഉത്തരേന്ത്യയില്‍ നിന്നുളള സംഘമാണ് തട്ടിപ്പിനു പിന്നിലെന്നാണ് പോലീസ് പറയുന്നതെന്ന് ആര്യ പറഞ്ഞു. സൈബര്‍ തട്ടിപ്പിനെതിരെ ജാഗ്രത പാലിക്കണമെന്ന് പോലീസ് പറഞ്ഞു. ദേശീയ സൈബര്‍ ക്രൈം പോര്‍ട്ടലായ 1930ല്‍ വിളിച്ച് പരാതികള്‍ അറിയിക്കാം.