ഞങ്ങള്‍ നിന്നെ ഒരുപാട് സ്‌നേഹിക്കുന്നു; മകളുടെ പിറന്നാള്‍ ദിനത്തില്‍ ഹൃദയസ്പര്‍ശിയായ കുറിപ്പ് പങ്കുവെച്ച് ആര്യ

photo-www.instagram.com/arya.badai/

മകള്‍ ഖുഷിയുടെ പതിനാലാം ജന്മദിനത്തില്‍ ഹൃദയസ്പര്‍ശിയായ കുറിപ്പ് പങ്കുവെച്ച് നടി ആര്യ. മകള്‍ക്കൊപ്പമുളള മനോഹരമായ ചിത്രങ്ങള്‍ ഇന്‍സ്റ്റഗ്രാമില്‍ പങ്കിട്ടുകൊണ്ടായിരുന്നു ആര്യയുടെ കുറിപ്പ്.

‘നമ്മുടെ ഈ കൊച്ചു അത്ഭുതത്തിന് വളരെ സന്തോഷകരമായ ജന്മദിനാശംസകള്‍ നേരുന്നു. ഈ ജന്മദിനം പ്രത്യേകമാണ്. എല്ലാ പ്രതിസന്ധികളിലും അമ്മയെ കൂടുതല്‍ മുറുകെ പിടിക്കാന്‍ ഏറ്റവും വലിയ ശക്തി വഹിച്ച എന്റെ കൊച്ചു കൈകള്‍ക്ക് ഇന്ന് 14 വയസ്സ് തികയുന്നു. ഞാന്‍ ഏറ്റവും നല്ല അമ്മയല്ലായിരിക്കാം, പക്ഷേ ഞാന്‍ ഓരോ മിനിറ്റിലും ഒന്നാകാന്‍ ശ്രമിക്കുന്നുണ്ടെന്ന് നീ അറിയണമെന്ന് ഞാന്‍ ആഗ്രഹിക്കുന്നു.

View this post on Instagram

A post shared by Arya Babu (@arya.badai)

നീ അത്ഭുതകരമായ മനുഷ്യനായതില്‍ അമ്മയും അച്ഛനും നിന്നെക്കുറിച്ച് വളരെ അഭിമാനിക്കുന്നു. ഞങ്ങള്‍ നിന്നെ നിരുപാധികം സ്‌നേഹിക്കുന്നു. നമ്മളെയും നമ്മുടെ മുഴുവന്‍ ലോകത്തെയും നിലനിര്‍ത്തുന്ന കാതലിലേക്ക്. ജന്മദിനാശംസകള്‍ കുഞ്ഞേ. നമ്മുടെ ഈ ലോകത്തെ ജീവിക്കാന്‍ യോഗ്യമാക്കുന്നത് നീയാണ്’ ആര്യയുടെ വാക്കുകള്‍. ആരാധകരും സെലിബ്രിറ്റികളുമുള്‍പ്പെടെ നിരവധിപ്പേരാണ് ഖുഷിക്ക് ആശംസകള്‍ അറിയിച്ചെത്തുന്നത്.