ഓപറേഷന്‍ സിന്ദൂര്‍: ഇന്ത്യന്‍ സംഘം കുവൈത്തില്‍ നിന്ന് മടങ്ങി

കുവൈത്ത്സിറ്റി: തീവ്രവാദത്തെ ശക്തിയോടും ഐക്യത്തോടെ വിട്ടുവീഴ്ച ഇല്ലാതെ നേരിടുമെന്ന് കുവൈത്തില്‍ സന്ദര്‍ശനം നടത്തുന്ന ഇന്ത്യന്‍ പാര്‍ലമെന്ററി പ്രതിനിധി സംഘത്തിന്റെ തലവന്‍ ബൈജയന്ത് പാണ്ഡ എം പി.
ഭീകര പ്രവര്‍ത്തന ഭീഷണികള്‍ നേരിടാന്‍ കാത്തിരിക്കുന്നതിനു പകരം നേരിട്ട് പ്രതികരിക്കുക എന്ന നയമാണ് ഇന്ത്യ പുതുതായി സ്വീകരിച്ചിരിക്കുന്നത്.
പാകിസ്ഥാന്‍ ഇന്ത്യയിലെ സാധാരണ ജനങ്ങള്‍ ലക്ഷ്യമാക്കിയാണ് ഭീകരപ്രവര്‍ത്തനങ്ങള്‍ നടത്തുന്നത്.ഇത് ആവര്‍ത്തിക്കാന്‍ അനുവദിക്കില്ല.ഇന്ത്യ-പാക് തര്‍ക്കം ആഭ്യന്തരമാണ്.അതില്‍ മറ്റാരെയും ഇടപ്പെടാന്‍ അനുവദിക്കില്ല.
പ്രശനമുണ്ടായാല്‍ അത് തീര്‍ക്കാന്‍ ഇന്ത്യയ്ക്ക് അറിയാമെന്ന് കുവൈത്തില്‍ മാധ്യപ്രവര്‍ത്തകരോടെ സംസാരിക്കവേ ബൈജയന്ത് പാണ്ഡ എം പി പറഞ്ഞു.
സമാധാനവും സന്തോഷവുമാണ് ഇന്ത്യ ആഗ്രഹിക്കുന്നത്.അതിന് തടസമുണ്ടാകാന്‍ അനുവദിക്കില്ല.തടസക്കാര്‍ക്ക് എതിരെ പുതിയ നീക്കം ആരംഭിച്ചിട്ടുണ്ട്.
വ്യാപാരം, കപ്പല്‍ ഗതാഗതം, ജലം, വിസ എന്നീ മേഖലകളില്‍ സാമ്പത്തിക ഉപരോധം ഏര്‍പ്പെടുത്തുക എന്നതാണ് ഇതില്‍ പ്രധാനം.

ലോക രാജ്യങ്ങള്‍ക്ക് ഇടയില്‍ ഉടലെടുക്കുന്ന സംഘര്‍ഷങ്ങള്‍ പരിഹരിക്കുന്നതിലും സമാധാനത്തിന്റെ അടിത്തറ ശക്തിപ്പെടുത്തുന്നതിലും കുവൈത്ത് നടത്തുന്ന മഹത്തായ ശ്രമങ്ങളെ അദ്ദേഹം പ്രശംസിച്ചു. മികച്ച ഒരു ലോകം കെട്ടിപ്പടുക്കുന്നതില്‍ അനുകരണീയ മാതൃകയാണ് കുവൈത്തിന്റെതെന്നും അദ്ദേഹം വിശേഷിപ്പിച്ചു. ഭീകരവിരുദ്ധ മേഖലയില്‍ സുരക്ഷാ സഹകരണം വര്‍ദ്ധിപ്പിക്കുന്നതിനുള്ള നിരവധി പദ്ധതികള്‍ കുവൈത്തുമായി ചര്‍ച്ച ചെയ്തു.സന്ദര്‍ശനത്തിനിടയില്‍ കുവൈത്ത് അധികൃതരുമായി നടത്തിയ പല ചര്‍ച്ചകളും ഫലപ്രദമായതില്‍ അദ്ദേഹം സംതൃപ്തി പ്രകടിപ്പിച്ചു, പഹല്‍ഗാമില്‍ ഭീകരാക്രമണം നടന്ന ഉടന്‍ ഇന്ത്യക്ക് ഐക്യ ദാര്‍ഢ്യം പ്രഖ്യാപിച്ച കുവൈത്തിന്റെ നിലപാടില്‍ അദ്ദേഹം നന്ദി പ്രകടിപ്പിച്ചു.പലസ്തീന്‍ വിഷയത്തില്‍, അറബ്-ഇസ്രായേല്‍ സംഘര്‍ഷം അവസാനിപ്പിക്കുന്നതിന് ദ്വിരാഷ്ട്ര പരിഹാര ഫോര്‍മുലക്ക് ഇന്ത്യയുടെ ഉറച്ച പിന്തുണ അദ്ദേഹം ആവര്‍ത്തിച്ചു. ഗസയ്ക്കും വെസ്റ്റ് ബാങ്കിനും സാമ്പത്തിക സഹായം നല്‍കുന്നതിനായി ഇന്ത്യ പ്രത്യേക ബജറ്റ് അനുവദിച്ചിട്ടുണ്ടെന്നും അദ്ദേഹം കൂട്ടിച്ചേര്‍ത്തു.