അദ്ദേഹം എന്റെ പ്രിയപ്പെട്ട സംഗീതജ്ഞരില്‍ ഒരാളാണ്; അര്‍ജിത് സിങ്ങിന്റെ വിരമിക്കലിനെക്കുറിച്ച് ഗായിക ചിന്മയി

ഗായകൻ അർജിത് സിങ്ങിന്റെ വിരമിക്കൽ തെല്ലൊന്നുമല്ല ആരാധകരെ നിരാശയിലാഴ്ത്തിയിരിക്കുന്നത്. വിരമിക്കൽ വാർത്ത വന്നതോടെ സോഷ്യൽ മീഡിയയിൽ വലിയ ചർച്ചകളാണ് നടക്കുന്നത്. എന്നാൽ സംഗീതം ചെയ്യുന്നത് താൻ നിർത്തില്ലെന്നും ആരാധകരോട് അദ്ദേഹം വ്യക്തമാക്കിയിട്ടുണ്ട്. സാമൂഹിക മാധ്യമങ്ങളിലൂടെയായിരുന്നു ഈ പ്രഖ്യാപനം. ഇതിനു പിന്നാലെ സംഗീതമേഖലയില്‍ നിന്ന് നിരവധിയാളുകള്‍ അമ്പപ്പ് പ്രകടിപ്പിച്ച് രംഗത്തെത്തി. ചിലര്‍ തീരുമാനത്തെ മാനിക്കുകയും പിന്തുണ നല്‍കുകയും ചെയ്തു. ഇപ്പോഴിതാ അര്‍ജിത്തിന്റെ ഈ തീരുമാനത്തില്‍ പ്രതികരണവുമായെത്തിയിരിക്കുകയാണ് ഗായിക ചിന്മയി.

അര്‍ജിത്തിനൊപ്പം പാട്ടുകള്‍ റെക്കോര്‍ഡ് ചെയ്ത അനുഭവത്തെക്കുറിച്ചും, അതിശയകരമായ വിജയം നേടിയതിനു ശേഷം അദ്ദേഹത്തിന്റെ വിനയത്തിന് മാറ്റം സംഭവിച്ചിട്ടില്ലെന്നും ചിന്മയി എസ്‌കില്‍ പങ്കുവെച്ച കുറിപ്പില്‍ പറയുന്നുണ്ട്.

‘പ്രിതം സാറിനു വേണ്ടി റെക്കോര്‍ഡ് ചെയ്തപ്പോഴാണ് ഞാന്‍ അര്‍ജിത്തിനെ ആദ്യമായി കണ്ടുമുട്ടിയത്. അദ്ദേഹം ബോളിവുഡ് ഭരിക്കുന്നില്ലെന്ന് ഞാന്‍ അദ്ദേഹത്തോട് പറഞ്ഞതും ഓര്‍ക്കുന്നു. അന്ന് തും ഹി ഹോ പുറത്തിറങ്ങിയിരുന്നില്ല. അദ്ദേഹം ഏറ്റവും ഡിമാന്റുളള ഗായകനായതിനുശേഷവും ഞാന്‍ അദ്ദേഹത്തോടൊപ്പം കുറച്ച് തവണ പ്രവര്‍ത്തിച്ചു, ഒന്നും മാറിയിട്ടില്ല. അദ്ദേഹം എന്റെ പ്രിയപ്പെട്ട സംഗീതജ്ഞരില്‍ ഒരാളാണ്. ഗായകനാണ്, എല്ലാറ്റിനുമുപരി ഞാന്‍ കണ്ടിട്ടുളളതില്‍ വെച്ച് ഏറ്റവും മികച്ചതും ആത്മീയമായി വികസിതവുമായ മനുഷ്യരില്‍ ഒരാളാണ്. ഉയര്‍ന്ന പദവിയില്‍ നിന്ന് പ്രവര്‍ത്തിക്കുകയും പ്രവര്‍ത്തിക്കുകയും ചെയ്ത ഒരാളാണ് അദ്ദേഹം എന്ന് എനിക്ക് എപ്പോഴും തോന്നി. ഒരു സംഗീതജ്ഞന്‍ എന്ന നിലയില്‍ അദ്ദേഹം സ്വയം ആസൂത്രണം ചെയ്തതെന്തും അത് ദൈവികതയില്‍ കുറഞ്ഞതല്ല’ ചിന്മയി കുറിച്ചു.

I remember meeting Arijit when he recorded me for Pritam sir - and I remember telling him how he is not rulling Bollywood or something - Tum Hi Ho hadnt released then. I worked with him a few times after he became the most in demand singer and nothing had changed. He is one of…— Chinmayi Sripaada (@Chinmayi) January 27, 2026

അതേസമയം 2 സ്റ്റേറ്റ്സിലെ മസ്ത് മഗൻ, ഗുഡ്ഡു രംഗീലയിലെ സൂയാൻ സി, ഡോംഗ്രി കാ രാജയിലെ പിയ തു പിയ തുടങ്ങിയ ബോളിവുഡ് റൊമാന്റിക് ഗാനങ്ങള്‍ അര്‍ജിത് സിങ്ങും ചിന്മയിയും ചേര്‍ന്ന് ആലപിച്ചിട്ടുണ്ട്.

കഴിഞ്ഞ ചൊവ്വാഴ്ചയായിരുന്നു ഇന്ത്യന്‍ സംഗീത ലോകത്തെ ഞെട്ടിച്ചുകൊണ്ട് പിന്നണി ഗാനരംഗത്തു നിന്നും പിന്മാുകയാണെന്ന് ഗായകന്‍ അര്‍ജിത് സിങ് പ്രഖ്യാപിച്ചത്. ഇന്‍സ്റ്റാഗ്രാം അക്കൗണ്ടിലെഴുതിയ കുറിപ്പിലൂടെയാണ് അദ്ദേഹം ഇക്കാര്യം അറിയിച്ചത്. ഭാവിയില്‍ സിനിമകള്‍ക്കായി പുതിയ പാട്ടുകള്‍ പാടില്ലെന്ന് വ്യക്തമാക്കിയ താരം, നിലവില്‍ ഏറ്റെടുത്ത കരാറുകള്‍ പൂര്‍ത്തിയാക്കുമെന്നും വ്യക്തമാക്കി.