സ്പാനിഷ് സൂപ്പര്കപ്പില് എല്ക്ലാസ്സിക്കോ; അത്ലറ്റിക്കോ മാഡ്രിഡിനെ വീഴ്ത്തിയ റയല് ഫൈനലില് ബാഴ്സയെ നേരിടും
ജിദ്ദ: സ്പാനിഷ് സൂപ്പര്കപ്പിലെ രണ്ടാം സെമിയില് റയല് മാഡ്രിഡിന് ഉജ്വല ജയം. ഒന്നിനെതിരേ രണ്ടുഗോളുകള്ക്ക് അത്ലറ്റിക്കോ മാഡ്രിഡിനെ വീഴ്ത്തി റയല്മാഡ്രിഡ് ഫൈനലില് കടന്നു. ഇതോടെ ഈ സീസണിലെ രണ്ടാമത്തെ എല്ക്ലാസ്സിക്കോയ്ക്ക് സൗദി അറേബ്യയില് കളമൊരുങ്ങി. കഴിഞ്ഞ ഫൈനലിന്റെ ആവര്ത്തനമായി സാബി അലോണ്സോയുടെ ടീം ഞായറാഴ്ച ജിദ്ദയില് ബാഴ്സയെ നേരിടും.
ഫെഡറിക്കോ വാല്വെര്ഡെയും റോഡ്രിഗോയും ആദ്യ പകുതിയില് നേടിയ ഗോളുകളാണ് റയല് മാഡ്രിഡിനെ ഫൈനലിലേക്ക് നയിച്ചത്. മത്സരം തുടങ്ങി 75 സെക്കന്ഡിനുള്ളില് റയല് മാഡ്രിഡ് 25 യാര്ഡ് അകലെ നിന്ന് ശക്തമായ ഒരു ഫ്രീ കിക്ക് നേടിയെടുത്തു. അത്ലറ്റിക്കോ ഗോള്കീപ്പര് ജാന് ഒബ്ലാക്കിന് നേരിയ ഒരു ടച്ച് മാത്രം നല്കിക്കൊണ്ട് വാല്വെര്ദേ പന്ത് വലയില് എത്തിക്കുകയും ചെയ്തു.
രണ്ടാം പകുതിയില് റയല് വീണ്ടും അത്ലറ്റിക്കോയുടെ വല ചലിപ്പിച്ചു. വാല്വെര്ഡെയുടെ ഒരു മൂര്ച്ചയുള്ള പാസ് റോഡ്രിഗോ എടുത്ത് ശാന്തമായി സൈഡ്-ഫൂട്ട് ഉപയോഗിച്ച് ഒബ്ലാക്കിനെ മറികടന്ന് റയല് അവരുടെ മുന്തൂക്കം വര്ദ്ധിപ്പിച്ചു. തൊട്ടു പിന്നാലെ 58 ാം മിനിറ്റില് അത്ലറ്റിക്കോ ഒരുഗോള് മടക്കി. ഗ്യൂലിയാനോ സിമിയോണ് പിന് പോസ്റ്റിലേക്ക് ഒരു അളന്ന ക്രോസ് നല്കി, അവിടെ സോര്ലോത്ത് റൗള് അസെന്സിയോയെ മറികടന്ന് ഹെഡ് ചെയ്ത് മൂന്ന് മിനിറ്റിനുശേഷം പരാജയഭാരം ലഘൂകരിച്ചു.
ബുധനാഴ്ച നടന്ന ആദ്യ സെമിഫൈനലില് അത്ലറ്റിക് ക്ലബ്ബിനെ 5-0 ന് പരാജയപ്പെടുത്തി ബാര്സിലോണ ഫൈനലിലെത്തി. ഒക്ടോബറില് ബെര്ണബ്യൂവില് ബാഴ്സലോണയെ 2-1 ന് പരാജയപ്പെടുത്തിയതിന് ശേഷം സീസണിലെ രണ്ടാമത്തെ എല് ക്ലാസിക്കോയാണ് നടക്കാന് പോകുന്നത്.
