ഡ്യൂഡില് പാട്ടുകള് ഉപയോഗിക്കാം; ഇളയരാജയ്ക്ക് 50 ലക്ഷം നല്കി നിര്മാതാക്കള്
ഡ്യൂഡ് സിനിമയില് തന്റെ പാട്ട് ഉപയോഗിച്ചതിനെതിരെ സംഗീത സംവിധായകന് ഇളയരാജ നല്കിയ പരാതി ഒത്തുതീര്പ്പായി. സിനിമയുടെ നിര്മാതാക്കളായ മൈത്രി മൂവി മേക്കേഴ്സിനെതിരെയാണ് ഇളയരാജ മദ്രാസ് ഹൈക്കോടതിയില് സമീപിച്ചിരുന്നത്. നിര്മാതാക്കള് പണം നല്കാന് തയ്യാറാവുകയായിരുന്നു.
ചിത്രത്തില് തന്റെ കറുത്ത മച്ചാന്, നൂറ് വര്ഷം എന്നീ പാട്ടുകള് വികലമാക്കിയും, അനുമതിയില്ലാതെയും ഉപയോഗിച്ചുവെന്ന് ചൂണ്ടിക്കാണിച്ചാണ് ഇളയരാജ കോടതിയെ സമീപിച്ചത്. നേരത്തെ അജിത് കുമാര് നായകനായ ഗുഡ് ബാഡ് അഗ്ലിയില് ഒത്ത റൂപായും തരേന്, ഇളമൈ ഇതോ ഇതോ എന്ന പാട്ടുകളും ഉപയോഗിച്ചതായി മൈത്രി മൂവി മേക്കേഴ്സിനെതിരെ ഇളയരാജ പരാതി നല്കിയിരുന്നു.
അനുമതിയില്ലാതെ പാട്ടുകള് ഉപയോഗിച്ചത് പകര്പ്പവകാശ ലംഘനമാണെന്ന് ചൂണ്ടിക്കാണിച്ചാണ് ഇളയരാജ കോടതിയെ സമീപിച്ചത്. ഇളയരാജയുടെ പരാതിയുടെ അടിസ്ഥാനത്തില് നേരത്തെ കോടതി ഡ്യൂഡില് ഈ പാട്ടുകള് ഉപയോഗിക്കുന്നത് തടഞ്ഞിരുന്നു. ഇളയരാജയ്ക്ക് നഷ്ടപരിഹാരമായി അമ്പത് ലക്ഷം രൂപ നല്കാമെന്ന് നിര്മാതാക്കള് അറിയിച്ചു,
പണം നല്കിയതോടെ ഡ്യൂഡിലെ പാട്ടുകള് തുടര്ന്നും ഉപയോഗിക്കാന് ഇരുകൂട്ടര്ക്കുമിടയില് ധാരണയായി. അതേസമയം ഗുഡ് ബാഡ് അഗ്ലിയില് ഉപയോഗിച്ചിരുന്ന പാട്ടുകള് ഗാനങ്ങള് ഒഴിവാക്കാനും നിര്മാതാക്കള് സമ്മതിച്ചു.
LATEST NEWS
- മോഹന്ലാലിന്റെ കൈപിടിച്ച് പാട്ടു പാടി സുചിത്ര; വീഡിയോ വൈറല്
- നീ പോയി എന്ന് എനിക്ക് വിശ്വസിക്കാന് കഴിയുന്നില്ല; സഹോദരിയുടെ ജന്മദിനത്തില് നോവുന്ന കുറിപ്പുമായി ചിത്ര അയ്യര്
- ഞങ്ങളുടെ ദേവി, സഹോദരന് ഞങ്ങള്ക്കു വേണ്ടി എടുത്ത മികച്ച തീരുമാനം; നവമിയെക്കുറിച്ച് വേടന്റെ സഹോദരി
- ‘എം ജി അണ്ണാ, സൂപ്പർ സ്റ്റാറിനെ പോലെ’യെന്ന് ആരാധകൻ; ‘മേക്കപ്പ് ആണ് കുഞ്ഞേ, തട്ടേ കേറിയാൽ നിങ്ങളുടെ സപ്പോര്ട്ടെ’ന്ന മറുപടിയുമായി എം.ജി ശ്രീകുമാര്; വൈറലായി കമന്റ് ബോക്സ്
- ഭാര്യയ്ക്കൊപ്പം വിവാഹ വിരുന്നിനെത്തി; വിരോഷിനെ കേരളത്തിലേക്ക് ക്ഷണിച്ച് ഹിഷാം
