ടിക്കറ്റില്ലാതെ യാത്ര, ചോദ്യം ചെയ്ത ടിടിഇയോട് തട്ടിക്കയറി ലോക്കോ പൈലറ്റിന്റെ ഭാര്യ: വൈറലായി വീഡിയോ
ഇന്ത്യന് ട്രെയിന് യാത്രകളുമായി ബന്ധപ്പെട്ട് ഒട്ടനവധി വീഡിയോകളാണ് ദിവസവും സോഷ്യല് മീഡിയയിലൂടെ വൈറലായിക്കൊണ്ടിരിക്കുന്നത്. അതില് സീറ്റിനെ ചൊല്ലിയുള്ള തര്ക്കവും പെടുന്നു. ടിടിഇമാരോട് വഴക്കുണ്ടാക്കുന്നവരെയും ഇഷ്ടം പോലെ കാണാം. അതുപോലെ ഒരു വീഡിയോയാണ് ഇപ്പോള് സോഷ്യല് മീഡിയയില് വൈറലായി മാറിക്കൊണ്ടിരിക്കുന്നത്. ഒരു ലോക്കോ പൈലറ്റിന്റെ ഭാര്യയാണ് ടിടിഇയുമായി വഴക്കുണ്ടാക്കുന്നത്. മറ്റുള്ളവര്ക്ക് വേണ്ടി റിസര്വ് ചെയ്തിരിക്കുന്ന സീറ്റിനെ ചൊല്ലിയാണ് സ്ത്രീയും ടിടിഇയും തമ്മില് വഴക്ക് നടക്കുന്നത്.
ലഖ്നൗ ഡിവിഷനിലെ ലോക്കോ പൈലറ്റിന്റെ ഭാര്യയായ ആനന്ദി കുമാര് ആണ് വീഡിയോയില് ഉള്ളത്. ലഖ്നൗവിലെ ഗോമതി നഗറില് നിന്ന് ജാര്ഖണ്ഡിലെ ഗോഡ്ഡയിലേക്ക് പോവുന്ന ട്രെയിന് നമ്പര് 15090 ഗോഡ്ഡ എക്സ്പ്രസിലാണ് സംഭവം നടന്നത്. സ്ത്രീയുടെ പെരുമാറ്റം സഹയാത്രികര്ക്കിടയിലും സോഷ്യല് മീഡിയയിലും ആളുകളുടെ വിമര്ശനം ഏറ്റുവാങ്ങുകയാണ്. പിന്നാലെ, സംഭവത്തില് ഇന്ത്യന് റെയില്വേ അവര്ക്കുവേണ്ടി ക്ഷമാപണം നടത്തിയെന്നും ചില റിപ്പോര്ട്ടുകള് സൂചിപ്പിക്കുന്നു. വീഡിയോ പ്രകാരം, ഇവരുടെ ഭര്ത്താവ് അനില് കുമാറിന് വേണ്ടി റിസര്വ് ചെയ്ത സീറ്റിലാണ് ഇവര് ഇരിക്കാന് ശ്രമിക്കുന്നത്. എന്നാല്, അദ്ദേഹം അവിടെ ഉണ്ടായിരുന്നില്ല.
സംഭവം എന്തെന്നാല് ടിക്കറ്റ് ബുക്ക് ചെയ്തിരിക്കുന്നത് ഇവരുടെ പേരില് അല്ലാത്തതിനാല് റിസര്വേഷന് എഗൈന്സ്റ്റ് ക്യാന്സലേഷന് (ആര്എസി) യാത്രക്കാര്ക്ക് ആ സീറ്റ് നല്കണമെന്നാണ് ടിടിഇ വിശദീകരിക്കുന്നത്. മാത്രമല്ല, കൂടെയുണ്ടായിരുന്ന കുട്ടികള്ക്ക് വേണ്ടി ബുക്ക് ചെയ്ത ടിക്കറ്റ് കാണിക്കാന് ടിടിഇ ആവശ്യപ്പെട്ടപ്പോള് അവര്ക്കും താന് ടിക്കറ്റ് എടുത്തില്ല എന്ന് ഇവര് പറയുകയായിരുന്നു. അങ്ങനെ ഈ സീറ്റില് യാത്ര ചെയ്യാന് സാധിക്കില്ല എന്ന് അറിയിച്ചതിനെ തുടര്ന്ന് ഇവര് ടിടിഇയുമായി തര്ക്കത്തിലേര്പ്പെടുന്നതും വീഡിയോയില് കാണാം. വീഡിയോ വൈറലായതോടെ ഇവര്ക്കെതിരെ രൂക്ഷമായ വിമര്ശനം ഉയരുകയായിരുന്നു.
Train no.15090तारीख 17.10.2025ये महिला—आनंदी कुमार—लोको पायलट/लखनऊ मंडल, @nerailwaygkp की दबंग पत्नी है!जब रेलवे स्टाफ कंफर्म सीट के लिए परेशान है, तब सामान्य आदमी का क्या हाल होगा? पर स्टाफ की फैमिली का ऑनबोर्ड स्टाफ के साथ ऐसा व्यवहार उचित नहीं कहा जा सकता!@RailMinIndia pic.twitter.com/RfS4pR5PVl— RailSamachar (@RailSamachar) October 18, 2025
YOU MAY BE INTERESTED
LATEST NEWS
- എന്തൊരു വിധി! ഒരു സിലിണ്ടര് എത്തിച്ചാല് 50 പ്ലേറ്റ് മോമോസ് സൗജന്യം: വൈറലായി റസ്റ്ററന്റിന്റെ ഓഫര്
- റീല്സ് ചിത്രീകരണത്തിനിടെ ശരീരത്തില് തട്ടി: വഴിയാത്രക്കാരനെ ഓടിച്ചിട്ട് തല്ലി ഇന്ഫ്ളുവന്സര്
- ഇന്ത്യയില് മരുന്നുകള്ക്ക് ഇത്ര വിലക്കുറവോ? കണ്ണുതള്ളി ഓസ്ട്രേലിയന് വ്ളോഗര്, വീഡിയോ
- ചിറകില്ലെങ്കില് എന്താ! അസലായി പറക്കും ഈ പാമ്പുകള്, കേരളത്തിലെ വനമേഖലയിലും കാണാനാകും
- ഇറാന്റെ നെടുംതൂണായ കുഞ്ഞന് ദ്വീപ്: തൊട്ടാല് ലോകം തന്നെ മാറ്റിമറിക്കപ്പെടും
