ഞങ്ങളുടെ രക്ഷാബന്ധന് ആശംസകള്; സഹോദരങ്ങള്ക്കൊപ്പമുളള ചിത്രങ്ങളുമായി നേഹ കക്കര്
സഹോദരങ്ങളായ സോനു കക്കറിനും ടോണി കക്കറിനുമൊപ്പം രക്ഷാബന്ധന് ആഘോഷിച്ച് ഗായിക നേഹ കക്കര്. സഹോദരങ്ങള്ക്കൊപ്പമുളള മനോഹരമായ ചിത്രങ്ങളും നേഹ ഇന്സ്റ്റഗ്രാമില് പങ്കുവെച്ചിട്ടുണ്ട്. ഞങ്ങളുടെ രക്ഷാബന്ധന് ആശംസകള്, സോനു കക്കര്, ടോണി കക്കര് നിങ്ങളെ സ്നേഹിക്കുന്നു എന്നാണ് ചിത്രങ്ങള്ക്കൊപ്പം നേഹ കുറിച്ചത്.
ചിത്രത്തില് സോനുവും ടോണിയും വെളുത്ത നിറത്തിലെ വസ്ത്രങ്ങള് ധരിച്ചപ്പോള് പച്ച കുര്ത്തിയായിരുന്നു നേഹയുടെ വേഷം. ഏതായാലും മൂവരേയും ഒന്നിച്ച് കണ്ട സന്തോഷത്തിലാണ് ആരാധകര്. എക്കാലത്തെയും ക്യട്ട് സഹോദരങ്ങള്, നിങ്ങള് മൂന്നുപേരും തമ്മിലുളള ബന്ധം വളരെ വിലപ്പെട്ടതാണ് എന്നിങ്ങനെ പോകുന്നു പോസ്റ്റിന് താഴെയുളള കമന്റുകള്.
അതേസമയം കഴിഞ്ഞ ഏപ്രിലില് നേഹയും ടോണിയുമായുളള ബന്ധം വിച്ഛേദിക്കുകയാണെന്ന് പ്രഖ്യാപിച്ചുകൊണ്ട് സോനു കക്കര് ഒരു പോസ്റ്റ് പങ്കുവെച്ചിരുന്നു. അങ്ങേയറ്റം പ്രതിഭാധനരായ ടോണി കക്കറിനോടും നേഹ കക്കറിനോടും ഇനിമുതല് എനിക്ക് യാതൊരു ബന്ധവും ഉണ്ടായിരിക്കില്ല. ഞാന് ഇനി അവരുടെ സഹോദരിയല്ലെന്ന് നിങ്ങളെ അറിയിക്കുന്നതില് എനിക്ക് വലിയ ദു:ഖമുണ്ട്. ഞാന് മാനസികമായി തകര്ന്നിരിക്കുന്നു. എന്റെ ഈ തീരുമാനം ആഴത്തിലുളള മനോവേദനയില് നിന്നുമാണ് പുറത്തുവരുന്നത്. ഞാന് ശരിക്കും നിരാശയിലേക്കെത്തിയിരിക്കുന്നു. സോനു കക്കര് സമൂഹമാധ്യമങ്ങളില് കുറിച്ചത്.
സോനുവിന്റെ അപ്രതീക്ഷിത പ്രഖ്യാപനം ആരാധകര്ക്കിടയില് വലിയ ചര്ച്ചയായിരുന്നു. അതേസമയം സോനുവിന്റെ കുറിപ്പിനോട് നേഹയും ടോണിയും പ്രതികരിച്ചിരുന്നില്ല.
YOU MAY BE INTERESTED
LATEST NEWS
- മോഹന്ലാലിന്റെ കൈപിടിച്ച് പാട്ടു പാടി സുചിത്ര; വീഡിയോ വൈറല്
- നീ പോയി എന്ന് എനിക്ക് വിശ്വസിക്കാന് കഴിയുന്നില്ല; സഹോദരിയുടെ ജന്മദിനത്തില് നോവുന്ന കുറിപ്പുമായി ചിത്ര അയ്യര്
- ഞങ്ങളുടെ ദേവി, സഹോദരന് ഞങ്ങള്ക്കു വേണ്ടി എടുത്ത മികച്ച തീരുമാനം; നവമിയെക്കുറിച്ച് വേടന്റെ സഹോദരി
- ‘എം ജി അണ്ണാ, സൂപ്പർ സ്റ്റാറിനെ പോലെ’യെന്ന് ആരാധകൻ; ‘മേക്കപ്പ് ആണ് കുഞ്ഞേ, തട്ടേ കേറിയാൽ നിങ്ങളുടെ സപ്പോര്ട്ടെ’ന്ന മറുപടിയുമായി എം.ജി ശ്രീകുമാര്; വൈറലായി കമന്റ് ബോക്സ്
- ഭാര്യയ്ക്കൊപ്പം വിവാഹ വിരുന്നിനെത്തി; വിരോഷിനെ കേരളത്തിലേക്ക് ക്ഷണിച്ച് ഹിഷാം
