' നമ്മുടെ സ്വപ്നങ്ങളെ രൂപപ്പെടുത്തിയ ശബ്ദം' ; കെ.എസ്.ചിത്രയ്ക്ക് പിറന്നാള് ആശംസിച്ച് സിത്താര കൃഷ്ണകുമാര്
മലയാളത്തിന്റെ വാനമ്പാടി കെ.എസ്.ചിത്രയുടെ 62-ാം പിറന്നാള് ആണ് ഇന്ന്. സംഗീതലോകത്തു നിന്നും നിരവധി പേര് ചിത്രയ്ക്ക് പിറന്നാള് ആശംസിച്ച് സമൂഹമാധ്യമങ്ങളില് പോസ്റ്റ് പങ്കുവെച്ചിട്ടുണ്ട്. ഇപ്പോള് ശ്രദ്ധ നേടുന്നത് ഗായിക സിത്താര കൃഷ്ണകുമാര് പങ്കുവെച്ച കുറിപ്പാണ്.
'' നമ്മുടെ സ്വപ്നങ്ങളെ രൂപപ്പെടുത്തിയ ശബ്ദവും, സംഗീതത്തേക്കാള് മനോഹരമായ ഒരു ആത്മാവും ഉളള ചിത്രചേച്ചിയുടെ ജന്മദിനാമാണിന്ന്. അവരെ അറിയാന് സാധിച്ചത് ജീവിതത്തിലെ ഏറ്റവും വലിയ അനുഗ്രഹങ്ങളിലൊന്നായി ഞാന് കാണുന്നു. നമ്മള് എല്ലാവരും ആരാധിക്കുന്ന ഇതിഹാസം മാത്രമല്ല, അവര് ശരിക്കും സ്നേഹനിധിയായ, സൗമ്യയായ ഒരു രക്ഷകര്ത്താവ് കൂടിയാണ്'' , സിത്താര ഇന്സ്റ്റഗ്രാമില് കുറിച്ചു. ചിത്രക്കൊപ്പമുളള ഫോട്ടോയും സിത്താര പങ്കുവെച്ചിട്ടുണ്ട്.
1963 ജൂലായ് 27-നാണ് കെ.എസ്.ചിത്രയുടെ ജനനം. മലയാളം, തമിഴ്, കന്നഡ, തെലുങ്ക്, ഹിന്ദി, ആസാമീസ്, ബംഗാളി, ഒഡിയ, തുളു, പഞ്ചാബി, രാജസ്ഥാനി, ഇംഗ്ലീഷ്, ലാറ്റിന്, അറബി എന്നീ ഭാഷകളിലായി 30, 000-ത്തോളം പാട്ടുകള് കെ.എസ്. ചിത്ര പാടിയിട്ടുണ്ട്. 1982 മുതലാണ് ചിത്ര മലയാളസിനിമയില് സജീവമാകുന്നത്.
മുപ്പതിലധികം സംസ്ഥാന പുരസ്കാരങ്ങളും ആറ് ദേശീയ പുരസ്കാരങ്ങളും അവര്ക്ക് സ്വന്തമായുണ്ട്. 2005-ല് പത്മശ്രീയും 2021-ല് പത്മഭൂഷണും നല്കി രാജ്യം അവരെ ആദരിച്ചു.
LATEST NEWS
- മോഹന്ലാലിന്റെ കൈപിടിച്ച് പാട്ടു പാടി സുചിത്ര; വീഡിയോ വൈറല്
- നീ പോയി എന്ന് എനിക്ക് വിശ്വസിക്കാന് കഴിയുന്നില്ല; സഹോദരിയുടെ ജന്മദിനത്തില് നോവുന്ന കുറിപ്പുമായി ചിത്ര അയ്യര്
- ഞങ്ങളുടെ ദേവി, സഹോദരന് ഞങ്ങള്ക്കു വേണ്ടി എടുത്ത മികച്ച തീരുമാനം; നവമിയെക്കുറിച്ച് വേടന്റെ സഹോദരി
- ‘എം ജി അണ്ണാ, സൂപ്പർ സ്റ്റാറിനെ പോലെ’യെന്ന് ആരാധകൻ; ‘മേക്കപ്പ് ആണ് കുഞ്ഞേ, തട്ടേ കേറിയാൽ നിങ്ങളുടെ സപ്പോര്ട്ടെ’ന്ന മറുപടിയുമായി എം.ജി ശ്രീകുമാര്; വൈറലായി കമന്റ് ബോക്സ്
- ഭാര്യയ്ക്കൊപ്പം വിവാഹ വിരുന്നിനെത്തി; വിരോഷിനെ കേരളത്തിലേക്ക് ക്ഷണിച്ച് ഹിഷാം
