സൂപ്പര് ഓവറില് ഏറ്റവും കൂടുതല് തവണ ജയിക്കുന്ന ടീമായി ; ഡല്ഹി ക്യാപിറ്റല്സ് ചരിത്രം സൃഷ്ടിച്ചു
ഈ സീസണില് ആദ്യമായി സൂപ്പര് ഓവറില് അവസാനിച്ച ആവേശകരമായ മത്സരത്തില് രാജസ്ഥാന് റോയല്സിനെ സൂപ്പര്ഓവറില് പരാജയപ്പെടുത്തി, ഐപിഎല് 2025-ല് ഡല്ഹി ക്യാപിറ്റല്സ് അവരുടെ അഞ്ചാം വിജയം നേടി. ഈ വിജയം പഞ്ചാബ് കിംഗ്സിനെ മറികടന്ന് നാല് സൂപ്പര് ഓവര് വിജയങ്ങള് നേടിക്കൊണ്ട് ഈ രീതിയിലുള്ള വിജയം ഏറ്റവും കൂടുതല് തവണ നേടി റെക്കോര്ഡ് സ്ഥാപിച്ചു.
ഈ മത്സരം സീസണില് ഇതുവരെ നടന്നതില് വെച്ച് ഏറ്റവും ആവേശകരമായ മത്സരങ്ങളില് ഒന്നായിരുന്നു. അരുണ് ജെയ്റ്റ്ലി സ്റ്റേഡിയത്തില് നടന്ന ഈ നിര്ണായക വിജയത്തോടെ ഡല്ഹി ക്യാപ്പിറ്റല്സ് അവരുടെ പേരിലുള്ള സൂപ്പര്ഓവര് വിജയങ്ങള് നാലാക്കുകയും ഈ റെക്കോഡില് മൂന്ന് വിജയങ്ങളുള്ള പഞ്ചാബിനെ മറികടക്കുകയും ചെയ്തു. മത്സരത്തിന്റെ ചരിത്രത്തില് അഞ്ച് സമനില മത്സരങ്ങള് കളിക്കുന്ന ആദ്യ ടീം കൂടിയായി ക്യാപ്പിറ്റല്സ് മാറി. അഭിഷേക് പോറല് നല്കിയ മികച്ച തുടക്കത്തില് നിന്നും മോശം ഫോമിലേക്ക് വീണുപോയ അവര് ആദ്യം ബാറ്റ് ചെയ്ത%േ്പാ ള്അഞ്ചു വിക്കറ്റിന് 188 റണ്സിന്റെ ലക്ഷ്യമാണ് രാജസ്ഥാന് മുന്നിലേക്ക് നീട്ടിയത്.
മധ്യനിരയില് കരുണ് നായര് റണ്ണൗട്ടായി. അദ്ദേഹം പൂജ്യത്തിന് പുറത്തായി. തുടര്ന്ന് കെ.എല്. രാഹുലും പോറലും ചേര്ന്ന് മൂന്നാം വിക്കറ്റില് മികച്ച അര്ദ്ധസെഞ്ച്വറി കൂട്ടുകെട്ട് പടുത്തുയര്ത്തി, തുടര്ന്ന് രാഹുല് 34 റണ്സിന് പുറത്തായി. തൊട്ടുപിന്നാലെ പോറല് തന്റെ അര്ദ്ധസെഞ്ച്വറി ഒരു റണ്ണിന് നഷ്ടമായി. തുടര്ന്ന് ഇന്നിംഗ്സിന്റെ അവസാന അഞ്ച് ഓവറുകളില് ക്യാപിറ്റല്സ് 77 റണ്സ് നേടി. ക്യാപ്റ്റന് അക്സര് പട്ടേല് 14 പന്തില് നിന്ന് 34 റണ്സ് നേടി. ട്രിസ്റ്റന് സ്റ്റബ്സും 18 പന്തില് നിന്ന് 34 റണ്സ് നേടി.
2025 ലെ ഐപിഎല് മത്സരങ്ങളില് ജയ്സ്വാള് തന്റെ മൂന്നാമത്തെ അര്ദ്ധസെഞ്ച്വറി നേടിയെങ്കിലും ടീമിനെ വിജയത്തിലേക്ക് നയിക്കാനായില്ല.
ഓപ്പണര്മാരായ സഞ്ജു സാംസണും യശസ്വി ജയ്സ്വാളും ആദ്യ വിക്കറ്റില് അര്ദ്ധസെഞ്ച്വറി കൂട്ടുകെട്ടോടെ രാജസ്ഥാന് റോയല്സിന് മികച്ച തുടക്കം നല്കി. വാരിയെല്ലിന് പരിക്കേറ്റതിനെ തുടര്ന്ന് സാംസണ് കളം വിട്ടതിനാല് റിട്ടയര്ഡ് ആയി പുറത്തായി.
അര്ദ്ധസെഞ്ച്വറി നേടിയതിന് തൊട്ടുപിന്നാലെ ജയ്സ്വാള് പുറത്തായി. പിന്നാലെ വന്ന നിതീഷ് റാണ ഒരു മിന്നുന്ന അര്ദ്ധസെഞ്ച്വറി നേടി, പക്ഷേ മിച്ചല് സ്റ്റാര്ക്കിന്റെ പന്തില് അദ്ദേഹവും പുറത്തായി. ഒടുവില് 9 വിക്കറ്റ് നഷ്ടത്തില് രാജസ്ഥാന് 188 ല് എത്തിയെങ്കിലും വിജയത്തിലേക്ക് നീങ്ങാനായില്ല. സൂപ്പര് ഓവറില് ആദ്യം ബാറ്റ് ചെയ്ത രാജസ്ഥാന് റോയല്സിന് 11 റണ്സ് മാത്രമേ നേടാനായുള്ളൂ, അവരുടെ രണ്ട് വിക്കറ്റുകളും നഷ്ടപ്പെട്ടു. ട്രിസ്റ്റന് സ്റ്റബ്സും കെഎല് രാഹുലും 4 പന്തില് ആവശ്യമായ 12 റണ്സ് എളുപ്പത്തില് നേടി.
