മൂന്നുമണിക്കൂര്‍ വൈകി വേദിയിലെത്തി, കരഞ്ഞുകൊണ്ട് ക്ഷമാപണം നടത്തി ഗായിക നേഹ കക്കര്‍; അഭിനയം നന്നായിട്ടുണ്ടെന്ന് കാണികള്‍

നിരവധി ബോളിവുഡ് ഗാനങ്ങള്‍ പാടിയിട്ടുളള ഗായികയാണ് നേഹ കക്കര്‍. ഇക്കഴിഞ്ഞ ദിവസം ഓസ്‌ട്രേലിയയില്‍ നടന്ന നേഹയുടെ ഒരു സ്‌റ്റേജ് ഷോയില്‍ നിന്നുളള ദൃശ്യങ്ങളാണിപ്പോള്‍ സോഷ്യല്‍ മീഡിയയില്‍ വ്യാപകമായി പ്രചരിക്കുന്നത്.

മൂന്നുമണിക്കൂര്‍ വൈകിയാണ് ഗായിക പരിപാടിക്കെത്തിയത്. ശേഷം വൈകിയതിന് കാണികളോട് മാപ്പുപറയുകയും വേദിയില്‍നിന്ന് കരയുകയും ചെയ്തു. എന്നാല്‍ കാണികളില്‍ ചിലര്‍ക്ക് വൈകിയെത്തിയശേഷമുളള നേഹയുടെ കരഞ്ഞുകൊണ്ടുളള മാപ്പപേക്ഷ അത്രയ്ക്കങ്ങ് ദഹിച്ചില്ല.

മടങ്ങിപ്പൊയ്‌ക്കോളൂ.. പോയി ഹോട്ടലില്‍ വിശ്രമിച്ചോളൂ എന്നും ഇത് ഇന്ത്യയല്ല ഓസ്‌ട്രേലയിയാണെന്നും കാണികളില്‍ ഒരു കൂട്ടര്‍ പറയുന്ന വീഡിയോയാണ് വ്യാപകമായി പ്രചരിക്കുന്നത്. അഭിനയം വളരെ നന്നായിട്ടുണ്ട്. ഇത് ഇന്ത്യന്‍ ഐഡോള്‍ അല്ല.. എന്നിങ്ങനെയും കാണികളില്‍ ചിലര്‍ പരിഹസിച്ചു പറയുന്നുണ്ട്.

അതേസമയം നേഹയുടെ മാപ്പപേക്ഷ കാണികളില്‍ ഒരുവിഭാഗം കയ്യടിയോടെ സ്വീകരിക്കുന്നതും വീഡിയോയിലുണ്ട്. കാത്തിരുന്നതിന് നന്ദിയുണ്ടെന്നും നല്ല പ്രകടനം നിങ്ങള്‍ക്കായി നല്‍കാമെന്നും പറയുന്നതിനിടെ നേഹ പലവട്ടം വിതുമ്പുന്നതും ദൃശ്യങ്ങളില്‍ കാണാം.

Neha Kakkar crying for being 3 hrs late at a Melbourne showShe also performed for less than 1 hour #NehaKakkar pic.twitter.com/TGyhaeCjpu— Redditbollywood (@redditbollywood) March 24, 2025