ഒച്ചാണെന്നു കരുതി കൈവയ്ക്കരുതേ! ഇവനാണ് ഇരയെ പാതിവഴിയില് തളര്ത്തുന്ന കടലിലെ കൊലയാളി
നമ്മുടെ പറമ്പുകളില് സാധാരണയായി കാണപ്പെടുന്ന ജീവിയാണ് ഒച്ച്. നിരുപദ്രവകാരിയായതുകൊണ്ട് ഇവയെ നാം അത്ര കാര്യമാക്കാറില്ല. എന്നാല് ഇത്തരം പാവം ഒച്ചുകളെ പോലെയല്ല കടലിലെ കോണ് ഒച്ചുകള് (cone snail). കോണാകൃതിയിലുള്ള അതിമനോഹരമായ തോടിനുള്ളില് ഒളിച്ചിരിക്കുന്നത് ഇരയെ നിമിഷനേരം കൊണ്ട് തളര്ത്താന് ശേഷിയുള്ള മാരകവിഷമാണ്. ഇന്തോപസഫിക് മേഖലയിലെ സമുദ്രങ്ങളില് പവിഴപ്പുറ്റുകള്ക്കും മണല്ത്തിട്ടകള്ക്കും ഇടയിലാണ് ഇവ സാധാരണയായി കണ്ടുവരുന്നത്. ഏകദേശം 700ല് അധികം സ്പീഷിസുകള് ഉള്ള ഈ ഒച്ചു കുടുംബത്തില് 'ജ്യോഗ്രഫര് കോണ് ഒച്ച്' (Geographer Cone Snail) ആണ് ഏറ്റവും അപകടകാരി.
'റാഡുല' (Radula) എന്നറിയപ്പെടുന്ന ഉളി പോലെയുള്ള പല്ലുകള് ഉപയോഗിച്ചാണ് ഇവ ഇരയുടെ ശരീരത്തില് വിഷം കുത്തിവെക്കുന്നത്. 'കോണോടോക്സിന്' (Conotoxin) എന്ന ഈ വിഷം നേരിട്ട് നാഡീവ്യവസ്ഥയെ ബാധിക്കുകയും പേശികളെ തളര്ത്തുകയും ചെയ്യുന്നു. രാത്രികാലങ്ങളില് ഇര തേടുന്ന ഇവര് മത്സ്യങ്ങളെയും വിരകളെയുമാണ് പ്രധാനമായും ആഹാരമാക്കുന്നത്. ഇവയുടെ വിഷം മനുഷ്യര്ക്ക് പോലും മാരകമായേക്കാം എന്നതിനാലാണ് കടലിലെ ഏറ്റവും അപകടകാരികളായ ജീവികളുടെ പട്ടികയില് ഇവ ഇടംപിടിക്കുന്നത്.
അപകടകാരികളാണെങ്കിലും വൈദ്യശാസ്ത്ര രംഗത്ത് കോണ് ഒച്ചുകള് വലിയൊരു പ്രതീക്ഷയാണ്. ഇവയുടെ വിഷത്തില് നിന്നും വേര്തിരിച്ചെടുക്കുന്ന ഘടകങ്ങള് അതിശക്തമായ വേദനസംഹാരികള് നിര്മ്മിക്കാന് ഉപയോഗിക്കുന്നു. നാം സാധാരണ ഉപയോഗിക്കുന്ന മോര്ഫിനേക്കാള് നൂറുമടങ്ങ് ഫലപ്രദമാണ് ഈ ഒച്ചുകളുടെ വിഷത്തില് നിന്നുള്ള മരുന്നുകളെന്നാണ് പുതിയ കണ്ടെത്തല്. മനോഹരമായ പുറന്തോടിനുള്ളില് ഒളിപ്പിച്ചുവെച്ച ഈ മാരകവിഷം അങ്ങനെ മനുഷ്യന്റെ ജീവന് രക്ഷിക്കാനുള്ള വഴിയായും മാറുന്നു.
The geographic cone snail stuns its prey with insulin, then closes in and harpoons the fish with deadly neurotoxins.[📹BioPixel]pic.twitter.com/hWD9w3lAhX— Massimo (@Rainmaker1973) December 8, 2025
LATEST NEWS
- നിങ്ങൾ ഈ ഹോബി ഉള്ളവരാണോ? എങ്കിൽ ഓർമ്മശക്തിയും ശ്രദ്ധയും വർധിപ്പിക്കുമെന്ന് പുതിയ പഠനം
- വിദേശത്തുപോകാന് പണിയെടുത്തുണ്ടാക്കിയ സമ്പാദ്യം: വിമാനത്താവളത്തിലെത്തിയ യുവാവിനെ കാത്തിരുന്നത് ഞെട്ടിക്കുന്ന വാര്ത്ത
- വിദ്യാര്ത്ഥിനികളെകൊണ്ട് ശരീരം മസാജ് ചെയ്യിച്ച് അധ്യാപിക: ഞെട്ടിക്കുന്ന ദൃശ്യങ്ങള് പുറത്ത്
- പ്രായമോ സമയയോ വര്ഷമോ ഇല്ല: ആമസോണ് കാടുകളിലെ ഗോത്ര വിഭാഗം ജീവിക്കുന്നതിങ്ങനെ
- വന്ധ്യത ശസ്ത്രക്രിയയ്ക്ക് ശേഷം ആണ്കുഞ്ഞിന് ജന്മം നല്കി: സര്ക്കാരില് നിന്ന് നഷ്ടപരിഹാരം ആവശ്യപ്പെട്ട് യുവതി
