കെ.ഡി.എന്.എ 'മലബാര് മഹോത്സവം 2026' വെള്ളിയാഴ്ച;'കോഴിക്കോട്ടങ്ങാടി'യിലെ മുഖ്യാതിഥി സിനിമതാരം ഹരീഷ് പേരടി
കുവൈത്ത്സിറ്റി: കോഴിക്കോട് ജില്ലാ എന്.ആര്.ഐ അസോസിയേഷന് (കെ.ഡി.എന്.എ) മെഗാ പ്രോഗ്രാം 'മലബാര് മഹോത്സവം -2026' ഫെബ്രുവരി 13 വെള്ളിയാഴ്ച 2 മണിക്ക് മൈലാഞ്ചി മത്സരത്തോടെ ആരംഭിക്കുമെന്ന് ഭാരവാഹികള് വാര്ത്താസമ്മേളനത്തില് അറിയിച്ചു. അബ്ബാസിയ ഇന്ത്യന് സെന്ട്രല് സ്കൂള് ഓപ്പണ് ഗ്രൗണ്ടിലാണ് 'കോഴിക്കോട്ടങ്ങാടി' ഒരുക്കിയിരിക്കുന്നത്.പ്രശസ്ത നടനും നിര്മാതാവുമായ ഹരീഷ് പേരടിയാണ് മലബാര് മഹോത്സവം ഉത്ഘാടനം ചെയ്യുന്നത്.
ജാതി-മത വര്ഗ-രാഷ്ട്രീയ ചിന്തകള്ക്ക് അധീതമായി കുവൈറ്റിലെ സാമൂഹ്യ സാംസ്കാരിക കലാ രംഗത്ത് 15 വര്ഷത്തിലധികമായി പ്രവര്ത്തിച്ചുവരുന്ന സാധാരണക്ക്കാരുടെ കൂട്ടായ്മയാണ് കോഴിക്കോട് ജില്ലാ എന്.ആര്.ഐ അസോസിയേഷന് (കെ.ഡി.എന്.എ).
പ്രവാസ ജീവിതത്തിലെ പിരിമുറുക്കങ്ങള്ക്കിടയില് നാട്ടുകാരോടൊപ്പം ഒത്തുകൂടാനുള്ള ഒരു വേദിയാണ് കെ.ഡി.എന്.എ. കഴിഞ്ഞ വര്ഷങ്ങള്ക്കിടയില് 10 ലധികം സഹോദരങ്ങള് കുവൈത്തിലും നാട്ടിലുമായി സംഘടനക്ക് നഷ്ടപ്പെട്ടിട്ടുണ്ട്. കെ.ഡി.എന്.എ യുടെ സാമൂഹ്യ സുരക്ഷാ പദ്ധതി പ്രകാരം മരണപ്പെട്ട അംഗങ്ങളുടെ കുടുംബങ്ങള്ക്ക് പ്രചാരണ കോലാഹലങ്ങളില്ലാതെ സഹായ ധനം നല്കി വരുന്നുണ്ട്. കൂടാതെ അപകടത്തില് പെടുന്ന മെമ്പറുമാര്ക്കും സഹായങ്ങള് നല്കി വരുന്നു. മെമ്പര്മാര് അല്ലാത്തവരുടെയും നിരവധി അപേക്ഷകള് സംഘടനക്ക് ലഭിക്കുമ്പോഴും സാധ്യമായ സഹായങ്ങള് ചെയ്തു വരുന്നു. അംഗങ്ങളുടെ മക്കളില് വിദ്യാഭ്യാസ രംഗത്തും കലാ രംഗത്തും മുന്നിട്ട് നില്ക്കുന്നവര്ക്ക് പ്രോത്സാഹനം നല്കി വരുന്നു. അംഗങ്ങളുടെ മെഡിക്കല് സംബന്ധിച്ച വിഷയങ്ങള്ക്ക് സഹായം നല്കുന്നതിനായി കുവൈറ്റിലെ മെഡിക്കല് രംഗത്ത് അറിയപ്പെടുന്ന പ്രഗത്ഭരുടെ നേതൃത്വത്തില് ശക്തമായ ഒരു 'മെഡിക്കല് വിങ്' പ്രവര്ത്തിച്ചുവരുന്നു. ഓണം - ഈദ് ആഘോഷങ്ങള്, ഇഫ്താര് വിരുന്നുകള്, വിനോദ യാത്രകള് തുടങ്ങിസാമൂഹികാഘോഷങ്ങളും സമൂഹത്തിലെ ഐക്യ ഊട്ടി ഉറപ്പിക്കുന്നതിനു ഉതകുന്ന നിരവധിയുള്ള പരിപാടികളും അവബോധ ക്ളാസ്സുകളും സംഘടന നടത്തിവരുന്നു.
പ്രവാസി സമൂഹത്തിലെ സാഹിത്യ പ്രതിഭകളെ കണ്ടെത്തുകയും അവര്ക്കു വേദി ഒരുക്കുകയും ലക്ഷ്യമാക്കി മലബാര് മഹോത്സവത്തോടനുബന്ധിച്ച് 'കഥാരസം' എന്ന പേരില് ചെറുകഥാ മത്സരവും സംഘടിപ്പിച്ചിരുന്നു. ഗസല് വിരുന്ന്, സാംസ്കാരിക സമ്മേളനം, ഗായിക മഞ്ജരിയും ബാന്ഡും നടത്തുന്ന ലൈവ് മ്യൂസിക്കല് കണ്സേര്ട്, ആസിഫ് കാപ്പാടിന്റെ സംഗീത വിരുന്ന്, അറബ്-ഇന്ത്യന് സംസ്കാരങ്ങളിലുള്ള നൃത്തങ്ങള് തുടങ്ങി നിരവധി കലാ പരിപാടികള് അരങ്ങേറുന്നതാണ്.
വാര്ത്താസമ്മേളനത്തില് സന്തോഷ് പുനത്തില് (പ്രസിഡണ്ട്), ശ്യാം പ്രസാദ് (ജനറല് സെക്രട്ടറി), കൃഷ്ണന് കടലുണ്ടി, സുരേഷ് മാത്തൂര്, ബഷീര് ബാത്ത (അഡൈ്വസറി ബോര്ഡ് അംഗങ്ങള്),ഇല്യാസ് തോട്ടത്തില് (മുന് പ്രസിഡണ്ട്), ലീന റഹ്മാന് (വുമണ് ഫോറം, പ്രസിഡണ്ട്) എന്നിവര് പരിപാടികള് വീശദീകരിച്ചു.
YOU MAY BE INTERESTED
LATEST NEWS
- ദോഹയിൽ ഹൃദയസ്തംഭനം മൂലംമലയാളി ബാലിക മരിച്ചു
- തിരുവനന്തപുരം -സൗദി പാസഞ്ചേഴ്സ് ഫോറം ഭാരവാഹികൾ
- ഡ്രോണ് ആക്രമണം; ഇന്ന് പരുക്കേറ്റ രണ്ട് പേരില് ഒരാളെ ആശുപത്രിയില് നിന്ന് ഡിസ്ചാര്ജ് ചെയ്യ്തെന്ന് കുവൈത്ത് ആര്രോഗ്യ മന്ത്രാലയം
- ഇറാനിൽ നിന്ന് ഇന്ത്യൻ വിദ്യാർത്ഥികൾ മടങ്ങുന്നു; അർമേനിയയും അസർബൈജാനും വഴിയുള്ള ഒഴിപ്പിക്കൽ പദ്ധതികൾ സജീവം
- കുവൈത്ത് അന്താരാഷ്ട്ര വിമാനത്താവളത്തിലേക്ക് ഇന്ന് പുലര്ച്ചെ നിരവധി ഡ്രോണ് ആക്രമണങ്ങള്; ആളപായം ഇല്ല-സിവില് ഏവിയേഷന്
