' പ്രിയപ്പെട്ട അര്ജിത്തിന് കൂടുതല് ഉയരങ്ങളിലേക്ക് പറക്കാന് സമയമായി' ; പിന്തുണയുമായി ശ്രേയ ഘോഷാല്
ഗായകന് അര്ജിത് സിംഗ് പിന്നണി ഗാനരംഗത്തു നിന്ന് വിരമിക്കുന്നു എന്ന വാര്ത്ത ഞെട്ടലോടെയാണ് ആരാധകര് കേട്ടത്. വിരമിക്കല് വാര്ത്ത വന്നതോടെ സോഷ്യല് മീഡിയയില് വലിയ ചര്ച്ചകളാണ് നടക്കുന്നത്. എന്നാല് സംഗീതം ചെയ്യുന്നത് താന് നിര്ത്തില്ലെന്നും ആരാധകരോട് അദ്ദേഹം വ്യക്തമാക്കിയിട്ടുണ്ട്. ഇപ്പോഴിതാ അര്ജിത് സിംഗിന് പിന്തുണ അറിയിച്ചിരിക്കുകയാണ് ഗായിക ശ്രേയ ഘോഷാല്.
അര്ജിത് പങ്കുവച്ച പോസ്റ്റില് കമന്റായി കുറിച്ചാണ് ശ്രേയ തന്റെ പിന്തുണ അറിയിച്ചത്. '' അര്ജിത് സിംഗിന്റെ പുതിയൊരു ഘട്ടത്തിന്റെ തുടക്കമാണിത്. ഈ പ്രതിഭയുടെ അടുത്ത സൃഷ്ടി കേള്ക്കാനും അനുഭവിക്കാനും എനിക്ക് ശരിക്കും ആവേശമുണ്ട്!! ഇതൊരു യുഗത്തിന്റെ അവസാനമാണെന്ന് ഒരിക്കലും പറയാനാകില്ല.
പരമ്പരാഗതമായ ഉപാധികളും മാധ്യമങ്ങളും ഉപയോഗിച്ച് ഒരു മികച്ച കലാകാരനെ ഒരിക്കലും നിര്വചിക്കാനോ, ഒരു നിശ്ചിത ഫോര്മുലയില് ഉള്പ്പെടുത്താനോ കഴിയില്ല. എന്റെ പ്രിയപ്പെട്ട അര്ജിത്തിന് കൂടുതല് ഉയരങ്ങളിലേക്ക് പറക്കാന് സമയമായി'', എന്നാണ് ശ്രേയ ഘോഷാലിന്റെ വാക്കുകള്.
അതേസമയം സിനിമാ മേഖലയിലും സംഗീത ലോകത്തുമുളള നിരവധി പ്രമുഖരാണ് അര്ജിത്തിന് പിന്തുണയുമായി എത്തുന്നത്.
LATEST NEWS
- എം.എം. കീരവാണിയുടെ മകന് കാലഭൈരവ വിവാഹിതനാകുന്നു; വധു നടി കാവ്യാ കല്യാണ്റാം
- സായി അഭ്യങ്കറുടെ ‘പവഴ മല്ലി’ക്ക് ചുവടുവെച്ച് വേദ ജയസൂര്യ; വീഡിയോ
- ‘എന്നെത്തന്നെ കൂടുതല് മനസ്സിലാക്കാന് സഹായിച്ചു’; നന്ദഗോവിന്ദം ഭജന ആസ്വദിച്ച് മഹിമ നമ്പ്യാര്
- ‘ഉണ്ണി മുകുന്ദന് എന്റെ ചൈൽഡ്ഹുഡ് ക്രഷ് ആണ്; ആ ഹൈറ്റ്, ബോഡി എല്ലാം കണ്ടാലേ ഞാനൊന്ന് ‘വൗ’ ആയിപ്പോകും...’ഗായിക ശിവാംഗി; വൈറല് താരത്തിന്റെ വാക്കുകള് തരംഗം
- ‘നിറയെ പാട്ടുകളില് നിന്ന് സംഗീത ശൂന്യതയിലേക്ക് കൂപ്പ് കുത്തിയ കാലം’; ജീവിതത്തിലെ ഇരുണ്ട കാലഘട്ടം ഓര്ത്തെടുത്ത് ജി വേണുഗോപാല്
