ഗായിക എസ് ജാനകിയുടെ മകന്‍ അന്തരിച്ചു; കുറിപ്പുമായി കെ എസ് ചിത്ര

പ്രശസ്ത ഗായിക എസ് ജാനകിയുടെ മകന്‍ മുരളി കൃഷ്ണ അന്തരിച്ചു. ഫേസ്ബുക്കില്‍ പോസ്റ്റ് പങ്കുവെച്ച് ഗായിക കെ എസ് ചിത്രയാണ് ഇക്കാര്യം അറിയിച്ചത്. പെട്ടന്നുളള വിയോഗത്തില്‍ ഞെട്ടിയെന്നും ഈ വേദനയും ദുഃഖവും മറികടക്കാന്‍ ദൈവം ജാനകി അമ്മയ്ക്ക് ശക്തി നല്‍കട്ടേയെന്നും കെ എസ് ചിത്ര ഫേസ്ബുക്കില്‍ കുറിച്ചു.

' ഇന്ന് രാവിലെ മുരളി അണ്ണയുടെ ( ഞങ്ങളുടെ പ്രിയപ്പെട്ട ജാനകി അമ്മയുടെ ഏക മകന്‍) പെട്ടന്നുളള വിയോഗവാര്‍ത്ത അറിഞ്ഞപ്പോള്‍ ഞെട്ടിപ്പോയി. സ്‌നേഹനിധിയായ ഒരു സഹോദരനെ നഷ്ടപ്പെട്ടു. ഈ അസഹനീയമായ വേദനയും ദുഃഖവും മറികടക്കാന്‍ ദൈവം അമ്മയ്ക്ക ശക്തി നല്‍കട്ടെ. പരേതനായ ആത്മാവിന് നിത്യശാന്തി ലഭിക്കട്ടെ. ഓം ശാന്തി', കെ എസ് ചിത്ര കുറിച്ചു. ചിത്രയുടെ പോസ്റ്റിന് താഴെ നിരവധി പേരാണ് അനുശോചനം അറിയിക്കുന്നത്.