ശ്രേയസ് അയ്യര്ക്കും രവി ബിഷ്ണോയിക്കും മടങ്ങിവരവ് ; ന്യൂസിലന്റിനെതിരേ ടി20 പരമ്പരയ്ക്കുള്ള ടീമിനെ പ്രഖ്യാപിച്ചു
മുംബൈ: ലോകകപ്പ നടക്കാന് ദിവസങ്ങള് മാത്രം ബാക്കി നില്ക്കേ ജനുവരി 21 മുതല് ന്യൂസിലന്ഡിനെതിരായ ഇന്ത്യയുടെ അഞ്ച് മത്സരങ്ങളുള്ള ടി20 പരമ്പരയ്ക്കുള്ള ടീമില് പരിക്കേറ്റ വാഷിംഗ്ടണ് സുന്ദറിന് പകരക്കാരായി രവി ബിഷ്ണോയി, ശ്രേയസ് അയ്യര് എന്നിവരെയും തിലക് വര്മ്മയെയും ബിസിസിഐ സെലക്ടര്മാര് ഉള്പ്പെടുത്തിയിട്ടുണ്ട്.
തിലക് വര്മ്മയെ കൂടി പരിഗണിക്കുന്ന സാഹചര്യത്തില് ആദ്യ മൂന്ന് മത്സരങ്ങള്ക്ക് മാത്രമേ ശ്രേയസ്അയ്യരെ ടീമില് ഉള്പ്പെടുത്തിയിട്ടുള്ളൂ. ജനുവരി 11 ന് ന്യൂസിലന്ഡിനെതിരായ ആദ്യ ഏകദിനത്തില് ബൗള് ചെയ്യുന്നതിനിടെ വാരിയെല്ലില് ഗുരുതരമായ അസ്വസ്ഥത അനുഭവപ്പെട്ടതിനെ തുടര്ന്ന് സ്പിന് ബൗളിംഗ് ഓള്റൗണ്ടര് വാഷിംഗ്ടണ് സ്കാനിങ്ങിന് വിധേയനായി. ന്യൂസിലന്ഡിനെതിരായ ഏകദിന മത്സരങ്ങള്ക്കായി അദ്ദേഹത്തിന് പകരക്കാരനായി ആയുഷ് ബദോണിയെ നിയമിച്ചു. അടുത്തിടെ രാജ്കോട്ടില് ശസ്ത്രക്രിയയ്ക്ക് വിധേയനായതിനെ തുടര്ന്ന് മധ്യനിര ബാറ്റ്സ്മാന് തിലക് വര്മ്മയെ ആദ്യ മൂന്ന് ടി20 മത്സരങ്ങളില് നിന്ന് മാറ്റി നിര്ത്തും.
2023 ഡിസംബറില് ഓസ്ട്രേലിയയ്ക്കെതിരെ സ്വന്തം നാട്ടില് നടന്ന ടി20 മത്സരത്തില് കളിച്ച ശേഷം പുറത്തുനില്ക്കുന്ന ശ്രേയസ് അയ്യര്ക്കും മടങ്ങിവരവാണ്. കഴിഞ്ഞ വര്ഷം ഐപിഎല് ഫൈനലിന് ശേഷം അദ്ദേഹം ഒരു ടി20 മത്സരവും കളിച്ചിട്ടില്ല, കൂടാതെ പ്ലീഹ പരിക്കില് നിന്ന് സുഖം പ്രാപിച്ചെങ്കിലൂം സയ്യിദ് മുഷ്താഖ് അലി ട്രോഫി ടി20 മത്സരങ്ങളില് നിന്നും അദ്ദേഹം വിട്ടുനിന്നു. പക്ഷേ മുംബൈയ്ക്കായി 50 ഓവര് വിജയ് ഹസാരെ ട്രോഫിക്കായി ആഭ്യന്തര ക്രിക്കറ്റിലേക്ക് മടങ്ങി. നിലവിലെ ഏകദിന പരമ്പരയിലും കളിക്കുന്നുണ്ട്.
ഒരു വര്ഷം മുമ്പ് മുംബൈയില് ഇംഗ്ലണ്ടിനെതിരെ ഒരു ടി20 മത്സരത്തില് അവസാനമായി കളിച്ച ലെഗ്സ്പിന്നര് രവി ബിഷ്ണോയിയും കളിക്കുന്നുണ്ട്. സയ്യിദ് മുഷ്താഖ് അലി ട്രോഫിയിലെയും വിജയ് ഹസാരെ ട്രോഫിയിലെയും പ്രകടനമാണ് അദ്ദേഹത്തിന് പരിഗണന നല്കിയത്. ഏഴ് മത്സരങ്ങളില് നിന്ന് 8.72 എന്ന ഇക്കോണമി റേറ്റോടെ ഒമ്പത് വിക്കറ്റുകള് വീഴ്ത്തി.
ജനുവരി 21 ന് നാഗ്പൂരിലും, ജനുവരി 23 ന് റായ്പൂരിലും, ജനുവരി 25 ന് ഗുവാഹത്തിയിലും, ജനുവരി 28 ന് വിശാഖപട്ടണത്തും, ജനുവരി 31 ന് തിരുവനന്തപുരത്തും അഞ്ച് ടി20 മത്സരങ്ങള് നടക്കും. ഫെബ്രുവരി 7 ന് ടി20 ലോകകപ്പിന് മുമ്പുള്ള ഇന്ത്യയുടെ അവസാന പരമ്പരയാണിത്.
ന്യൂസിലാന്ഡ് പരമ്പരയ്ക്കുള്ള ഇന്ത്യയുടെ പുതുക്കിയ ടി20 ടീം
സൂര്യകുമാര് യാദവ് (ക്യാപ്റ്റന്), അഭിഷേക് ശര്മ്മ, സഞ്ജു സാംസണ് (വിക്കറ്റ് കീപ്പര്), ശ്രേയസ് അയ്യര് (ആദ്യ മൂന്ന് ടി20 മത്സരങ്ങള്), ഹാര്ദിക് പാണ്ഡ്യ, ശിവം ദുബെ, അക്സര് പട്ടേല് (വൈസ് ക്യാപ്റ്റന്), റിങ്കു സിംഗ്, ജസ്പ്രീത് ബുംറ, ഹര്ഷിത് റാണ, അര്ഷ്ദീപ് സിംഗ്, കുല്ദീപ് യാദവ്, വരുണ് ചക്രവര്ത്തി, ഇഷാന് കിഷന് (വിക്കറ്റ് കീപ്പര്), രവി ബിഷ്ണോയ്.
