പടുകൂറ്റന് പാമ്പിന്റെ തലയില് കയറിനിന്ന് ഗായികയുടെ കിടിലന് പ്രകടനം: ഞെട്ടി ആരാധകര്
സോഷ്യല് മീഡിയയില് തരംഗമായി തായ്വാനീസ് പോപ്പ് സെന്സേഷന് ജോളിന് സായ്യുടെ പുതിയ പെര്ഫോമന്സിന്റെ വീഡിയോ. 30 മീറ്റര് നീളമുള്ള ഭീമാകാരമായ പാമ്പിന്റെ തലയുള്ള ഒരു വേദിയില് നൃത്തം ചെയ്യുന്നതിന്റെ വീഡിയോകളാണ് ഇന്റര്നെറ്റില് ഹരം കൊള്ളിക്കുന്നത്. ഡിസംബര് 30 മുതല് ജനുവരി 1 വരെ തായ്പേയില് ആരംഭിച്ച 'പ്ലെഷര്' വേള്ഡ് ടൂറിന്റെ ആദ്യ ഘട്ടത്തിന്റെ ഭാഗമായിരുന്നു ആളുകളെ ആവേശത്തിലാഴ്ത്തിയ വ്യത്യസ്തമായ ഈ പ്രകടനം. കോടികള് ചെലവഴിച്ച് നടത്തുന്ന പ്ലഷര് വേള്ഡ് ടൂര് ഏറെ പ്രതീക്ഷയോടെയാണ് ജോളിന് സായും ആരാധകരും കാണുന്നത്.
ഏഷ്യയിലെ ഏറ്റവും ക്രിയേറ്റീവ് ആന്ഡ് ബോള്ഡ് ലൈവ് പെര്ഫോമര്മാരില് ഒരാളായിട്ടാണ് ജോളിന് സായ്യെ കാണക്കാക്കുന്നത്. പാമ്പിന്റെ തലയ്ക്ക് സമാനമായ ഈ പുതിയ സ്റ്റേജ് കാണികളെ ശരിക്കും അമ്പരപ്പിക്കുകയും ത്രില്ലടിപ്പിക്കുകയും ചെയ്തിട്ടുണ്ട്. ക്രൂ അംഗങ്ങളാണ് തത്സമയം ഈ പാമ്പിന്റെ തല വിവിധ ദിശകളിലേക്ക് ചലിപ്പിക്കുന്നത്. പാമ്പിന്റെ മുകളില് നിന്ന് തികഞ്ഞ ആത്മവിശ്വാസത്തോടെ പാടുന്ന ജോളിന് സായ്യെ ഇപ്പോള് വൈറലായിരിക്കുന്ന വീഡിയോയില് കാണാം. 'സിനിമാറ്റിക്', 'ബോള്ഡ്', 'ഫിയര്ലെസ്' എന്നൊക്കെയാണ് ആരാധകര് ഇതിനെ വിശേഷിപ്പിക്കുന്നത്.
LATEST NEWS
- നിങ്ങൾ ഈ ഹോബി ഉള്ളവരാണോ? എങ്കിൽ ഓർമ്മശക്തിയും ശ്രദ്ധയും വർധിപ്പിക്കുമെന്ന് പുതിയ പഠനം
- വിദേശത്തുപോകാന് പണിയെടുത്തുണ്ടാക്കിയ സമ്പാദ്യം: വിമാനത്താവളത്തിലെത്തിയ യുവാവിനെ കാത്തിരുന്നത് ഞെട്ടിക്കുന്ന വാര്ത്ത
- വിദ്യാര്ത്ഥിനികളെകൊണ്ട് ശരീരം മസാജ് ചെയ്യിച്ച് അധ്യാപിക: ഞെട്ടിക്കുന്ന ദൃശ്യങ്ങള് പുറത്ത്
- പ്രായമോ സമയയോ വര്ഷമോ ഇല്ല: ആമസോണ് കാടുകളിലെ ഗോത്ര വിഭാഗം ജീവിക്കുന്നതിങ്ങനെ
- വന്ധ്യത ശസ്ത്രക്രിയയ്ക്ക് ശേഷം ആണ്കുഞ്ഞിന് ജന്മം നല്കി: സര്ക്കാരില് നിന്ന് നഷ്ടപരിഹാരം ആവശ്യപ്പെട്ട് യുവതി
