വീട്ടിലേക്കുള്ള യാത്രയ്ക്കിടെ റാപ്പിഡോ ഡ്രൈവര്‍ ഉപദ്രവിച്ചു: അനുഭവം പങ്കിട്ട് യുവതി, അന്വേഷണം ആരംഭിച്ച് പോലീസ്

bengaluru, woman, bad, experience, rapido, driver

ഇന്ന് ഭൂരിഭാഗം ആളുകളും തങ്ങളുടെ നല്ലതും ചീത്തയുമായ അനുഭവങ്ങള്‍ സോഷ്യല്‍ മീഡിയയിലൂടെ പങ്കുവയ്ക്കാറുണ്ട്. ഇപ്പോഴിതാ ഇത്തരത്തില്‍ ഒരു റാപ്പിഡോ ഡ്രൈവറില്‍ നിന്നുണ്ടായ ദുരനുഭവം പങ്കുവച്ചിരിക്കുകയാണ് ബംഗളൂരുവില്‍ നിന്നുള്ള ഒരു യുവതി. ഓഫീസില്‍ നിന്നും വീട്ടിലേക്കുള്ള യാത്രയ്ക്കിടെ റാപ്പിഡോ ബൈക്ക് ടാക്‌സി െ്രെഡവര്‍ തന്നെ പീഡിപ്പിക്കാന്‍ ശ്രമിച്ചു എന്നാണ് യുവതി വെളിപ്പെടുത്തിയത്. വീഡിയോ വൈറലായതിന് പിന്നാലെ റാപ്പിഡോ ബൈക്ക് െ്രെഡവറുടെ വിവരങ്ങള്‍ അന്വേഷിച്ച് പോലീസ് തന്നെ വിളിച്ചിരുന്നെന്നും യുവതി പിന്നീട് സമൂഹ മാധ്യമങ്ങളിലൂടെ പങ്കുവച്ചു.

ഇന്ത്യയുടെ ടെക്കി നഗരം എന്ന് വിളിപ്പേരുള്ള ബെംഗളൂരുവിലാണ് ഒരു യുവതിക്ക് ഇത്തരമൊരു അനുഭവം നേരിടേണ്ടിവന്നത്. നവംബര്‍ 6 നാണ് സംഭവം നടന്നത്. ബെംഗളൂരു സിറ്റി പോലീസിന്റെയും റൈഡ്‌ഹെയ്‌ലിംഗ് കമ്പനിയുടെയും ശ്രദ്ധ പിടിച്ചുപറ്റിയ അവരുടെ പോസ്റ്റ് ഉടന്‍ തന്നെ ശ്രദ്ധേയമായി. ചര്‍ച്ച് സ്ട്രീറ്റില്‍ നിന്ന് പേയിംഗ് ഗസ്റ്റായി താമസിക്കുന്ന സ്ഥലത്തേക്ക് റാപ്പിഡോയില്‍ യാത്രയാണ് ബുക്ക് ചെയ്തത്. യാത്രയ്ക്കിടെ ബൈക്ക് െ്രെഡവര്‍ അയാളുടെ കൈമുട്ടുകള്‍ യുവതിയുടെ കാലില്‍ സ്പര്‍ശിച്ച് കൊണ്ടിരിക്കുന്ന വീഡിയോയും യുവതി പങ്കുവച്ചു.

തനിക്ക് ഇത്തരമൊരു അനുഭവം ആദ്യത്തെതാണെന്ന് എഴുതിയ യുവതി ആദ്യം താന്‍ അമ്പരന്ന് പോയെന്നും കുറിച്ചു. െ്രെഡവര്‍ വീണ്ടും അത് തന്നെ ആവര്‍ത്തിച്ചപ്പോള്‍ കാലില്‍ കൈ കൊണ്ട് കുത്തുന്നത് അവസാനിപ്പിക്കാന്‍ പറഞ്ഞു. എന്നാല്‍ അവന്‍ അത് കേട്ട ഭാവം നടിച്ചില്ലെന്നും യുവതി കൂട്ടിച്ചേര്‍ത്തു. കടുപ്പിച്ച് എന്തെങ്കിലും പറഞ്ഞാല്‍ െ്രെഡവര്‍ തന്നെ വഴിയില്‍ ഇറക്കിവിടുമെന്ന് ഭയന്നെന്നും പരിചയമില്ലാത്ത പുതിയ സ്ഥലമായതിനാല്‍ എന്താണ് ചെയ്യേണ്ടതെന്ന് തനിക്ക് അറിയില്ലായിരുന്നുവെന്നും യുവതി കൂട്ടിച്ചേര്‍ത്തു. ഒടുവില്‍ ലക്ഷ്യ സ്ഥാനത്ത് എത്തിയപ്പോഴേക്കും തനിക്ക് വിറയലും കണ്ണീരും വന്നെന്നും യുവതി എഴുതുന്നു.

താന്‍ ബൈക്കില്‍ നിന്നും ഇറങ്ങുന്നത് കണ്ട ഒരാള്‍ താന്‍ അസ്വസ്ഥയാണെന്ന കാര്യം ശ്രദ്ധിച്ചു. അദ്ദേഹം എന്താണ് സംഭവിച്ചതെന്ന് ചോദിച്ചു. കാര്യമറിഞ്ഞപ്പോള്‍ അയാള്‍ ബൈക്ക് െ്രെഡവറെ ചോദ്യം ചെയ്തു. ഈ സമയം അയാള്‍ മാപ്പ് പറഞ്ഞ് ഇനി അങ്ങനെ ആവര്‍ത്തിക്കില്ലെന്ന് പറഞ്ഞു. പക്ഷേ, അവന്‍ അവിടെ നിന്നും പോകുന്ന വഴി തന്റെ നേരെ വിരല്‍ ചൂണ്ടി രൂക്ഷമായി നോക്കിയെന്നും യുവതി കൂട്ടിചേര്‍ത്തു. ഈ അനുഭവം മറ്റൊള്‍ക്ക് ഉണ്ടാകാതിരിക്കാനായി താനിക്കാര്യം പറയുന്നതെന്നും യുവതി കൂട്ടിച്ചേര്‍ത്തു.

വീഡിയോ വൈറലായതോടെ സംഭവത്തില്‍ ബെംഗളൂരു സിറ്റി പോലീസ് ഇടപെട്ടു. യുവതിയോട് സംഭവത്തിന്റെ വിശദാംശങ്ങള്‍ തേടി. വാഹത്തിന്റെ നമ്പറും കൂടുതല്‍ വിവരങ്ങളും തേടിയെന്നും യുവതി കൂട്ടിച്ചേര്‍ത്തു. റാപ്പിഡോ എക്‌സിലൂടെ മറുപടി നല്‍കി. യാത്രയില്‍ െ്രെഡവറുടെ അനുചിതമായ പെരുമാറ്റത്തെക്കുറിച്ച് അറിയുന്നതില്‍ ഞങ്ങള്‍ക്ക് ആശങ്കയുണ്ടെന്നും യാത്രക്കാരുടെ സുരക്ഷയും സുഖസൗകര്യങ്ങളും തങ്ങളുടെ മുന്‍ഗണനയാണെന്നും ആവര്‍ത്തിച്ച റാപ്പിഡോ തങ്ങളും സംഭവത്തില്‍ വിശദമായ അന്വേഷണം നടത്തുമെന്നും അറിയിച്ചു.