' മുറ്റത്തെ പുല്പായിലിരുന്ന് മതിലിനോട് ചേര്ന്നെടുത്ത ചിത്രം' ; പഴയ ഓര്മ പങ്കുവെച്ച് കൈതപ്രം
മലയാളികള്ക്ക് ഏറെ പ്രിയങ്കരനായ സംഗീത സംവിധായകനും ഗായകനും എഴുത്തുകാരനുമായ കൈതപ്രം ദാമോധരന് നമ്പൂതിരി ഇന്സ്റ്റഗ്രാമില് പങ്കുവെച്ച പോസ്റ്റ് വൈറലാകുന്നു. 1969-70 കാലത്തെ തന്റെ ഒരു ചിത്രമാണ് കൈതപ്രം സോഷ്യല് മീഡിയയില് പങ്കുവെച്ചിരിക്കുന്നത്. ആ ചിത്രം എടുത്ത സമയത്തിന്റെ പ്രത്യേകതയും ആ സമയത്തെ ഒരുപിടി ഓര്മകളും കൈതപ്രം ചിത്രത്തിനൊപ്പം കുറിച്ചു.
കൈതപ്രം പങ്കുവെച്ച പോസ്റ്റിന്റെ പൂര്ണരൂപം:
1969- 70 കാലത്തെ ഞാനാണ് ഈ ചിത്രത്തിൽ. കൃത്യമായ സംഗീത പഠനവും സാധകവും പൂഞ്ഞാർ കാഞ്ഞിരമറ്റം കോവിലത്തെ തേവാരവും നടത്തവും ചിട്ടയുമൊക്കെയുള്ള ജീവിതകാലം. മുറ്റത്തെ പുൽപായിലിരുന്ന് മതിലിനോട് ചേർന്നെടുത്ത ചിത്രത്തിന്റെ പശ്ചാത്തലം ഇപ്പോഴുമോർമയുണ്ട്. എന്നാലും ഇംഗ്ലീഷ് പഠനവും മറ്റും മോഹിച്ച കാലം- നഷ്ടസ്വപ്നങ്ങളായി.
വിവേകാനന്ദ സാഹിത്യ സർവ്വസ്വം എല്ലാ വോള്യവും വായിച്ചു തീർക്കുമ്പോൾ എന്റെ സമപ്രായക്കാരനായ ഒരാളും കൂടെയുണ്ടായിരുന്നു. വായന കഴിഞ്ഞു സ്വാമിജിയുടെ ഉദ്ബോധനമറിഞ്ഞു ആ യുവാവ് രാമകൃഷ്ണമഠത്തിൽ പോയി സന്യാസം സ്വീകരിച്ചു. ഞാൻ അടുത്തുവരെയെത്തിയെങ്കിലും സന്യാസത്തിന്റെയത്രയും തീവ്രമായ പഠനത്തിലേർപ്പെട്ടു. ജീവിതത്തിന്റെ ഗതി മാറി ഗായകനും എഴുത്തുകാരനും സിനിമാക്കാരനുമായി.
ഈയിടെ ഏതോ സദസ്സിൽ ആ സന്യാസിവര്യനെ വീണ്ടും കണ്ടു. അദ്ദേഹമാണ് ഈ ഓർമ പുതുക്കിയത്.
കൈതപ്രം പങ്കുവെച്ച പോസ്റ്റിന് താഴെ നിരവധി പേരാണ് കമന്റുകളുമായി എത്തുന്നത്. അന്ന് അങ്ങ് സന്യാസം സ്വീകരിച്ചുവെങ്കില് നമുക്ക് ഇത്ര മനോഹര ഗാനങ്ങള് ലഭിക്കില്ലായിരുന്നുവെന്ന് ആരാധകര് കുറിച്ചു. വേറെ മേഖലയിലേക്ക് പോകാതിരുന്നത് മലയാളത്തിന്റെ പുണ്യമാണെന്നും ധാരാളം പേര് അഭിപ്രായപ്പെട്ടു.
LATEST NEWS
- എം.എം. കീരവാണിയുടെ മകന് കാലഭൈരവ വിവാഹിതനാകുന്നു; വധു നടി കാവ്യാ കല്യാണ്റാം
- സായി അഭ്യങ്കറുടെ ‘പവഴ മല്ലി’ക്ക് ചുവടുവെച്ച് വേദ ജയസൂര്യ; വീഡിയോ
- ‘എന്നെത്തന്നെ കൂടുതല് മനസ്സിലാക്കാന് സഹായിച്ചു’; നന്ദഗോവിന്ദം ഭജന ആസ്വദിച്ച് മഹിമ നമ്പ്യാര്
- ‘ഉണ്ണി മുകുന്ദന് എന്റെ ചൈൽഡ്ഹുഡ് ക്രഷ് ആണ്; ആ ഹൈറ്റ്, ബോഡി എല്ലാം കണ്ടാലേ ഞാനൊന്ന് ‘വൗ’ ആയിപ്പോകും...’ഗായിക ശിവാംഗി; വൈറല് താരത്തിന്റെ വാക്കുകള് തരംഗം
- ‘നിറയെ പാട്ടുകളില് നിന്ന് സംഗീത ശൂന്യതയിലേക്ക് കൂപ്പ് കുത്തിയ കാലം’; ജീവിതത്തിലെ ഇരുണ്ട കാലഘട്ടം ഓര്ത്തെടുത്ത് ജി വേണുഗോപാല്
