ഒഐസിസി കുവൈറ്റ്‌ കണ്ണൂർ ജില്ല കമ്മിറ്റി ഓണാഘോഷ പരിപാടി സംഘടിപ്പിച്ചു

കുവൈത്ത്സിറ്റി: ഒഐസിസി കുവൈറ്റ്‌ കണ്ണൂർ ജില്ല കമ്മിറ്റി "കണ്ണൂരോണം 2K25" എന്ന നാമധേയത്തിൽ ഈ വർഷത്തെ ഓണാഘോഷം അബ്ബാസിയ ഹെവൻസ് റെസ്റ്റോറന്റ് ഹാളിൽ വെച്ച് സംഘടിപ്പിച്ചു. ഒഐസിസി കണ്ണൂർ ജില്ല പ്ര​സി​ഡ​ന്‍റ്​ ലിപിൻ മുഴക്കുന്ന്ന്റെ അ​ധ്യ​ക്ഷ​തയിൽ ഒഐസിസി നാഷണൽ കമ്മിറ്റി പ്രസിഡന്റ് വർഗീസ് പുതുക്കുളങ്ങര സാംസ്കാരിക ​സമ്മേളനം ഉ​ദ്ഘാ​ട​നം ചെ​യ്തു.

നാഷണൽ കമ്മിറ്റി ജനറൽ സെക്രട്ടറിമാരായ ബിനു ചെമ്പാലയം, എം എ നിസാം, നാഷണൽ വൈസ് പ്രസിഡന്റ് സാമുവൽ ചാക്കോ, സംഘടന ചുമതല ഉള്ള ജനറൽ സെക്രട്ടറി ബി എസ് പിള്ള എ​ന്നി​വ​ർ ആ​ശം​സകൾ നേ​ർ​ന്നു. ജില്ലാ ജ​ന​റ​ൽ സെ​ക്ര​ട്ട​റി റിയാസ് പരേത്ത് സ്വാ​ഗ​ത​വും ബിനോയ് കരിമ്പിൽ ന​ന്ദി​യും പ​റ​ഞ്ഞു. എസ് എസ് എൽ സി, പ്ലസ്ടു പരീക്ഷകളിൽ ഉന്നത വിജയം നേടിയ അംഗങ്ങളുടെ മക്കൾക്കുള്ള ആദരവ് ചടങ്ങിൽ കൈമാറി മാവേലി എഴുന്നള്ളത് ,കലാപരിപാടിക്കൽ,കുവൈറ്റിലെ മ്യുസിക് ബാൻഡായ ഫ്രെണ്ട്സ് ഓഫ് കുവൈറ്റിന്റെ ഗാനമേളയും അരങ്ങേറി.