‘‘ആരാധ്യകഥാപാത്രം മോഹന്ലാലും, സത്യനങ്കിളിന്റെ മികച്ച ഓണസദ്യയും; ലോക എന്ന മാസ്റ്റർപീസും, അമ്മുവിനെയോര്ത്തുള്ള അഭിമാനവും...’’ വിനീത് ശ്രീനിവാസന്
മലയാളസിനിമയില് ഒരുപാട് വര്ഷങ്ങള്ക്ക് ശേഷമാണ് ഓണചിത്രങ്ങളുടെ ഉത്സവമേളവുമായി ഒരു ഓണക്കാലം വരുന്നത്. മോഹന്ലാലിന്റെ സിനിമയുള്പ്പടെ പലതരം ജോണറുകളിലുള്ള സിനിമകളാണ് തിയേറ്ററുകളില് ഉത്സവതിമിര്പ്പ് തീര്ക്കുന്നത്. തിയേറ്ററുകള് പ്രേക്ഷകരെ കൊണ്ട് നിറയുകയാണ്. ഒരേ സമയം വിവിധ ജോണറുകളിലുള്ള സിനിമകളെത്തുന്നു എന്നതു തന്നെതാണ് ഇത്തവണത്തെ ഓണചിത്രങ്ങളുടെ പ്രത്യേകത.
ഒരു സിനിമ സത്യന് അന്തിക്കാട്-മോഹന്ലാല് കോമ്പോയിലെത്തിയ ‘ഹൃദയപൂര്വ്വം’മാണ്. കണ്ണു കൊണ്ട് അഭിനയിക്കുന്ന, കണ്ണില് സ്നേഹവും പ്രണയവും കളിചിരികളും തെളിയുന്ന മോഹന്ലാലിനെ തിരികെത്തരുന്ന കുഞ്ഞുസന്തോഷവുമായി ഹൃദയപൂര്വ്വം തിയേറ്ററില് നിന്ന് നടന്നിറങ്ങാം എന്നാണ് പ്രേക്ഷകര് സിനിമ കണ്ട് കുറിക്കുന്നത്.
മറ്റൊരു സിനിമ ഒന്നിലധികം ഭാഗങ്ങളില് ഒരുങ്ങുന്ന ഒരു സിനിമാറ്റിക്ക് യൂണിവേഴ്സിന്റെ ആദ്യ ഭാഗമായ ‘ലോക - ചാപ്റ്റർ വണ്: ചന്ദ്ര’യാണ്. സൂപ്പർഹീറോ ആയ ‘ചന്ദ്ര’യായി കല്യാണി പ്രിയദര്ശന് എത്തുന്ന ഡൊമിനിക് അരുണ് സംവിധാനം ചെയ്ത ഒരു ഫാന്റസി സൂപ്പർ ഹീറോ ചിത്രമാണിത്.
ഇപ്പോഴിതാ ഈ രണ്ടു സിനിമകളും കണ്ടതിനു ശേഷമുള്ള തന്റെ അഭിപ്രായം സോഷ്യല് മീഡിയയിലൂടെ പങ്കിടുകയാണ് അഭിനേതാവും സംവിധായകനുമായ വിനീത് ശ്രീനിവാസന്. ‘‘വളരെക്കാലത്തിനു ശേഷം, ഒരേ ദിവസം രണ്ട് മലയാള സിനിമകൾ ഞാൻ തിയേറ്ററുകളിൽ കണ്ടു. ആദ്യത്തേത് ഹൃദയപൂർവ്വം ആയിരുന്നു. കുളിര്മ്മയും മനോഹരവുമാണത്, സിനിമയിലുടനീളം നമ്മളെ പുഞ്ചിരിപ്പിക്കുന്ന ആരാധ്യനായ മോഹൻലാല്. സംഗീത് പ്രതാപിനെ കാണുന്നത് തന്നെ വളരെ സന്തോഷകരമായിരുന്നു... എന്റെ പ്രിയപ്പെട്ട സംവിധായകരിൽ ഒരാളിൽ നിന്നുള്ള ഒരു മികച്ച ഓണസദ്യ... സത്യൻ അങ്കിൾ, നിങ്ങളുടെ എക്കാലത്തെയും ആരാധകൻ...
രണ്ടാമത്തെത് ലോക ആണ്, അത് ഒരു തികഞ്ഞ മാസ്റ്റർപീസ് ആണ്... ഇത് പുതുമ നിറഞ്ഞതാണ്, വളരെ രസകരമാണ്, കൂടാതെ വളരെ പ്രചോദനാത്മകവുമാണ്... ഡൊമിനിക് അരുൺ, നിങ്ങളുടെ കഠിനാധ്വാനം ഓരോ ഷോട്ടിലും പ്രകടമാണ്. ഈ സിനിമയുടെ ഭാഗമായ എല്ലാവരോടും എനിക്ക് അങ്ങേയറ്റം ബഹുമാനമുണ്ട്... അമ്മു (കല്യാണി പ്രിയദർശൻ) നിന്നെയോർത്ത് എനിക്ക് അതിയായ അഭിമാനമുണ്ട്...കുട്ടി ചന്ദ്രയോട് പ്രത്യേക പരാമർശം, എന്തൊരു കഴിവ്...എന്തൊരു കണ്ടെത്തൽ... ഞാൻ കൂടി ഭാഗമായിരിക്കുന്ന ഫ്രട്ടേണിറ്റിയില് അഭിമാനിക്കുന്നു... ദുല്ഖര് സല്മാന്, നിങ്ങൾ ഒരു പ്രധാന ശക്തിയാണ്... ഈ സിനിമയിൽ വിശ്വസിച്ചതിന് വിശ്വസിച്ചതിന് നിങ്ങൾക്ക് അഭിനന്ദനങ്ങൾ...ജെയ്ക്ക്സ് ബിജോയ്, ചമൻ ചാക്കോ, ഈ സിനിമയുടെ ഭാഗമായ എല്ലാ ടെക്നീഷ്യന്മാര്ക്കും... ടേക്ക് എ ബോ...’’ എന്നാണ് വിനീത് ശ്രീനിവാസന് ചിത്രങ്ങളുടെ പോസ്റ്റര് പങ്കിട്ട് കുറിച്ചിരിക്കുന്നത്.
YOU MAY BE INTERESTED
LATEST NEWS
- ‘ഒരു വരി ‘രഞ്ജിത്ത്’ ഡയലോഗെങ്കിലും പറയണമെന്ന് സിനിമ ആഗ്രഹിച്ചു തുടങ്ങിയ അന്ന് മുതൽ സ്വപ്നം കണ്ടതാണ്; ഇന്നിപ്പോള് അതും നടന്നു...’ കുറിപ്പുമായി ആനന്ദ് മന്മഥൻ
- ക്രോസ് നെക്ക് വൈറ്റ് ഡ്രസ്സില് പേര്ളി; ട്വിന്നിംഗില് നിളയും നിതാരയും; റൊമാന്റിക്കായി പേര്ളിയെ ചേര്ത്തു പിടിച്ച് ശ്രീനിഷ്; ഫാമിലി ഫോട്ടോഷൂട്ട് ഇന് ക്രൂയിസ് ട്രെന്ഡിംഗ്
- ഇയാൾ ഇപ്പോഴാണോ കളിയും കഴിഞ്ഞ് ഇറങ്ങണേ എന്ന് കമന്റ്; ‘ചിത്രം എടുത്തവന് ഇന്നാണ് അയച്ച് തന്നത് ബ്രോ’ എന്ന വൈറല് മറുപടി നല്കി ആന്റണി പെപ്പെ
- ‘എനിക്ക് അത്രമേൽ ഇഷ്ടപ്പെട്ട ചില വസ്ത്രങ്ങള്...’ സല്വാറിലും സാരിയിലും അതിസുന്ദരിയായി സായ് പല്ലവി; മിനിമല് മേക്കപ്പില് നിറചിരിയോടെ താരം
- നടന് രണ്ദീപ് ഹൂഡയ്ക്കും ലിന് ലൈഷ്റാമിനും പെണ്കുഞ്ഞ് പിറന്നു; സന്തോഷവാര്ത്ത പങ്കുവെച്ച് താരങ്ങള്
