ഐഎസ്എല്ലിന് 'റെഡ് കാര്ഡ്'; പുതിയ സീസൺ ഉടൻ തുടങ്ങില്ല; AIIFന് കത്ത് നൽകി സംഘാടകർ
ന്യൂഡല്ഹി : ഇന്ത്യൻ സൂപ്പര് ലീഗ്(ഐഎസ്എല്) അനിശ്ചിതകാലത്തേക്ക് മാറ്റിവെച്ചു. പുതിയ സീസൺ ഉടൻ തുടങ്ങില്ലെന്ന് ടൂർണമെന്റ് നടത്തിപ്പുകാരായ ഫുട്ബോൾ സ്പോർട്സ് ഡെവലപ്മെന്റ് ലിമിറ്റഡ് അറിയിച്ചു . സെപ്റ്റംബറില് ആരംഭിക്കേണ്ട സീസണ് സംപ്രേഷണാവകാശ കരാർ തർക്കത്തെ തുടർന്നാണ് അനിശ്ചിതകാലത്തേക്ക് മാറ്റിയത്.
സീസൺ എപ്പോൾ തുടങ്ങാൻ കഴിയുമെന്ന കാര്യത്തിൽ തീരുമാനമായിട്ടില്ല. കരാറുമായി ബന്ധപ്പെട്ട പ്രശ്നങ്ങളാണ് ടൂർണമെന്റ് നടത്തിപ്പ് പ്രതിസന്ധിയിലാക്കിയിരിക്കുന്നത്. ലാഭവിഹിതം എങ്ങനെ വീതിക്കണം എന്നതടക്കമുള്ള കാര്യങ്ങളിൽ തർക്കം നിലനിന്നിരുന്നു. ഇത് സംബന്ധിച്ച് നാളുകളായി ചർച്ചകൾ നടന്നുവരികയായിരുന്നു. ഇതാണ് ഐഎസ്എൽ വൈകാൻ കാരണമായത്. സീസൺ എപ്പോൾ തുടങ്ങാൻ കഴിയുമെന്ന കാര്യത്തിൽ തീരുമാനമായിട്ടില്ല.
ഇന്ത്യൻ ഫുട്ബോളിനെ ഉടച്ചു വാർക്കുക എന്ന ലക്ഷ്യത്തോടെ 2014ലാണ് ഐഎസ്എല് തുടങ്ങിയത്. 2019ല് ഐ ലീഗിനെ മറികടന്ന് ഐഎസ്എല് ഇന്ത്യയിലെ ഒന്നാം ഡിവിഷന് ലീഗായി ഫെഡറേഷന് അംഗീകരിക്കുകയും ചെയ്തിരുന്നു. 11 എഡിഷനുകളാണ് ഇത് വരെ നടന്നത്. നേരത്തെ അഖിലേന്ത്യ ഫുട്ബോൾ ഫെഡറേഷൻ 2025-26 സീസണിനായുള്ള വാർഷിക കലണ്ടറിൽ നിന്ന് ഐഎസ്എല്ലിനെ ഒഴിവാക്കിയിരുന്നു.
