' ആ നോളന് ചിത്രം ഉപേക്ഷിച്ചത് ജീവിതത്തിലെ വലിയ വേദനകളില് ഒന്ന്' ; വെളിപ്പെടുത്തലുമായി വില്സ്മിത്ത്
ഹോളിവുഡ് സൂപ്പര് താരവും, ഗായകനുമായ വില്സ്മിത്തിന്റെ വെളിപ്പെടുത്തലാണ് ഇപ്പോള് ആഗോളതല സിനിമ പ്രേമികളുടെ ചര്ച്ചാ വിഷയം. ലിയാനാര്ഡോ ഡികാപ്രിയോയുടെ ക്രിസ്റ്റഫര് നോളന് ചിത്രമായ ' ഇന്സെപ്ഷനി'ലെ ഡീകാപ്രിയോ അവതരിപ്പിച്ച കഥാപാത്രത്തിനായി നോളന് ആദ്യം സമീപിച്ചത് തന്നെ ആയിരുന്നെന്നും പക്ഷെ കഥ മനസിലാകാത്തതിനാല് അത് നിരസിക്കുകയായിരുന്നുവെന്നുമാണ് വില് സ്മിത്തിന്റെ വെളിപ്പെടുത്തല്. അടുത്തിടെ സ്മിത്ത് ഒരു റേഡിയോയ്ക്കു നല്കിയ അഭിമുഖത്തിലാണ് ഇതേ കുറിച്ച് സംസാരിച്ചത്.
'എന്റെ ജിവിതത്തിലെ വലിയ വേദനകളില് ഒന്നാണ് അത്. പരസ്യമായി ഒരു കാര്യം കൂടി പറയാനുണ്ട് .ക്രിസ്റ്റഫര് നോളന് 'ഇന്സെപ്ഷന്' എനിക്ക് വാഗ്ദാനം ചെയ്തു, പക്ഷേ എനിക്ക് കഥ പൂര്ണമായി മനസ്സിലായില്ല, സ്വപ്നങ്ങളുടെയും യാഥാര്ഥ്യങ്ങളുടെയും ഇടയില് നീങ്ങുന്ന കഥകള് വിശദീകരിക്കാന് ബുദ്ധിമുട്ടാണ്. അത് ഒരാള്ക്ക് മനസിലാകുന്ന രീതിയില് അവതരിപ്പിക്കുക എളുപ്പമല്ല,'' എന്നായിരുന്നു സ്മിത്തിന്റെ മറുപടി. കൂടാതെ ഐകോണിക് ആയി മാറിയ സിനിമകള് ഇത്തരത്തില് വേണ്ടെന്നു വെച്ചതില് ഖേദമുണ്ടെന്നുമ വില് സ്മിത്ത് കൂട്ടിച്ചേര്ത്തു.
2010ല് പുറത്തിറങ്ങിയ ' ഇന്സെപ്ഷന്' എന്ന സയന്സ് ഫിക്ഷന് ബ്ലോക്ബസ്റ്റര് ആയിരുന്നു. നോളന്റെ ഏറ്റവും പ്രശംസ നേടിയ ചിത്രങ്ങളിലൊന്നായിരുന്നു ' ഇന്സെപ്ഷന്'. ബോക്സ് ഓഫീസില് 800 മില്യണ് ഡോളറിലധികമാണ് ചിത്രം നേടിയത്. ഒപ്പം 4 ഓസ്കാര് പുരസ്കാരങ്ങളും സ്വന്തമാക്കി.
YOU MAY BE INTERESTED
LATEST NEWS
- അപ്പോക്കലിപ്റ്റോ താരം ഹെറാര്ഡോ ടരസെന അന്തരിച്ചു
- വിമാനാപകടത്തില് മരിക്കുന്നതായി മൂന്ന് തവണ സ്വപ്നം കണ്ടെന്ന് കൊളംബിയന് പോപ്പ് താരം; പിന്നാലെ വിമാനാപകടത്തില് മരണം
- ഹോളിവുഡ് സംവിധായകന് റോബ് റെയ്നറും ഭാര്യയും വീട്ടില് മരിച്ച നിലയില് ; മകന് അറസ്റ്റില്
- ഇറാനിയന് സിനിമയിലെ ഇതിഹാസം; നടന് ഹുമയൂണ് എര്ഷാദി അന്തരിച്ചു
- ഹോളിവുഡ് നടനും ഓസ്കര് അവാര്ഡ് ജേതാവുമായ റോബര്ട്ട് റെഡ്ഫോര്ഡ് അന്തരിച്ചു
