പുതുതായി നിര്‍മ്മിച്ച ആറ് വരി പാത: മൂക്ക് കുത്തി കുഴിയിലേക്ക് വീണ് ഓട്ടോറിക്ഷ, വീഡിയോ വൈറല്‍

ഗുജറാത്തിലെ അഹമ്മദാബാദില്‍ ആറ് മാസം മുമ്പാണ് മകര്‍ബാ മെയിന്‍ റോഡ് ആറ് വരി പാതയാക്കി ഉയര്‍ത്തിയത്. എന്നാല്‍, ആ റോഡിലൂടെ പോയ ഒരു ഓട്ടോ റിക്ഷ ഇന്നലെ (5.4.'25) റോഡിന് നടുവില്‍ രൂപപ്പെട്ട അപ്രതീക്ഷിത ഗര്‍ത്തത്തിലേക്ക് മൂക്കും കുത്തിവീഴുന്നിതിന്റെ ദൃശ്യങ്ങളാണ് ഇപ്പോള്‍ കടുത്ത ആശങ്ക സൃഷ്ടിക്കുന്നത്.

സാധാരണ വേഗതയില്‍ പോവുകയായിരുന്ന ഓട്ടോ റിക്ഷ പെട്ടെന്ന് റോഡിലെ കുഴിയിലേക്ക് വീഴുകയായിരുന്നു. ആദ്യം മുന്‍ചക്രങ്ങള്‍ ഗര്‍ത്തത്തിലേക്ക് വീണു. പിന്നാലെ ഗര്‍ത്തം വലുതാകുകയും മുന്‍ ചക്രത്തോടൊപ്പം ഓട്ടോയുടെ മുന്‍ഭാഗം ഏതാണ്ട് മുഴുവനായും കുഴി വിഴുങ്ങുകയും ചെയ്തു. പിന്‍ ചക്രങ്ങള്‍ ഗര്‍ത്തത്തിന് മുകളില്‍ കുടുങ്ങിയതിനാല്‍ ഓട്ടോ പൂര്‍ണ്ണമായും കുഴിയിലേക്ക് മറിയാതെ നിന്നു. അപകടത്തില്‍ ഓട്ടോ ഡ്രൈവര്‍ക്ക് സാരമായ പരിക്കേറ്റു.

'ഞാന്‍ പതിവ് പോലെ പോകുകയായിരുന്നു. മുന്നിലെ വളരെ ചെറിയ കുഴി എന്റെ ശ്രദ്ധയില്‍പ്പെട്ടില്ല. മുന്‍ ചക്രം കുഴിയിലേക്ക് കടന്നതും കുഴി വലുതായി ഓട്ടോയുടെ മുന്‍ഭാഗം ഏതാണ്ട് മുഴുവനായും കുഴിയിലേക്ക് മറിയുകയായിരുന്നു. ഈ സമയം എന്റെ മുഖം മുന്‍ഗ്ലാസിന് അടിക്കുകയും മുഖത്ത് നിന്നും രക്ഷസ്രാവമുണ്ടായി.' ഓട്ടോ ഡ്രൈവര്‍ രഞ്ജിത്ത് ഭായി പറഞ്ഞതായി റിപ്പോര്‍ട്ടുകള്‍ പറയുന്നു.

പരിക്കുകള്‍ ഉണ്ടായെങ്കിലും രഞ്ജിത്ത് പെട്ടെന്ന് തന്നെ പുറത്തിറങ്ങി. ഇയാളെ അടുത്തുള്ള ആശുപത്രിയിലെത്തിച്ച് ചികിത്സ നല്‍കി വിട്ടയച്ചു. പിന്നാലെ പോലീസെത്തി പ്രദേശത്ത് ഗതാഗത നിയന്ത്രണം ഏര്‍പ്പെടുത്തി. അതേസമയം റോഡ് നിര്‍മ്മാണത്തിലെ അപാകതയാണ് ഗര്‍ത്തത്തിന് കാരണമെന്നും അതല്ല, അപ്രതീക്ഷിതമായി പെയ്ത മഴയെ തുടര്‍ന്നാണ് റോഡില്‍ ഗര്‍ത്തം രൂപപ്പെട്ടതെന്നും സമൂഹ മാധ്യമങ്ങളില്‍ രണ്ട് തരം അഭിപ്രായമുയര്‍ന്നു.

Makarba Main Road, Ahmedabad, Gujarat, on May 5, 2025. Gujarat Model in an autorickshaw tries to dig out #Terrorists responsible for "deliberate Intelligence oversight" induced #PahalgamTerroristAttack while there was NO Intelligence Failure notwithstanding MHA and IB's lies. pic.twitter.com/WT5lOTNMhD— Sushovan Chaudhuri #FreePalestine (@mesushovan) May 6, 2025