‘4 ദിവസത്തെ ശ്രമത്തിന് ശേഷം എന്റെ ഗ്യാസ് സിലിണ്ടർ ബുക്കിംഗ് രജിസ്റ്റർ ചെയ്തുവെന്ന് തോന്നുന്നു...’ രസകരമായ പെയിന്റിംഗ് പങ്കുവച്ച് സുഹാസിനി മണിരത്നം
ഇറക്കുമതിയെ ആശ്രയിച്ചാണ് ഇന്ത്യയിലെ പാചകവാതക വിതരണം മുന്നോട്ട് പോകുന്നതെന്നതു കൊണ്ടു തന്നെ രാജ്യത്ത് പാചകവാതക ക്ഷാമം ജനജീവിതത്തെ സാരമായി ബാധിക്കുന്നുണ്ട്. ഗാർഹിക ആവശ്യങ്ങൾക്കുള്ള എൽപിജി സിലിണ്ടറുകളുടെ വിതരണത്തിലും പ്രതിസന്ധി നേരിടുന്ന സാഹചര്യമാണ് നിലവിലുള്ളത്. പല ഏജൻസികളും ബുക്കിങ് സ്വീകരിക്കുന്ന ഫോൺ നമ്പറുകൾ പ്രവർത്തനരഹിതമാക്കിയതും വലിയ തോതിലുള്ള പ്രശ്നങ്ങള് സൃഷ്ടിക്കുന്നുണ്ട്. എല്പിജി ബുക്കിങ് ഇടവേള 45 ദിവസമാക്കിയതും ജനങ്ങളില് പരിഭ്രാന്തി സൃഷ്ടിക്കുന്നുണ്ട്.
ഇപ്പോഴിതാ ഈ സാഹചര്യം വളരെ രസകരമായി തന്റെ പെയിന്റിംഗിലൂടെ പ്രകടിപ്പിക്കുകയാണ് സുഹാസിനി മണിരത്നം. എഴുത്തുകാരി, അഭിനേത്രി, ഛായാഗ്രഹക, സംവിധായിക എന്നീ നിലകളില് തിളങ്ങി നില്ക്കുന്ന താരം വളരെ ഭംഗിയായി വരയ്ക്കുകയും ചെയ്യും. നിലവിലെ പാചകവാതക പ്രതിസന്ധിയാണ് സുഹാസിനി വരച്ചു കാട്ടിയിരിക്കുന്നത്. ‘‘4 ദിവസത്തെ ശ്രമത്തിന് ശേഷം എന്റെ ഗ്യാസ് സിലിണ്ടർ ബുക്കിംഗ് രജിസ്റ്റർ ചെയ്തു എന്ന് എനിക്ക് തോന്നുന്നു....ആശംസകള് ഇന്ഡെയ്ന്....(എന്റെ ഇന്നത്തെ ഡ്രോയിംഗ്)...’’ എന്ന ക്യാപ്ഷന് നല്കിയാണ് തന്റെ രസകരമായ വര സുഹാസിനി പങ്കിട്ടിരിക്കുന്നത്. തന്റെ ഫോണ് കൈയില് പിടിച്ച് അതില്ത്തന്നെ ഒരു ചെറുപുഞ്ചിരിയോടെ നോക്കിയിരിക്കുന്ന സുന്ദരിയായ സുഹാസിനിയെ പെയിന്റിംഗില് കാണാം.
YOU MAY BE INTERESTED
LATEST NEWS
- ‘അവള് അല്ലാഹുവിന്റെ വിലയേറിയ സമ്മാനം; ഞങ്ങളുടെ ഹംദു മോന്റെ സ്നേഹ നിധിയായ സഹോദരി...’ഷംന കാസിമിനും തനിക്കും പെണ്കുഞ്ഞ് ജനിച്ച സന്തോഷം പങ്കിട്ട് ഭര്ത്താവ് ഷാനിദ്
- ' ഗ്യാസ് ' പോയത് നമ്മടെയാ.. യുദ്ധം എത്ര മാരകമാണെന്നറിയാന് മുറ്റത്ത് മിസൈല് വീഴണമെന്നില്ല' ; മീനാക്ഷി അനൂപ്
- ‘ഞങ്ങളുടെ കഷ്ടകാലത്തിന് മോഹൻലാൽ എന്ന് പറയുന്ന മഹാനടന്റെ വാനപ്രസ്ഥമായിരുന്നു ഓപ്പോസിറ്റായി മത്സരിച്ചത്; അല്ലെങ്കിൽ മണിക്ക് നാഷണൽ അവാർഡ് കിട്ടിയേനെ...’ വിനയന്
- ‘എന്നെ ചോദ്യം ചെയ്യാത്ത ആളുകൾക്കൊപ്പം ജോലി ചെയ്യുമ്പോഴാണ് കൂടുതൽ സമ്മർദ്ദം തോന്നാറുള്ളത്...’ മോഹന്ലാലിനെയും അക്ഷയ്കുമാറിനെയും കുറിച്ച് പ്രിയദര്ശന്
- ‘അവസാന നിമിഷം റദ്ദാക്കിയതിന് ക്ഷമ ചോദിക്കുന്നു; ഒഴിവാക്കാനാവാത്ത സാഹചര്യം വന്നതിനാലാണ്...’; ‘ആട് 3’ പ്രൊമോഷൻ മുടങ്ങിയതിന്റെ വിശദീകരണവുമായി വിജയ് ബാബു
