കുവൈത്തില്‍ കിംവദന്തികള്‍-വ്യാജ വാര്‍ത്തകള്‍ പ്രചരിപ്പിക്കുന്നവര്‍ക്ക് 3 വര്‍ഷം തടവ് ശിക്ഷ; 9 പേര്‍ അറസ്റ്റില്‍

കുവൈത്ത്സിറ്റി: ദേശീയ സുരക്ഷയ്ക്ക് ഹാനികരമോ, രാജ്യത്തിന്റെ സ്ഥിരതയെ ബാധിക്കുന്നതോ തരത്തില്‍ കിംവദന്തികള്‍ പ്രചരിപ്പിക്കുകയോ തെറ്റായ വാര്‍ത്തകള്‍ പ്രചരിപ്പിക്കുകയോ ചെയ്യുന്നവര്‍ക്കെതിരെ കര്‍ശന നടപടി സ്വീകരിച്ച് അധികൃതര്‍. കിംവദന്തികള്‍, വ്യാജ വാര്‍ത്തകള്‍ പ്രചരിപ്പിച്ച വിവിധ കേസുകളിലായി 9 പേരെ ആഭ്യന്തര മന്ത്രാലയം അറസ്റ്റ് ചെയ്തിട്ടുണ്ട്.ഇത്തരക്കാര്‍ക്ക് ഏതിരെ ശക്തമായ നടപടി സ്വീകരിക്കുമെന്ന് ഡെപ്യൂട്ടി അറ്റോര്‍ണി ജനറല്‍ അഹമ്മദ് അല്‍-കന്തരി അറിയിച്ചു. ഇത്തരം കുറ്റങ്ങള്‍ക്ക് കുറഞ്ഞത് മൂന്ന് വര്‍ഷത്തെ തടവും ഉള്‍പ്പെടുന്നുവെന്ന് അദ്ദേഹം ചൂണ്ടിക്കാണിച്ചു.രണ്ട് തവണ ആഭ്യന്തര മന്ത്രാലയം പ്രസ്താവനയിലൂടെ ഇത്തരം പ്രവര്‍ത്തനങ്ങളില്‍ നിന്ന് പെതുജനങ്ങള്‍ പിന്മാറണമെന്ന് ആവശ്യപ്പെട്ടിരുന്നു.
ചില വ്യക്തികള്‍ സോഷ്യല്‍ മീഡിയയില്‍ കിംവദന്തികള്‍ ആകസ്മികമായി പങ്കിട്ടേക്കാമെങ്കിലും അത്തരം പ്രവര്‍ത്തനങ്ങള്‍ നിരുപദ്രവകരമാണെന്ന് കണക്കാക്കപ്പെടുന്നില്ലെന്ന് അല്‍-കന്തരി വിശദീകരിച്ചു.
തെറ്റായ വിവരങ്ങള്‍ പ്രചരിപ്പിക്കുന്നത് നിയമപരമായ ഉത്തരവാദിത്തത്തിന് വിധേയമായ ഗുരുതരമായ ക്രിമിനല്‍ കുറ്റമാണ്. ദേശീയ താല്‍പ്പര്യങ്ങള്‍ക്കോ ദേശീയ സുരക്ഷയ്ക്കോ ഹാനികരമായ തെറ്റായ വാര്‍ത്തകള്‍ പ്രസിദ്ധീകരിക്കുകയോ വീണ്ടും പ്രസിദ്ധീകരിക്കുകയോ ചെയ്യുന്നത് കുറ്റവാളിയെ കടുത്ത ശിക്ഷകള്‍ക്ക് വിധേയമാക്കുന്നു.
ഇത്തരം പ്രവൃത്തികളില്‍ ഉള്‍പ്പെട്ടിട്ടുണ്ടെന്ന് തെളിയിക്കപ്പെട്ട ആര്‍ക്കെതിരെയും നിയമം നടപ്പാക്കാന്‍ പബ്ലിക് പ്രോസിക്യൂഷന്‍ മടിക്കില്ലെന്ന് അദ്ദേഹം ആവര്‍ത്തിച്ചു.
വാര്‍ത്തകള്‍ കൈകാര്യം ചെയ്യുമ്പോള്‍ കൃത്യത പുലര്‍ത്തേണ്ടതിന്റെയും ഔദ്യോഗിക സ്രോതസ്സുകളില്‍ നിന്ന് മാത്രം വിവരങ്ങള്‍ തേടേണ്ടതിന്റെയും ആവശ്യകത അദ്ദേഹം ഊന്നിപ്പറഞ്ഞു.