ഹോസ്റ്റല് കൈയടക്കി വിദ്യാര്ഥിനേതാവിന്റെ അംഗരക്ഷകര്; തോക്കുചൂണ്ടി ഭീഷണി അന്വേഷണം പ്രഖ്യാപിച്ച് ഡല്ഹി സര്വകലാശാല
ന്യൂഡല്ഹി: ഡല്ഹി സര്വകാലശാലയിലെ വിദ്യാര്ഥി യൂണിയന് പ്രസിഡന്റ് ആര്യന് മാന് നിയമിച്ച സ്വകാര്യ സുരക്ഷാ ജീവനക്കാര് ഹോസ്റ്റലില് തോക്കുമായി കയറി താമസക്കാരെ ഭീഷണിപ്പെടുത്തിയെന്നു പരാതി. സംഭവം അന്വേഷിക്കാന് സര്വകലാശാല ആറംഗ സമിതി രൂപീകരിച്ചു.
സര്വകലാശാലയുടെ ഗ്വയര് ഹാള് ഹോസ്റ്റലിലാണ് അതിക്രമം നടന്നത്. ആര്യന് മാന്റെ കൂട്ടാളികള് നിയമവിരുദ്ധമായി ഹോസ്റ്റലിന്റെ പല ഭാഗങ്ങളും കൈവശപ്പെടുത്തിയിട്ടുണ്ടെന്നു ഹോസ്റ്റലിലെ താമസക്കാര് പരാതി നല്കി. കൂപ്പണുകള് ഇല്ലാതെ മെസ് പതിവായി ഉപയോഗിക്കുന്നതായും പരാതിയുണ്ട്.
23 ന് മെസിലുണ്ടായ തര്ക്കത്തെത്തുടര്ന്നാണു മാന്റെ കൂട്ടാളികള് മറ്റുള്ളവരെ ഭീഷണിപ്പെടുത്തിയത്. സംഘത്തിലൊരാള് മെസിലെ കൂപ്പണ് ബുക്ക്ലെറ്റ് മുഴുവന് എടുത്തുകൊണ്ടുപോയതായും ആരോപണമുണ്ട്. എ.ബി.വി.പി. നേതാവാണ് ആര്യന് മാന്.
LATEST NEWS
- ഹോര്മുസില് 700 ഇന്ത്യന് നാവികര്; മൂന്നു മരണം, ഒരാളെ കാണാതായി
- ട്രാന്സ്ജെന്ഡര് വ്യക്തി ഭേദഗതി ബില് ലോക്സഭയില്
- ഭയപ്പെടേണ്ടെന്നു പറയുന്ന പ്രധാനമന്ത്രി തന്നെ ഭയക്കുന്നു: രാഹുല് ഗാന്ധി
- രശ്മിക മന്ദാനയുടെ ബ്രേക്കപ്പിനെക്കുറിച്ചുള്ള സ്വകാര്യ സംഭാഷണം ചോര്ന്നു; വിവാദം
- എല്.പി.ജി. ക്ഷാമം: ബുക്കിങ് ഇടവേള 45 ദിവസമാക്കി
