ബംഗ്ലാദേശ് മന്ത്രിസഭയില് ന്യൂനപക്ഷ മുഖമായി നിതായ് റോയ് ചൗധരി
ധാക്ക: ബംഗ്ലാദേശില് ബംഗ്ലാദേശ് നാഷണലിസ്റ്റ് പാര്ട്ടിയുടെ നേതൃത്വത്തിലുള്ള പുതിയ മന്ത്രിസഭയില് ന്യൂനപക്ഷ മുഖമായി നിതായ് റോയ് ചൗധരി. ബി.എന്.പി. മുതിര്ന്ന നേതാവും പ്രമുഖ ഹിന്ദു ന്യൂനപക്ഷ മുഖവുമായ മുതിര്ന്ന രാഷ്്രടീയക്കാരനായ നിതായ് റോയ് ചൗധരി സത്യപ്രതിജ്ഞ ചെയ്തു അധികാരമേറ്റു. 50 അംഗ മന്ത്രിസഭയിലേക്കുള്ള അദ്ദേഹത്തിന്റെ പ്രവേശനം ബി.എന്.പി. നേതൃത്വത്തിലുള്ള ഭരണകൂടത്തില് ന്യൂനപക്ഷ പ്രാതിനിധ്യത്തിനു ഒരു സുപ്രധാന നിമിഷമാണ്. പതിറ്റാണ്ടുകളായി ദേശീയ രാഷ്്രടീയത്തില് സജീവ പങ്കുവഹിച്ച രാഷ്്രടീയക്കാരനും അഭിഭാഷകനുമാണ് നിതായ് റോയ് ചൗധരി. 1949 ജനുവരി 7-ന് മഗുര ജില്ലയിലെ മുഹമ്മദ്പൂരിലെ ഹത്ബാരിയ ഗ്രാമത്തില് ജനിച്ച അദ്ദേഹം ധാക്ക സര്വകലാശാലയില്നിന്നു ബിരുദം നേടി.
1988-ലെ നാലാം ദേശീയ പാര്ലമെന്റ് തെരഞ്ഞെടുപ്പില് ജാതിയ പാര്ട്ടി ടിക്കറ്റില് മഗുര-2 നിയോജകമണ്ഡലത്തില്നിന്നു വിജയിച്ചു . ആ കാലയളവില്, മഗുര ജില്ലാ കൗണ്സിലിന്റെ ചെയര്മാനായും പിന്നീട് വിദ്യാഭ്യാസം, യുവജന, കായികം, നിയമം, നീതി, പാര്ലമെന്ററി കാര്യ മന്ത്രാലയങ്ങളില് സംസ്ഥാന മന്ത്രിയായും സേവനമനുഷ്ഠിച്ചു. 1990 സെപ്റ്റംബര് 9 മുതല് 1990 ഡിസംബര് 6 വരെ യുവജന-കായിക മന്ത്രിയായും അദ്ദേഹം സേവനമനുഷ്ഠിച്ചു. പ്രസിഡന്റ് എച്ച.്എം. ഇര്ഷാദിന്റെ പതനത്തിനുശേഷം, ചൗധരി ബി.എന്.പി.യില് ചേര്ന്നു.
