പി.ഡി.എ കുവൈത്ത് ‘രജതപൗർണമി–2026’ വെള്ളിയാഴ്ച; മന്ത്രി വീണാ ജോർജ്,ആന്റോ ആന്റണി എം.പിയും സംബന്ധിക്കും. കടമ്മനിട്ടയുടെ ‘കുറത്തി’ എന്ന കവിതയുടെ ദൃശ്യാവിഷ്കാരം ഒരുക്കിയിട്ടുണ്ട്

കുവൈത്ത്സിറ്റി: കുവൈത്തിലെ പത്തനംതിട്ട ജില്ലാ അസോസിയേഷൻ (PDA) രജത ജൂബിലി ആഘോഷമായ “രജതപൗർണമി–2026” ഫെബ്രുവരി 13-ാം തീയതി (വെള്ളിയാഴ്ച )വൈകുന്നേരം 4 മണിക്ക് അബ്ബാസിയ സെൻട്രൽ സ്കൂൾ ഓഡിറ്റോറിയത്തിൽ വെച്ച് ആഘോഷിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു..
25 വർഷത്തെ സേവനവും സമൂഹബന്ധവും അനുസ്മരിക്കുന്ന ഈ പരിപാടിയുടെ മുഖ്യാതിഥികൾ ആയി ആന്റോ ആന്റണി എം.പി,
പരമിത ത്രിപതി (ഇന്ത്യൻ അംബാസഡർ, കുവൈറ്റ്), വീണാ ജോർജ് (കേരള ആരോഗ്യ മന്ത്രി) പങ്കെടുക്കും.
വൈവിധ്യമാർന്ന സാംസ്കാരിക പരിപാടികളോടൊപ്പം വിവിധ മേഖലകളിൽ വ്യക്തിമുദ്ര പതിപ്പിച്ചിട്ടുള്ള പ്രഗല്ഭ വ്യകതികൾക്കുള്ള പുരസ്കാര വിതരണവും, കവി കടമ്മനിട്ടയുടെ ‘കുറത്തി’ എന്ന കവിതയുടെ ദൃശ്യാവിഷ്കാരവും, അഫ്സൽ–അഖില നയിക്കുന്ന ലൈവ് ബാൻഡ് സംഗീത പരിപാടിയും, മെന്റലിസ്റ്റ് അനന്തുവിന്റെ മെന്റലിസം ഷോയും ആഘോഷങ്ങൾക്ക് മാറ്റുകൂട്ടും.
PDAയുടെ സിൽവർ ജൂബിലി ആഘോഷങ്ങളിൽ പങ്കുചേരാൻ എല്ലാ അംഗങ്ങളെയും കുടുംബങ്ങളെയും സ്നേഹപൂർവ്വം സ്വാഗതം ചെയ്യുന്നതായി സംഘാടകർ അറിയിച്ചു.
പത്തനംതിട്ട ജില്ലാ അസോസിയേഷൻ പ്രസിഡണ്ട് ലാലു ജേക്കബ്,ജനറല്‍ സെക്രട്ടറി മാര്‍ട്ടിന്‍ മാത്യു,ഗീത കൃഷ്ണന്‍ -രക്ഷാധികാരി,ബെന്നി ജോര്‍ജ്-കണ്‍വീനര്‍,രാജന്‍ തോട്ടത്തില്‍-ചെയര്‍മാന്‍,അനി ബിനു-ട്രഷറര്‍ എന്നിവര്‍ പരിപാടികള്‍ വിശദീകരിച്ചു.
കൂടുതൽ വിവരങ്ങൾക്ക്:
📞 66501482 | 66242655 | 65836578 | 50846575 | 69699347