ആരുമറിഞ്ഞില്ല; കാലിഫോര്ണിയയുടെ ഇരട്ടി പ്രദേശം ട്രംപ് കൂട്ടിച്ചേര്ത്തു
വാഷിങ്ടണ്: കാലിഫോര്ണിയയുടെ ഇരട്ടി വിസ്തീര്ണമുള്ള പുതിയ പ്രദേശം യു.എസ്. പ്രസിഡന്റ് ഡോണള്ഡ് ട്രംപ് അമേരിക്കയോട് കൂട്ടിച്ചേര്ത്തതായി റിപ്പോര്ട്ട്. പുതിയ പ്രദേശങ്ങള് കൂട്ടിച്ചേര്ത്തുള്ള ഭൂപടവും അദ്ദേഹം അവതരിപ്പിക്കാന് ഒരുങ്ങുകയാണ്. ആര്ട്ടിക് കടലിനോട് ചേര്ന്നുള്ള പ്രദേശമാണ് അദ്ദേഹം യു.എസിനോട് കൂട്ടിച്ചേര്ത്തത്. ആ മേഖലയ്ക്കു കാലിഫോര്ണിയയുടെ ഇരട്ടി വിസ്തീര്ണമുണ്ട്. ഈ മേഖലയിലെ കടലില് നിരവധി വിഭവങ്ങളുണ്ട്. അതാണു ട്രംപിന്റെ താല്പര്യത്തിനു പിന്നില്.
2023ല്, യു.എസ്. സ്റ്റേറ്റ് ഡിപ്പാര്ട്ട്മെന്റ്, രാജ്യത്തിന്റെ തീരത്തുനിന്നും 200 നോട്ടിക്കല് മൈലുകള്ക്ക് അപ്പുറത്തുള്ള ഏകദേശം 86,000 ചതുരശ്ര മൈല് കടല് പ്രദേശം യു.എസ്. വികസിപ്പിച്ച ഭൂഖണ്ഡാന്തര ഷെല്ഫ് ആയി ഔദ്യോഗികമായി പ്രഖ്യാപിച്ചു.
രാജ്യാന്തര നിയമ(ഇ.സി.എസ്)പ്രകാരം തീരദേശ രാജ്യങ്ങള്ക്ക് കടല്ത്തറയിലെ ധാതുക്കള്, എണ്ണ, വാതകം എന്നിവ ഉള്പ്പെടെയുള്ള വിഭവങ്ങള് കണ്ടെത്താനും ഉപയോഗിക്കാനുമുള്ള പ്രത്യേക അധികാരമുണ്ട്. ഐസ്ബ്രേക്കര് ദൗത്യങ്ങള്, ആഴക്കടല് ഭൂപടനിര്മാണം, ഭൂകമ്പ സര്വേകള് എന്നിവ ഉള്പ്പെട്ട ദശാബ്ദങ്ങളുടെ ശാസ്ത്രീയ പ്രവര്ത്തനങ്ങളുടെ ഫലമാണ് യു.എസ്. ഈ അവകാശവാദം.
പുതിയതായി നിര്വചിക്കപ്പെട്ട പ്രദേശം അലാസ്കയുടെ വടക്ക്, ഹൈ ആര്ട്ടിക് ഭാഗങ്ങളില്, റഷ്യയുടെ സമീപത്തുള്ളതും വളര്ന്നുവരുന്ന ധ്രുവീയ ഷിപ്പിങ് ഇടനാഴികളുമുള്ള തന്ത്രപരമായി പ്രധാനപ്പെട്ട ചുക്ച്ചി പീഠഭൂമിയുടെയും കാനഡ ബേസിന്റെയും ഭാഗങ്ങളിലേക്ക് വ്യാപിച്ചു കിടക്കുന്നു.
ഗവേഷണം 2003ല് ജോര്ജ് ഡബ്ല്യു. ബുഷ് ഭരണകൂടത്തിന്റെ കീഴിലാണ് ആരംഭിച്ചതെങ്കിലും യു.എസിന്റെ ഊര്ജ സ്വാതന്ത്ര്യം, ആര്ട്ടിക് ആധിപത്യം എന്നിവയെ മുന്ഗണന നല്കിയ പ്രസിഡന്റ് ട്രംപിന്റെ കീഴില് ഈ അവകാശവാദം പുതിയ പ്രാധാന്യം നേടി.
ഷ് ഭരണകൂടത്തിന്റെ കീഴിലാണ് ആരംഭിച്ചതെങ്കിലും യു.എസിന്റെ ഊര്ജ സ്വാതന്ത്ര്യം, ആര്ട്ടിക് ആധിപത്യം എന്നിവയെ മുന്ഗണന നല്കിയ പ്രസിഡന്റ് ട്രംപിന്റെ കീഴില് ഈ അവകാശവാദം പുതിയ പ്രാധാന്യം നേടി.
