ലോകത്തിലെ ഏറ്റവും വലിയ ശിവലിംഗ പ്രതിഷ്ഠ വിരാട് രാമായണ മന്ദിറില്
പട്ന: ലോകത്തിലെ ഏറ്റവും വലിയ ശിവലിംഗത്തിന്റെ പ്രതിഷ്ഠ വിരാട് രാമായണ മന്ദിറില് ഭക്തിപുരസ്കരം നടന്നു. കിഴക്കന് ചമ്പാരന് ജില്ലയിലെ കല്യാണ്പൂര് ബ്ലോക്കിലെ കൈത്വാലിയിലെ ജാനകി നഗറില് നിര്മാണത്തിലിരിക്കുന്ന വിരാട് രാമായണ മന്ദിറില് ഇന്നലെ ലോകത്തിലെ ഏറ്റവും വലിയ സഹസ്രലിംഗ (ശിവലിംഗ) പ്രതിഷ്ഠയ്ക്കുള്ള പീഠ പൂജ (അടിസ്ഥാന ആരാധന) ഭക്തരെ ആവേശഭരിതരാക്കി. ചടങ്ങിന് സാക്ഷ്യം വഹിക്കാന് ശിവഭക്തരുടെ ഒരു വലിയ ജനക്കൂട്ടം രാം ജാനകി പാതയില് അണിനിരന്നു.
വിരാട് രാമായണ മന്ദിറിന്റെ നിര്മാണത്തിനായുള്ള ശിലാപൂജ(ശിലാസ്ഥാപനം) 2023 ജൂണ് 20 ന് അന്നത്തെ ബിഹാര് സംസ്ഥാന മത ട്രസ്റ്റുകളുടെ ചെയര്മാനായിരുന്ന ആചാര്യ കിഷോര് കുനാലിന്റെ നേതൃത്വത്തില് നടന്നിരുന്നു. അതിനുശേഷം, 250 തൊഴിലാളികള് ഒന്നര വര്ഷമായി ദിവസവും ജോലി ചെയ്ത് 100 അടി താഴ്ചയില്നിന്ന് മൊത്തം 3,102 തൂണുകള് സ്ഥാപിച്ചു. അടിത്തറ പണി പൂര്ത്തിയായ ശേഷം, സമുച്ചയത്തിനുള്ളില് ഒരു അടിത്തറ തയാറാക്കി. തമിഴ്നാട്ടിലെ മഹാബലിപുരത്ത് നിര്മിച്ച 33 അടി ഉയരവും 33 അടി വീതിയുമുള്ള സഹസ്ര ലിംഗം ഈ അടിത്തറയില് സ്ഥാപിക്കും. മുഖ്യമന്ത്രി നിതീഷ് കുമാര്, ഉപമുഖ്യമന്ത്രി സാമ്രാട്ട് ചൗധരി, സംസ്ഥാനത്തെ മറ്റ് നിരവധി പ്രമുഖ നേതാക്കള് എന്നിവര് മതപരമായ ചടങ്ങില് പങ്കെടുത്തു.
LATEST NEWS
- ഹോര്മുസില് 700 ഇന്ത്യന് നാവികര്; മൂന്നു മരണം, ഒരാളെ കാണാതായി
- ട്രാന്സ്ജെന്ഡര് വ്യക്തി ഭേദഗതി ബില് ലോക്സഭയില്
- ഭയപ്പെടേണ്ടെന്നു പറയുന്ന പ്രധാനമന്ത്രി തന്നെ ഭയക്കുന്നു: രാഹുല് ഗാന്ധി
- രശ്മിക മന്ദാനയുടെ ബ്രേക്കപ്പിനെക്കുറിച്ചുള്ള സ്വകാര്യ സംഭാഷണം ചോര്ന്നു; വിവാദം
- എല്.പി.ജി. ക്ഷാമം: ബുക്കിങ് ഇടവേള 45 ദിവസമാക്കി
