റെനോ 15 പ്രോയ്ക്ക് ഇപ്പോള്‍ 6799 രൂപയുടെ ഡിസ്‌കൗണ്ട് ; ഓഫര്‍ പരിമിതകാലത്തേക്ക് മാത്രം

ഓപ്പോയുടെ റെനോ 15 സീരീസ് ഇന്ത്യയില്‍ വില്‍പ്പന ആരംഭിച്ചിരിയ്ക്കുകയാണ്. കഴിഞ്ഞ ആഴ്ചയാണ് ഓപ്പോ റെനോ 15 സീരീസ് ഇന്ത്യയില്‍ ലോഞ്ച് ചെയ്യപ്പെട്ടത്. റെനോ 15, റെനോ 15 പ്രോ മിനി, റെനോ 15 പ്രോ എന്നിങ്ങനെ മൂന്ന് സ്മാര്‍ട്ട്‌ഫോണുകളാണ് ഈ സീരീസിന്റെ ഭാഗമായി ലോഞ്ച് ചെയ്യപ്പെട്ടത്. ഇതില്‍ ഏറ്റവും കരുത്തന്‍ സ്മാര്‍ട്ട്‌ഫോണ്‍ റെനോ 15 പ്രോ 5ജി (OPPO Reno 15 Pro 5G) ആണ്. ആമസോണ്‍, ഫ്‌ലിപ്പ്കാര്‍ട്ട്, ഓപ്പോ ഓണ്‍ലൈന്‍ സ്റ്റോര്‍ എന്നിവ വഴി ഈ സ്മാര്‍ട്ട്‌ഫോണ്‍ വാങ്ങാന്‍ സാധിയ്ക്കും. ഓപ്പോ റെനോ 15 5ജിയുടെ 12ജിബി + 256ജിബി മോഡലിന് 67,999 രൂപയും 12ജിബി + 512ജിബി മോഡലിന് 72,999 രൂപയുമാണ് വില.

വില്‍പ്പന ആരംഭിക്കുന്നതിന്റെ ഭാഗമായി 10 ശതമാനം ഇന്‍സ്റ്റന്റ് ഡിസ്‌കൗണ്ട് റെനോ 15 പ്രോ 5ജിക്ക് ലഭ്യമാണ്. അതിനാല്‍ അടിസ്ഥാന മോഡലിന് 6799 രൂപയുടെയും ടോപ് മോഡലിന് 7299 രൂപയുടെയും ബാങ്ക് ഡിസ്‌കൗണ്ട് ലഭ്യമാണ്. ഈ ഡിസ്‌കൗണ്ട് പ്രയോജനപ്പെടുത്തിയാല്‍ അടിസ്ഥാന മോഡല്‍ 61,200 രൂപ വിലയില്‍ സ്വന്തമാക്കാനാകും. പരിമിത കാലത്തേക്ക് മാത്രമാകും ലോഞ്ച് ഓഫറുകള്‍ ലഭ്യമാകുക. ഡിസ്‌കൗണ്ടിന് പുറമേ, 180 ദിവസത്തെ സ്‌ക്രീന്‍ ഡാമേജ് പ്രൊട്ടക്ഷന്‍, 1 വര്‍ഷത്തെ എക്സ്റ്റന്‍ഡഡ് വാറന്റി ഉള്‍പ്പെടെ മറ്റ് ആനുകൂല്യങ്ങളും ലോഞ്ച് ഓഫറിന്റെ ഭാഗമായി ഓപ്പോ റെനോ 15 പ്രോ 5ജിക്ക് ലഭ്യമാണ്. സണ്‍സെറ്റ് ഗോള്‍ഡ്, കൊക്കോ ബ്രൗണ്‍ കളര്‍ ഓപ്ഷനുകളില്‍ ഈ ഫോണ്‍ വാങ്ങാനാകും.

റെനോ 15 പ്രോ 5ജിയുടെ ഹൈലൈറ്റ് 3.25GHz വരെ ഒക്ട കോര്‍ ഡൈമെന്‍സിറ്റി 8450 4nm പ്രൊസസര്‍ കരുത്തും ട്രിപ്പിള്‍ റിയര്‍ ക്യാമറ സജ്ജീകരണവുമാണ്. 1/1.56' സെന്‍സറുള്ള 200MP മെയിന്‍ ക്യാമറ (f/1.8 അപ്പേര്‍ച്ചര്‍, OIS), 50MP 116º അള്‍ട്രാ-വൈഡ് ക്യാമറ (ƒ/2.0 അപ്പേര്‍ച്ചര്‍), 50MP 3.5X പെരിസ്‌കോപ്പ് ക്യാമറ (OIS, f/2.8 അപ്പേര്‍ച്ചര്‍), 4K 60fps വീഡിയോ റെക്കോര്‍ഡിംഗ് എന്നിവ റിയര്‍ ക്യാമറ സജ്ജീകരണത്തില്‍ അടങ്ങുന്നു. സെല്‍ഫിക്കും മറ്റുമായി 50MP ഫ്രണ്ട് ക്യാമറ (f/2.0 അപ്പേര്‍ച്ചര്‍, 4K 60fps വീഡിയോ റെക്കോര്‍ഡിങ്) ഇതിലുണ്ട്. 6.78-ഇഞ്ച് (2772 x 1272 പിക്‌സലുകള്‍) 1.5K ഫ്‌ലാറ്റ് OLED LTPO സ്‌ക്രീന്‍, 120Hz സ്മാര്‍ട്ട് റിഫ്രഷ് റേറ്റ്, 240Hz ടച്ച് സാമ്പിള്‍ റേറ്റ്, 3600nits വരെ ലോക്കല്‍ പീക്ക് ബ്രൈറ്റ്‌നസ്, 2160Hz ഹൈ-ഫ്രീക്വന്‍സി PWM ഡിമ്മിംഗ്, OPPO ക്രിസ്റ്റല്‍ ഷീല്‍ഡ് ഗ്ലാസ് പ്രൊട്ടക്ഷന്‍ എന്നിവയാണ് ഡിസ്‌പ്ലേയുമായി ബന്ധപ്പെട്ട പ്രധാന ഫീച്ചറുകള്‍.

Mali-G720 MC7 GPU @1300MHz, 12GB LPDDR5X റാം, 256GB / 512GB UFS 3.1 സ്റ്റോറേജ്, ഇന്‍-ഡിസ്പ്ലേ ഫിംഗര്‍പ്രിന്റ് സെന്‍സര്‍, ഇന്‍ഫ്രാറെഡ് സെന്‍സര്‍, USB ടൈപ്പ്-സി ഓഡിയോ, സ്റ്റീരിയോ സ്പീക്കറുകള്‍, IP66+ IP68+ IP69 റേറ്റിങ്, 5G SA/ NSA, ഡ്യുവല്‍ 4G VoLTE, USB ടൈപ്പ്-C 2.0 എന്നീ ഫീച്ചറുകളും റെനോ 15 പ്രോ 5ജിയില്‍ നല്‍കിയിരിക്കുന്നു. 80W SuperVOOC ഫാസ്റ്റ് ചാര്‍ജിംഗ്, 50W AIRVOOC വയര്‍ലെസ് ഫാസ്റ്റ് ചാര്‍ജിംഗ് എന്നിവയുള്ള 6500mAh ബാറ്ററിയാണ് റെനോ 15 പ്രോ 5ജിയില്‍ ഉള്ളത്. ആന്‍ഡ്രോയിഡ് 16 അടിസ്ഥാനമാക്കിയുള്ള ColorOS 16 -ല്‍ ആണ് പ്രവര്‍ത്തനം.