കിന്റർഗാർട്ടൻ ബാസ്കറ്റ്ബോൾ പെർഫോമൻസിനിടെ വഴുതിപ്പോയ ബോള്; പതറാതെ പ്രകടനം തുടര്ന്ന കുട്ടി; കൂട്ടുകാരനെ തന്ത്രപൂര്വ്വം സഹായിച്ച് സഹപാഠി; കുരുന്നുകൾക്ക് സല്യൂട്ടുമായി കാഴ്ചക്കാർ
വളരെ നിഷ്കളങ്കമായി ചിന്തിക്കുകയും പ്രവർത്തിക്കുകയും ചെയ്യുന്നവരാണ് കുട്ടികൾ. അവർക്കിടയിൽ മത്സരങ്ങൾ കുറവാണ്, താൻ തോറ്റാലും കൂട്ടത്തിലുള്ള ആൾ ജയിച്ചാൽ അവർ സന്തോഷത്തോടെ കൈയടിക്കും. മറ്റൊരാൾക്ക് ഒരു പ്രശ്നം വന്നാൽ തോൽപ്പിക്കാൻ നോക്കാതെ അവർ സഹായിക്കും.
ഇപ്പോഴിതാ അത്തരത്തിൽ കാഴ്ച്ചക്കാരുടെ ഹൃദയം കവരുകയാണ് ഈ കുരുന്നുകൾ. ദക്ഷിണ ചൈനയിലെ ഗ്വാങ്ഡോങ് പ്രവിശ്യയിലെ ഡോങ്ഗുവാൻ സിറ്റിയിൽ നടന്ന ഒരു കിന്റർഗാർട്ടൻ ബാസ്കറ്റ്ബോൾ പ്രകടനത്തിനിടെയാണ് ഈ സംഭവം നടക്കുന്നത്. ബാസ്കറ്റ്ബോൾ പ്രകടനം ചെയ്യുന്ന ഒരു കൊച്ചുകുട്ടിയുടെ കൈകളിൽ നിന്ന് ഒരു പന്ത് വഴുതിവീണ് ഉരുണ്ട് പോകുന്നത് ദൃശ്യങ്ങളിൽ കാണാം.
എന്നാൽ മറ്റുള്ളവർക്ക് പന്തുണ്ടല്ലോ, തനിക്ക് ഇല്ലല്ലോ എന്ന് കരുതി പരിഭ്രാന്തരാകുന്നതിനുപകരം, ആ ശാന്തനായി പ്രകടനം തുടർന്നു. ഫോർമേഷൻ മാറിയപ്പോൾ, മുൻ നിരയിലെ ഒരു കുട്ടി, ബാസ്കറ്റ്ബോൾ നഷ്ടമായ തന്റെ സഹപാഠിയുടെ അടുത്തേക്ക് പന്ത് സുഗമമായി തട്ടി നൽകി. ആ സമയം ആ കുട്ടിയത് കൃത്യമായി പിടിച്ച് പ്രകടനം പൂർത്തിയാക്കി. മത്സരങ്ങൾ ഇല്ലാത്ത ഈ ടീം വർക്കിന്റെ മികച്ച പ്രകടനത്തിന് നിറഞ്ഞ കൈയടിയാണ് സോഷ്യൽ മീഡിയ നൽകുന്നത്.
LATEST NEWS
- എന്തൊരു വിധി! ഒരു സിലിണ്ടര് എത്തിച്ചാല് 50 പ്ലേറ്റ് മോമോസ് സൗജന്യം: വൈറലായി റസ്റ്ററന്റിന്റെ ഓഫര്
- റീല്സ് ചിത്രീകരണത്തിനിടെ ശരീരത്തില് തട്ടി: വഴിയാത്രക്കാരനെ ഓടിച്ചിട്ട് തല്ലി ഇന്ഫ്ളുവന്സര്
- ഇന്ത്യയില് മരുന്നുകള്ക്ക് ഇത്ര വിലക്കുറവോ? കണ്ണുതള്ളി ഓസ്ട്രേലിയന് വ്ളോഗര്, വീഡിയോ
- ചിറകില്ലെങ്കില് എന്താ! അസലായി പറക്കും ഈ പാമ്പുകള്, കേരളത്തിലെ വനമേഖലയിലും കാണാനാകും
- ഇറാന്റെ നെടുംതൂണായ കുഞ്ഞന് ദ്വീപ്: തൊട്ടാല് ലോകം തന്നെ മാറ്റിമറിക്കപ്പെടും
