സാംസങ്ങിന്റെ ഈ സ്മാര്‍ട്ട്‌ഫോണ്‍ കുറഞ്ഞ വിലയില്‍ സ്വന്തമാക്കാന്‍ അവസരം

പുതുവര്‍ഷത്തില്‍ സ്മാര്‍ട്ട്‌ഫോണുകളുടെയെല്ലാം വില വര്‍ധിച്ചിരിയ്ക്കുകയാണ്. എന്നാല്‍ ബാങ്ക് കാര്‍ഡുകളുടെ സഹായം ഇല്ലാതെ തന്നെ ഒരു സ്മാര്‍ട്ട്‌ഫോണ്‍ കുറഞ്ഞ വിലയില്‍ സ്വന്തമാക്കാനുള്ള അവസരം ഇപ്പോള്‍ ആമസോണ്‍ ഒരുക്കിയിട്ടുണ്ട്. സാംസങ് ഏതാണ്ട് എട്ടുമാസം മുന്‍പ് ഇന്ത്യയില്‍ ലോഞ്ച് ചെയ്ത ഗാലക്‌സി എം56 5ജി ആണ് ഈ സ്മാര്‍ട്ട്‌ഫോണ്‍. ഇന്ത്യയില്‍ വില്‍പ്പനയ്ക്ക് എത്തുന്ന സമയത്ത് സാംസങ് ഗാലക്‌സി എം56 5ജിയുടെ 8GB+ 128GB വേരിയന്റിന് 27,999 രൂപയും 8GB+256GB വേരിയന്റിന് 30999 രൂപയുമായിരുന്നു വില.

പിന്നീട് ചില ഓഫര്‍ സെയിലുകളില്‍ ബാങ്ക് ഡിസ്‌കൗണ്ടുകള്‍ പ്രയോജനപ്പെടുത്തിയാല്‍ ഇതിന്റെ അടിസ്ഥാന മോഡല്‍ 24999 രൂപ വിലയില്‍ വാങ്ങാന്‍ സാധിയ്ക്കുമായിരുന്നു. ഇപ്പോള്‍ 24999 രൂപ വിലയില്‍ ഈ സ്മാര്‍ട്ട്‌ഫോണ്‍ ആമസോണില്‍ ലിസ്റ്റ് ചെയ്തിട്ടുണ്ട്. അതിനാല്‍ യാതൊരു ബാങ്ക് കാര്‍ഡുകളുടെയും സഹായമില്ലാതെ തന്നെ ഇത് ലോഞ്ച് വിലയെക്കാള്‍ കുറഞ്ഞ വിലയില്‍ സ്വന്തമാക്കാന്‍ സാധിക്കും. ഇളം പച്ച, ബ്ലാക്ക് കളര്‍ ഓപ്ഷനുകളില്‍ ഈ ഫോണ്‍ ലഭ്യമാണ്. 2.75GHz ഒക്ട കോര്‍ എക്സിനോസ് 1480 പ്രോസസര്‍ ആണ് ഗാലക്‌സി എം56 5ജിയുടെ കരുത്ത്. ട്രിപ്പിള്‍ റിയര്‍ ക്യാമറ സജ്ജീകരണമാണ് ഗാലക്‌സി എം56 5ജി വാഗ്ദാനം ചെയ്യുന്നത്. അതില്‍ f/1.8 അപ്പേര്‍ച്ചറുള്ള 50MP മെയിന്‍ ക്യാമറ, OIS, f/2.2 അപ്പേര്‍ച്ചറുള്ള 8MP അള്‍ട്രാ-വൈഡ് ആംഗിള്‍ ക്യാമറ, f/2.4 അപ്പേര്‍ച്ചറുള്ള 2MP മാക്രോ സെന്‍സര്‍, LED ഫ്‌ലാഷ് എന്നിവ അടങ്ങുന്നു.

സെല്‍ഫിക്കും വീഡിയോ കോളുകള്‍ക്കുമായി ഗാലക്‌സി എം56 5ജിയുടെ ഫ്രണ്ടില്‍ f/2.2 അപ്പേര്‍ച്ചറുള്ള 12MP ക്യാമറയാണ് നല്‍കിയിരിക്കുന്നത്. 120Hz റിഫ്രഷ് റേറ്റ് ഉള്ള 6.7 ഇഞ്ച് (1080 x 2340 പിക്‌സലുകള്‍) FHD+ സൂപ്പര്‍ AMOLED ഇന്‍ഫിനിറ്റി- O HDR ഡിസ്പ്ലേ സഹിതമാണ് എത്തുന്നത്. സുരക്ഷയ്ക്കായി കോര്‍ണിംഗ് ഗൊറില്ല ഗ്ലാസ് വിക്ടസ്+ പ്രൊട്ടക്ഷനും ഉണ്ട്. ആന്‍ഡ്രോയിഡ് 15 അടിസ്ഥാനമാക്കിയുള്ള സാംസങ് വണ്‍ UI 7 ല്‍ ആണ് പ്രവര്‍ത്തനം. 6 പ്രധാന OS അപ്ഗ്രേഡുകളും 6 വര്‍ഷത്തെ സുരക്ഷാ അപ്ഡേറ്റുകളും ഈ ഫോണിന് സാംസങ് വാഗ്ദാനം ചെയ്യുന്നുണ്ട്. 45W ഫാസ്റ്റ് ചാര്‍ജിങ് (ബോക്‌സില്‍ ചാര്‍ജര്‍ ലഭ്യമല്ല) പിന്തുണയുള്ള 5000mAh ബാറ്ററിയാണ് ഇതിലുള്ളത്. AMD Xclipse 530 ജിപിയു, 8GB LPDDR5X റാം, 28GB / 256GB UFS 3.1 ഇന്റേണല്‍ സ്റ്റോറേജ് എന്നിവയും ഇതിലുണ്ട്. ഇന്‍-ഡിസ്പ്ലേ ഫിംഗര്‍പ്രിന്റ് സെന്‍സര്‍, USB ടൈപ്പ്-സി ഓഡിയോ, ഡ്യുവല്‍ സിം (നാനോ+ നാനോ), 5G SA /NSA, 4G VoLTE, Wi-Fi 802.11 ac (2.4GHz + 5GHz), ബ്ലൂടൂത്ത് 5.3, GPS+ GLONASS, USB ടൈപ്പ്-സി, NFC എന്നിവയാണ് മറ്റ് പ്രധാന ഫീച്ചറുകള്‍.