മലയാളി ഗാനത്തിന് കിടിലന് ചുവടുവയ്പ്പുമായി ജാപ്പനീസ് യുവാക്കള്: സംഭവം കലക്കി എന്ന് നെറ്റീസണ്സ്
കഴിഞ്ഞ് കുറച്ചുനാളായി സോഷ്യല് മീഡിയയില് വൈറലാകുന്ന ഗാനമാണ് 'കിഴക്കു സൂര്യനുദിച്ചല്ലോ' എന്നത്. നിരവധി റീലുകളാണ് ഈ ഗാനം ഉപയോഗിച്ച് ആളുകള് പങ്കുവയ്ക്കുന്നത്. ഇപ്പോഴിതാ ഇന്ത്യയ്ക്ക് പുറത്തും വൈറലാകുകയാണ് ഈ മലയാള ഗാനം. ജപ്പാനിലെ ഒരു കൂട്ടം യുവാക്കള് ഈ ഗാനത്തിനൊപ്പം നൃത്തം ചെയ്യുന്നതിന്റെ വീഡിയോ സോഷ്യല് മീഡിയയില് വൈറലാണ്. ഗാനത്തിന്റെ വൈബിന് അനുസരിച്ച് അവര് ചുവടുവയ്ക്കുന്നുണ്ട്.
'കാക്കെ ടാകു' എന്ന ഇന്സ്റ്റഗ്രാം പേജിലാണ് വീഡിയോ പങ്കുവച്ചിരിക്കുന്നത്. വീഡിയോ ഇതിനോടകം ഒരു ദശലക്ഷത്തിലധികം പേരാണ് കണ്ടിരിക്കുന്നത്. വീഡിയോ വൈറലായതിന് പിന്നാലെ നിരവധി കമന്റുകളും വരുന്നുണ്ട്. കൂടുതലും മലയാളികളാണ് കമന്റുമായി രംഗത്തെത്തിയത്. 'കിഴക്ക് സൂര്യനുദിച്ചല്ലോ' എന്ന റാപ്പ് ഗാനം ഒരുക്കിയ ഫെജോയും വീഡിയോയ്ക്ക് കമന്റ് ചെയ്തിട്ടുണ്ട്. 'ജപ്പാനിലേക്കും നമ്മളുടെ പാട്ടുകള് എക്സ്പോര്ട്ടിംഗ് ആരംഭിച്ചിരുന്നു'എന്നായിരുന്നു കമന്റ്. 'ഇപ്പോഴാണ് ഈ പാട്ടിന് പറ്റിയ റീല് കാണുന്നത്', 'ഡാന്സ് മെയ്ഡ് ഇന് ജപ്പാന്, സോംഗ് മെയ്ഡ് ഇന് കേരള', 'അടിപൊളി', 'ആഹാ, കൊല്ലാലോ', 'സൂപ്പറായിട്ടുണ്ട്' ഇങ്ങനെ പോകുന്നു കമന്റുകള്.
റാപ്പര് ഫെജോയുടെ 'വഴികാട്ടി' എന്ന പുതിയ റാപ്പ് ഗാനത്തോടെയാണ് ഈ വരികള് വൈറലായത്. വര്ഷങ്ങള്ക്ക് മുന്പേ ഇറങ്ങിയ 'സഞ്ചാരി' എന്ന ക്രിസ്തീയ ആല്ബത്തിലേതാണ് ആ പാട്ട്. അരൂര് എംഎല്എ ആയ ദലീമ ജോജോയാണ് അന്ന് ആ ഗാനം പാടിയത്.
LATEST NEWS
- നിങ്ങൾ ഈ ഹോബി ഉള്ളവരാണോ? എങ്കിൽ ഓർമ്മശക്തിയും ശ്രദ്ധയും വർധിപ്പിക്കുമെന്ന് പുതിയ പഠനം
- വിദേശത്തുപോകാന് പണിയെടുത്തുണ്ടാക്കിയ സമ്പാദ്യം: വിമാനത്താവളത്തിലെത്തിയ യുവാവിനെ കാത്തിരുന്നത് ഞെട്ടിക്കുന്ന വാര്ത്ത
- വിദ്യാര്ത്ഥിനികളെകൊണ്ട് ശരീരം മസാജ് ചെയ്യിച്ച് അധ്യാപിക: ഞെട്ടിക്കുന്ന ദൃശ്യങ്ങള് പുറത്ത്
- പ്രായമോ സമയയോ വര്ഷമോ ഇല്ല: ആമസോണ് കാടുകളിലെ ഗോത്ര വിഭാഗം ജീവിക്കുന്നതിങ്ങനെ
- വന്ധ്യത ശസ്ത്രക്രിയയ്ക്ക് ശേഷം ആണ്കുഞ്ഞിന് ജന്മം നല്കി: സര്ക്കാരില് നിന്ന് നഷ്ടപരിഹാരം ആവശ്യപ്പെട്ട് യുവതി
