യാത്രക്കാരനെ മര്ദിച്ചു; പൈലറ്റ് അറസ്റ്റില്
ന്യൂഡല്ഹി: ഇന്ദിരാഗാന്ധി രാജ്യാന്തര വിമാനത്താവളത്തില്വച്ച് യാത്രക്കാരനെ മര്ദിച്ച കേസില് എയര് ഇന്ത്യ എക്സ്പ്രസ് പൈലറ്റ് ക്യാപ്റ്റന് വീരേന്ദ്ര സെജ്വാളിനെ ഡല്ഹി പോലീസ് അറസ്റ്റ് ചെയ്തു. പിന്നീട് അദ്ദേഹത്തെ ജാമ്യത്തില് വിട്ടയച്ചതായി അധികൃതര് അറിയിച്ചു. അങ്കിത് ദിവാനാണു പൈലറ്റിനെതിരേ പരാതി നല്കിയത്. ഈ മാസം 19ന് ടെര്മിനല് 1ലെ സുരക്ഷാ പരിശോധനാ കേന്ദ്രത്തിനടുത്താണ് സംഭവം. ക്യൂ തെറ്റിച്ചതിനു എയര്ലൈന് ജീവനക്കാരെ ചോദ്യം ചെയ്തപ്പോള് സെജ്വാള് തന്നെ അസഭ്യം പറയുകയും മര്ദിക്കുകയും ചെയ്തതായി അങ്കിത് നല്കിയ പരാതിയിലുണ്ട്. സംഭവത്തിന് ദൃക്സാക്ഷിയായ തന്റെ ഏഴുവയസുള്ള മകള്ക്ക് അത് മാനസികമായി വലിയ ആഘാതമുണ്ടാക്കിയെന്നും അദ്ദേഹം പറഞ്ഞു. അങ്കിതിന്റെ ഇടത് മൂക്കിന് ചതവുണ്ടായതായി മെഡിക്കല് റിപ്പോര്ട്ടുകള് സ്ഥിരീകരിച്ചു. സി.സി.ടിവി ദൃശ്യങ്ങള് പരിശോധിച്ചുവരികയാണെന്നു ഡല്ഹി പോലീസ് അറിയിച്ചു.
LATEST NEWS
- ഹോര്മുസില് 700 ഇന്ത്യന് നാവികര്; മൂന്നു മരണം, ഒരാളെ കാണാതായി
- ട്രാന്സ്ജെന്ഡര് വ്യക്തി ഭേദഗതി ബില് ലോക്സഭയില്
- ഭയപ്പെടേണ്ടെന്നു പറയുന്ന പ്രധാനമന്ത്രി തന്നെ ഭയക്കുന്നു: രാഹുല് ഗാന്ധി
- രശ്മിക മന്ദാനയുടെ ബ്രേക്കപ്പിനെക്കുറിച്ചുള്ള സ്വകാര്യ സംഭാഷണം ചോര്ന്നു; വിവാദം
- എല്.പി.ജി. ക്ഷാമം: ബുക്കിങ് ഇടവേള 45 ദിവസമാക്കി
