പാക് സൈനിക മേധാവിയുടെ മകള് വിവാഹിതയായി
റാവല്പിണ്ടി: പാകിസ്താന് സൈനിക മേധാവി ജനറല് അസിം മുനീറിന്റെ മകള് മഹ്നൂര് അവരുടെ ആദ്യ ബന്ധുവായ അബ്ദുള് റഹ്മാനുമായി വിവാഹിതയായി. റാവല്പിണ്ടിയില് പാക് സൈനിക ആസ്ഥാനത്ത് കഴിഞ്ഞ 26 നാണ് വിവാഹം നടന്നത്. രാജ്യത്തെ ഉന്നത രാഷ്ട്രീയ നേതാക്കളും സൈനിക വ്യക്തികളും അതില് പങ്കെടുത്തു. ചടങ്ങ് രഹസ്യമായിരുന്നതിനാല് ഫോട്ടോകളൊന്നും പുറത്തുവിട്ടിട്ടില്ല. മുനീറിന് നാല് പെണ്മക്കളാണ്. മൂന്നാമത്തെ മകളുടെ വിവാഹമാണ് നടന്നത്.പാകിസ്താന് പ്രസിഡന്റ് ആസിഫ് അലി സര്ദാരി, പ്രധാനമന്ത്രി ഷഹ്ബാസ് ഷെരീഫ്, ഉപപ്രധാനമന്ത്രി ഇഷാഖ് ദാര് തുടങ്ങിയവര് വിവാഹത്തില് പങ്കെടുത്തു. അസിം മുനീറിന്റെ അനന്തരവനായ അബ്ദുള് റഹ്മാന് പാകിസ്താന് സൈന്യത്തില് ക്യാപ്റ്റനായി സേവനമനുഷ്ഠിക്കുകയും പിന്നീട് സൈനിക ഓഫീസര്മാര്ക്കായി നീക്കിവച്ച ക്വാട്ടയിലൂടെ സിവില് സര്വീസില് ചേരുകയും ചെയ്തു. നിലവില് അസിസ്റ്റന്റ് കമ്മിഷണറാണ്.
