അടിമാലി എസ്എച്ച്ഒ ലൈജുമോനെതിരെ പരാതിയുമായി അടിമാലി സ്വദേശി

അടിമാലിയിൽ പോലീസ് സ്റ്റേഷനിൽ എത്തിയ ആളെ എസ് എച്ച് ഓ മർദ്ദിച്ചതായി പരാതി. അടിമാലി സ്വദേശി പി. ആർ അനിൽകുമാറിനാണ് മർദ്ദനമേറ്റത്.

ഇരുകരണത്തും എസ് എച്ച് ഓ ലൈജുമോൻ സി വി മർദ്ദിച്ചു എന്നാണ് ആരോപണം. മുറിക്കുള്ളിൽ കൂട്ടിക്കൊണ്ടുപോയി ഭീഷണിപ്പെടുത്തി എന്നും പരാതിയുണ്ട്. അനിൽകുമാർ അടിമാലി താലൂക്ക് ആശുപത്രിയിൽ ചികിത്സ തേടി. പൊലീസ് സ്റ്റേഷനിൽ എത്തിയ അനിൽകുമാർ അനാവശ്യമായി ബഹളമുണ്ടാക്കി എന്നാണ് എസ് എച്ച് ഒ ലൈജുവി​െ​ന്‍റ വാദം. സംഭവത്തിൽ ഇടുക്കി ഡിവൈഎസ്പി വിശദീകരണം തേടിയിട്ടുണ്ട്.

രാവിലെ കല്ലാറുകുട്ടിയിൽ വാഹനങ്ങൾ കൂട്ടിമുട്ടിയതുമായി ബന്ധപ്പെട്ട തർക്ക പരിഹാരത്തിനിടയായിരുന്നു സംഭവം. അനിൽകുമാറിന്റെ ബന്ധുവിന്റെ വാഹനമാണ് അപകടത്തിൽപ്പെട്ടത്.