മാഞ്ചസ്റ്റര് യുണൈറ്റഡിനെ വീഴ്ത്തി ആസ്റ്റണ്വില്ല ; ഇരുട്ടടിയായി നായകന് ബ്രൂണോ ഫെര്ണാണ്ടസിന്റെ പരിക്കും
ലണ്ടന്: ഇംഗ്ളീഷ് പ്രീമിയര്ലീഗ് ഫുട്ബോളില് തപ്പിത്തടയുന്ന മാഞ്ചസ്റ്റര് യുണൈറ്റഡിന് വീണ്ടും പ്രഹരം സമ്മാനിച്ച് ആസ്റ്റണ് വില്ല. പട്ടികയില് ഏഴാം സ്ഥാനത്തുള്ള യുണൈറ്റഡിനെ മൂന്നാമതുള്ള ആസ്റ്റണ്വില്ല ഒന്നിനെതിരേ രണ്ടുഗോളുകള്ക്ക് തോല്പ്പിച്ചു. മോര്ഗന് റോജേഴ്സിന്റെ ഇരട്ടഗോളുകളുടെ പിന്ബലത്തിലാണ് വില്ല ജയം നേടിയെടുത്തത്. മാഞ്ചസ്റ്റര് യുണൈറ്റഡിന്റെ ഗോള് മത്യാസ് ക്യൂണയുടേതായിരുന്നു. ഈ ജയത്തോടെ പോയിന്റ് പട്ടികയില് മൂന്നാം സ്ഥാനത്തേക്ക്് ഉയരാന് വില്ലയ്ക്കായി.
ഈ സീസണല് ആസ്റ്റണ് വില്ല എല്ലാ മത്സരങ്ങളിലും അവരുടെ വിജയ റണ് 10 മത്സരങ്ങളായി ഉയര്ത്തി. വില്ല പാര്ക്കില് മാഞ്ചസ്റ്റര് യുണൈറ്റഡിനെ 1914 ന് ശേഷം ആദ്യമായിട്ടാണ് വില്ല തോല്പ്പിക്കുന്നത്. ഉനായ് എമറിയുടെ ടീം മികച്ച നിലയിലല്ലാത്ത ഒരു ദിവസം, മികച്ച ഫോമിലുള്ള റോജേഴ്സ് ഇടവേളയ്ക്ക് ഒരു മിനിറ്റ് മുമ്പാണ് ഗോള് നേടിയത്. നെറ്റിന്റെ കോര്ണറിലേക്ക് പന്തെത്തിച്ചു.
പിന്നാലെ മാഞ്ചസ്റ്റര് യുണൈറ്റഡ് മാത്യൂസ് ക്യൂണയിലൂടെ സമനില നേടി. റോജേഴ്സ് രണ്ടാം തവണയും യുണൈറ്റഡ് ഡിഫന്ഡര് ലെനി യോറോയുടെ ഉള്ളിലേക്ക് കയറി സെന്നെ ലാമെന്സിനെ മറികടന്ന് ആറാമത്തെ ഗോള് നേടി. മത്സരത്തില് തോല്വി ഏറ്റുവാങ്ങിയതിണന് പുറമേ മാഞ്ചസ്റ്റര് യുണൈറ്റഡിന് ബ്രൂണോ ഫെര്ണാണ്ടസിനെ പരിക്കുമൂലം പകുതി സമയത്തിനുള്ളില് നഷ്ടമായത് കൂനിന്മേല് കുരുവായി മാറിയിട്ടുണ്ട്. പരിക്ക്, സസ്പെന്ഷന്, ആഫ്രിക്ക കപ്പ് ഓഫ് നേഷന്സ് ഡ്യൂട്ടി എന്നിവ കാരണം ആറ് സീനിയര് കളിക്കാരെയാണ് യുണൈറ്റഡിന് നഷ്ടമായിരിക്കുന്നത്. ആസ്റ്റണ് വില്ലയുമായി 10 പോയിന്റ് അകലത്തിലായ യുണൈറ്റഡ് ഏഴാം സ്ഥാനത്താണ് പട്ടികയിലുള്ളത്.
