ഞങ്ങളുടെ നൃത്തവിദ്യാലയത്തിലെ ആദ്യ ചുവടുകള്‍; ‘കാക്കും വടിവേലിന്’ ചുവടുവെച്ച് അനു സിത്താര

photo-www.instagram.com/kamaladhalam_by_anusithara/

സമൂഹമാധ്യമങ്ങളില്‍ വൈറലായ കാക്കും വടിവേലിന് ചുവടുവെച്ച് നടി അനു സിത്താര. യുഎഇയില്‍ ആരംഭിച്ച നൃത്തവിദ്യാലയമായ കമലദളത്തിലെ ഡാന്‍സ് ഫ്‌ളോറില്‍ ചിത്രീകരിച്ച ആദ്യ ചുവടുകളാണിത് എന്നു കുറിച്ചാണ് അനു സിത്താര ഡാന്‍സ് റീല്‍ പങ്കുവെച്ചത്. ഞങ്ങളുടെ നുത്തവിദ്യാലയത്തിലെ ആദ്യ ചുവടുകള്‍ മുരുകന്റെ അനുഗ്രഹത്തോടെ , അനു സിത്താര കുറിച്ചു.

മുരുകന്റെ വേലും കാവടിയുമെല്ലാം ഉപയോഗിച്ച് മനോഹരമായാണ് അനു സിത്താര വീഡിയോ ഒരുക്കിയിരിക്കുന്നത്. കമലദളം ബൈ അനു സിത്താര എന്ന തന്റെ ഔദ്യോഗിക പേജില്‍ പങ്കുവെച്ച റീലിന് വലിയ സ്വീകാര്യതയാണ് ലഭിക്കുന്നത്.

ശ്രീലങ്കന്‍ തമിഴ് റാപ്പര്‍ വാഹീസന്‍ റാസയ്യ ആലപിച്ച കാക്കും വടിവേല്‍ എന്ന തമിഴ് ഗാനത്തിനാണ് അനു സിത്താരയുടെ പ്രകടനം. റീലുകളിലും തരംഗമാണ് ഈ മുരുകന്‍ ട്രാക്ക്.

അതേസമയം യുഎഇയില്‍ നൃത്ത വിദ്യാലയം ആരംഭിക്കാന്‍ കഴിഞ്ഞതിന്റെ സന്തോഷം അനു സിത്താര പങ്കുവെച്ചിരുന്നു. ജീവിതത്തിലെ വലിയ സ്വപ്‌നമായിരുന്നു സ്വന്തമായുളള നൃത്ത വിദ്യാലയമെന്നും താരം പറഞ്ഞിരുന്നു. കലാമണ്ഡലത്തില്‍ നുത്തവിദ്യാര്‍ഥിയായിരുന്ന അനു സ്‌കൂള്‍ കാലം മുതല്‍ നൃത്തം അഭ്യസിക്കുന്നുണ്ട്. യുഎഇക്ക് പുറമെ നാട്ടിലും അനുവിന് നൃത്തവിദ്യാലയമുണ്ട്.