പുടിന് പ്രധാനമന്ത്രി നല്‍കിയ അത്താഴവിരുന്നില്‍ ശശി തരൂര്‍ ; കോണ്‍ഗ്രസ് നേതാക്കള്‍ക്ക് ക്ഷണമില്ല ; വീണ്ടും വിവാദം

ന്യൂഡല്‍ഹി: നിരന്തരം നരേന്ദ്രമോദിയെ പുകഴ്ത്തുകയും ബിജെപി സര്‍ക്കാരിന് അനുകൂലമായി സംസാരിക്കുകയും ചെയ്യുന്നതിനിടയില്‍ ശശി തരൂര്‍ വീണ്ടും വിവാദം പിടിക്കുന്നു. പ്രധാനമന്ത്രി റഷ്യന്‍ പ്രസിഡന്റ് വ്‌ളാഡിമിര്‍ പുടിനായി ഒരുക്കിയ അത്താഴ വിരുന്നില്‍ ശശി തരൂര്‍ പങ്കെടുത്തതാണ് പുതിയ വിവാദമായി മാറുന്നത്. ഇക്കാര്യത്തില്‍ അതൃപ്തി പ്രകടിപ്പിച്ച് കോണ്‍ഗ്രസ് ഹൈക്കമാന്റ് രംഗത്ത് വരികയും ബിജെപി നേതൃത്വം ശശി തരൂരിനെ പിന്തുണച്ച് വരികയും ചെയ്തിരിക്കുകയാണ്.

രാഷ്ട്രപതി ഭവനിലെ അത്താഴവിരുന്നിനുള്ള ക്ഷണം സ്വീകരിക്കാനുള്ള തരൂരിന്റെ തീരുമാനം സ്വന്തം പാര്‍ട്ടിക്കുള്ളില്‍ തന്നെ വിമര്‍ശനത്തിന് ഇടയാക്കി. പ്രത്യേകിച്ച് പാര്‍ട്ടി മേധാവി മല്ലികാര്‍ജുന്‍ ഖാര്‍ഗെ, പ്രതിപക്ഷ നേതാവ് രാഹുല്‍ ഗാന്ധി എന്നിവരുള്‍പ്പെടെയുള്ള മുതിര്‍ന്ന കോണ്‍ഗ്രസ് നേതാക്കളെ ക്ഷണിച്ചിട്ടില്ലെന്ന് പാര്‍ട്ടി നേതാക്കള്‍ അവകാശപ്പെട്ടതിനെത്തുടര്‍ന്ന്. പ്രതിപക്ഷ നേതാവ് രാഹുല്‍ഗാന്ധിയെ പോലും അവഗണിച്ച പരിപാടിയിലാണ് ശശി തരൂര്‍ പങ്കെടുത്തത്. ഇത് പ്രോട്ടോകോള്‍ ലംഘനമാണെന്ന് കോണ്‍ഗ്രസ് വിമര്‍ശിച്ചു.

അതേസമയം കോണ്‍ഗ്രസിന്റെ എതിര്‍പ്പിനെ വെള്ളിയാഴ്ച ബിജെപി എംപി മനോജ് തിവാരി രംഗത്തുവന്നു. നയതന്ത്ര ബന്ധങ്ങള്‍ക്കായി സര്‍ക്കാര്‍ വിവിധ പാര്‍ട്ടികളില്‍ നിന്നുള്ള നേതാക്കളുടെ വൈദഗ്ദ്ധ്യം പലപ്പോഴും ഉപയോഗപ്പെടുത്താറുണ്ടെന്ന് അദ്ദേഹം പറഞ്ഞു. മറ്റുള്ളവരെ വിളിക്കാത്തതെന്ന് തനിക്കറിയില്ലെന്ന് ശശി തരൂര്‍ വ്യക്തമാക്കിയിരുന്നു. തന്നെ സംബന്ധിച്ചിടത്തോളം ക്ഷണം ലഭിക്കുകയും പങ്കെടുക്കുകയും ചെയ്യുമെന്ന് ഇന്നലെ തന്നെ ശശി തരൂര്‍ നിലപാട് അറിയിച്ചിരുന്നു. പ്രതിപക്ഷത്തെ നേതാക്കളെ എന്തുകൊണ്ടാണ് വിളിക്കാതിരുന്നത് എന്ന് അറിയില്ലെന്നും പരിപാടിയില്‍ പങ്കെടുത്തവര്‍ ഇതിന് മറുപടി പറയണമെന്നും കോണ്‍ഗ്രസ് വാക്താവ് പവന്‍ ഖേര പറഞ്ഞു.

അത്താഴവിരുന്നില്‍ ഖാര്‍ഗെയെയും രാഹുല്‍ ഗാന്ധിയെയും അതിഥി പട്ടികയില്‍ നിന്ന് ഒഴിവാക്കിയതായി കോണ്‍ഗ്രസ് നേതാക്കള്‍ നേരത്തെ സ്ഥിരീകരിച്ചിരുന്നു. സന്ദര്‍ശനത്തിനെത്തിയ പ്രമുഖരുമായുള്ള കൂടിക്കാഴ്ചകളില്‍ പ്രതിപക്ഷ പ്രതിനിധികളെ ക്ഷണിക്കാതെ മോദി സര്‍ക്കാര്‍ ദീര്‍ഘകാല പ്രോട്ടോക്കോള്‍ ലംഘിച്ചുവെന്ന് രാഹുല്‍ ഗാന്ധി ആരോപിച്ചതിന് ഒരു ദിവസത്തിന് ശേഷമാണ് വിവാദം ഉയര്‍ന്നത്.

ഗാന്ധിയുടെ വിമര്‍ശനം അടിസ്ഥാനരഹിതമാണെന്ന് സര്‍ക്കാര്‍ വൃത്തങ്ങള്‍ തള്ളിക്കളഞ്ഞു, 2024 ജൂണ്‍ 9 ന് പ്രതിപക്ഷ നേതാവായി സ്ഥാനമേറ്റതിനുശേഷം, അന്നത്തെ ബംഗ്ലാദേശ് പ്രധാനമന്ത്രി ഷെയ്ഖ് ഹസീന ഉള്‍പ്പെടെ കുറഞ്ഞത് നാല് വിദേശ രാഷ്ട്രത്തലവന്മാരെയെങ്കിലും അദ്ദേഹം കണ്ടിട്ടുണ്ടെന്ന് ചൂണ്ടിക്കാട്ടി. ഈ വര്‍ഷം കോണ്‍ഗ്രസിനുള്ളില്‍ നിന്ന് തരൂര്‍ എതിര്‍പ്പ് നേരിടുന്നത് ഇതാദ്യമല്ല.